Levithikusi 10:13 - Siswati 1996 Bible

¹³ Ngako nibowudlela endzaweni lengcwele; loko kusabelo sakho nesemadvodzana akho emnikelweni lowentiwa kuSimakadze ngemlilo. Simakadze wangiyala kanjalo-ke.

Levithikusi 10:13 Referencias Cruzadas

Hezekeli 42:13

Lendvodza yakhuluma kimi, yatsi: “Lamakamelo langasenyakatfo nangaseningizimu labhekene nelibala lelithempeli ngemakamelo langcwele ebaphristi, lapho baphristi labatakuya kuSimakadze batawufike badlele khona iminikelo lengcwelengcwele. Ngulapho-ke lapho bayawubeka khona iminikelo lengcwelengcwele: iminikelo yalokutinhlavu, neminikelo yesono kanye neminikelo yelicala, ngobe lendzawo ingcwele.

Levithikusi 10:12

Mosi wakhuluma ku-Aroni nakumadvodzana akhe lamabili labesasele, bo-Eleyazare na-Ithamari, watsi: “Tsatsani lomnikelo walokutinhlavu losele kuleminikelo leyentiwe ngemlilo kuSimakadze, lesinkhwa lesingenambiliso nisidlele eceleni kwelilati, ngobe lomnikelo ungcwele kakhulu.

Levithikusi 10:14

Kodvwa umganga lojikitiswako nemlente lonikelwe niyakuwudlela endzaweni lehlantekile ngekwemtsetfo, nine nemadvodzana nemadvodzakati enu, ngobe kusabelo senu nesemadvodzana enu eminikelweni yekuthula lenikelwe sive sema-Israyeli.

Levithikusi 2:3

Yonkhe lemphuphu lesele itawuba ya-Aroni nemadvodzana akhe; ingcwele, ngobe itsetfwe ekudleni bekunikelwe ngemlilo kuSimakadze.

Levithikusi 6:16

Lokuyawusala lapho kuyawudliwa bo-Aroni nemadvodzana akhe. Kuyawudliwa kungakafakwa imbiliso, kudlelwe endzaweni lengcwele; kufanele kudlelwe esibuyeni selithende lekuhlangana.

Numeri 18:10

Uyakuwudla njengentfo lengcwelengcwele; wonkhe lomdvuna uyakuwudla. Kufanele uwutsatse ube ngcwele.

Numeri 5:10

Tonkhe tintfo latingcwelisile umuntfu tiyawuba takhe; konkhe umuntfu lakunike umphristi kuyawuba kwalowo mphristi.’ ”