Levithikusi 10:2 - Siswati 1996 Bible

² Masinyane kwachamuka umlilo kuSimakadze wabadla, bafela khona lapho, ebukhoneni bakhe Simakadze.

Levithikusi 10:2 Referencias Cruzadas

2 Samuweli 6:7

Lulaka lwaSimakadze lwamvutsela Uza, ngenca yesento sakhe sekungahloniphi. Ngako Nkulunkulu wamshaya, wafa, wafela khona lapho eceleni kwelibhokisi lesivumelwane saNkulunkulu.

1 Emakhosi 13:28

Waphuma wahamba, wakhandza leso sidvumbu sidzindzibele endleleni, lembongolo nalelibhubesi kume eceleni kwaso. Lelibhubesi belingakasidli lesidvumbu, kantsi futsi nalembongolo belingakayidzabuli.

1 Emakhosi 18:38

Umlilo waSimakadze wehlela etikwalomhlatjelo, wawushisa wawucedza kanye netinkhuni, nematje, nemhlabatsi, wakhotsisisa onkhe emanti labelapho emseleni.

2 Emakhosi 1:10

Elija wayiphendvula, watsi: “Nangabe ngingumuntfu waNkulunkulu, akwehle umlilo ezulwini ukubhubhise wena nalamadvodza langema-50 lohamba nawo!” Ngako umlilo waNkulunkulu wehla ezulwini, wabhubhisa lendvuna kanye nalamadvodza langema-50 leyayihamba nawo.

2 Emakhosi 1:12

Elija wayiphendvula, watsi: “Nangabe ngingumuntfu waNkulunkulu, akwehle umlilo ezulwini ubhubhise wena nalamadvodza langema-50 lohamba nawo.” Ngako umlilo waNkulunkulu wehla ezulwini, wabhubhisa lendvuna kanye nalamadvodza langema-50 leyayihamba nawo.

1 Tikhronike 13:10

Lulaka lwaSimakadze lwamvutsela Uza, wamshaya, ngobe abesabambe lelibhokisi lesivumelwane. Ngako Uza wafa, wafela embikwaNkulunkulu.

1 Tikhronike 15:13

Kungobe nine, maLevi, anilenyusanga kwekucala, ngako-ke Simakadze wasitfukutselela ngaleso sikhatsi. Asizange sike sibute kuSimakadze kutsi singakwenta kanjani njengobe kubhaliwe.”

1 Tikhronike 24:2

Kodvwa bo-Abihu naNadabi bafa kucala kuneyise, babesete bantfwana. Bo-Eleyazare-ke na-Ithamari bona basale bakhonta babaphristi.

Jobe 1:16

Satsi sisakhuluma lesigijimi, kwefika lesinye, satsi: “Umlilo waNkulunkulu wehle esibhakabhakeni washisa tonkhe timvu takho kanye nato tonkhe tinceku takho; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Tihlabelelo 50:3

Nkulunkulu wetfu uyeta, angeke abindze. Embikwakhe kunemlilo locotfulako, utungeletwe sivunguvungu lesesabekako.

Eksodusi 24:1

Simakadze wakhuluma kuMosi, watsi: “Yenyuka, ukhuphukele kuSimakadze, wena, na-Aroni, naNadabi, na-Abihu kanye nebaholi bema-Israyeli labangema-70 nikhotsame nikhonte nisesekhashane.

Isaya 30:33

IThofethi seyalungiswa kadzeni, yentiwa yalungela inkhosi. Umgodzi wayo wemlilo sewagujwa waba banti wabuye washona, kwatfotwa netinkhuni letinyenti temlilo; kuphefumula kwaSimakadze lokugeleta njengemfula wesibabule lesivutsako kuyakuyilumeka ivutse.

Levithikusi 10:5

Beta-ke batsatsa letidvumbu batibamba ngetembatfo tato, batetfwala bafike batibeka ngaphandle kwenkambu, njengobe Mosi abeshito.

Levithikusi 16:1

Kwatsi kube kufe emadvodzana lamabili a-Aroni ngesizatfu sekutsi banikela kuSimakadze ngemlilo longengcwele,

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Numeri 14:37

yebo, lamadvodza lafike asakata lomoya wekusola ngekuletsa umbiko lomubi ngalelive, ashaywa ngesifo afa, embikwaSimakadze.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Numeri 16:49

Sibalo salabo lababulawa nguleso sifo besiti-14 700, ngaphandle kwalabo labafa ngenca yaKhora.

Numeri 26:61

BoNadabi naAbihu ngulaba labafa ngesikhatsi banikela ngemlilo longengcwele.

Imisebenti yebaPhostoli 5:10

Masinyane Safira washayeka phansi ngasetinyaweni taPhetro, wafa. Angena futsi emajaha abona kutsi sewufile, asayamtfwala amkhiphela ngephandle amngcwaba eceleni kwendvodza yakhe.

Imisebenti yebaPhostoli 5:5

Watsi nakeva lamavi Ananiyase washayeka phansi wafa; bonkhe labeva ngalesehlo besaba kakhulu.

1 kubaseKorinthe 10:11

Konkhe loko kwenteka kubo kuze kube sibonelo kitsi. Ngako kwabhalwa phansi njengesecwayiso kitsi tsine lesesifikelwe sikhatsi sekugcina.

1 Samuweli 6:19

Kodvwa Nkulunkulu wababhubhisa labanye bantfu baseBhethi Shemeshi, wabhubhisa labanye lababengema-70 babo, ngobe babebuke ekhatsi ebhokisini lesivumelwane saSimakadze. Sive salila, ngobe Simakadze abebabhubhise ngembhubhiso lenkhulu kabi,