Levithikusi 10:17 - Siswati 1996 Bible

¹⁷ “Anikawudleli ngani endzaweni lengcwele lomnikelo wesono? Lomnikelo ungcwele kakhulu, futsi unikelwe kini, khona kutewususwa sono sesive ngekwenta umsimeto wekutsetselelwa kwetono taso embikwaSimakadze.

Levithikusi 10:17 Referencias Cruzadas

Eksodusi 28:38

Aroni kufanele akufake ebuntini lakhe, khona atekutsatsa onkhe emaphutsa esive sema-Israyeli lababe nawo, khona iminikelo yabo itekwamukeleka, nome ngabe bebonile ekunikeleni ngayo.

Eksodusi 28:43

Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”

Levithikusi 16:22

Leyo mbuti iyakwetfwala tonkhe leto tono tabo iye nato ehlane kalashameshame, lembuti iyawuyichuba leyo ndvodza iyimikise eveni lelingenalutfo.

Levithikusi 21:22

Lowo muntfu angakudla kudla lokungcwelengcwele kwaNkulunkulu wakhe kanye nekudla lokungcwele;

Levithikusi 22:16

ngekutsi bawavumele adle iminikelo lengcwele, ngobe ngaloko utawaletsela licala lelitawudzinga kuhlawulwa. NginguSimakadze, lobangcwelisako. ”

Numeri 18:1

Simakadze wakhuluma ku-Aroni, watsi: “Wena, nemadvodzana akho, nemndeni weyihlo kufanele netfwale bubi lobuphambene nendzawo lengcwele; wena-ke nemadvodzana akho niyakwetfwala tono leticondzene nebuphristi benu.

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KumaHebheru 9:28

Kanjalo-ke naKhristu, asatinikele kanye kwetfwala tono talabanyenti, uyawubonakala ngekwesibili, asangaseteli sono, kodvwa asetele kuyawusindzisa labo labahlala bamlindzele.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”