Levithikusi 10:1 - Siswati 1996 Bible

¹ BoNadabi na-Abihu, emadvodzana a-Aroni, batsatsa titja tabo temphepho, ngulowo nalowo wafaka umlilo esitjeni sakhe watsela nemphepho, banikela kuSimakadze. Kodvwa lowo mnikelo wawungesingcwele, ngobe Simakadze abengakabatfumi kutsi banikele ngawo.

Levithikusi 10:1 Referencias Cruzadas

1 Emakhosi 18:38

Umlilo waSimakadze wehlela etikwalomhlatjelo, wawushisa wawucedza kanye netinkhuni, nematje, nemhlabatsi, wakhotsisisa onkhe emanti labelapho emseleni.

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Eksodusi 24:1

Simakadze wakhuluma kuMosi, watsi: “Yenyuka, ukhuphukele kuSimakadze, wena, na-Aroni, naNadabi, na-Abihu kanye nebaholi bema-Israyeli labangema-70 nikhotsame nikhonte nisesekhashane.

Eksodusi 24:9

Mosi na-Aroni, naNadabi, na-Abihu kanye nebaholi bema-Israyeli lababengema-70 benyuka baya entsabeni,

Eksodusi 27:3

Ubolentela emabhodo ekucitsa umlotsa, ulentele nemafosholo, nemigezelo, netindishi, netintsi tekuhloma inyama, nemakesi; tonkhe letitja ubotenta ngelitfusi.

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Eksodusi 31:11

nemafutsa emgcobo, nemphepho lenuka kamnandzi yendzawo lengcwele. Konkhe loku bafanele bakwente njengobe ngikuyalile.”

Eksodusi 37:29

Besaleli wakha nemafutsa emgcobo longcwele nemphepho lecolisakele lenuka kamnandzi, lekwaba ngumsebenti wengcweti kutekuthakwa kwemakha.

Eksodusi 38:3

Tonkhe timphahla letihambisana nalelilati watakha ngelitfusi, taba nguleti: emabhodo ekucitsa umlotsa, nemafosholo, nemigezelo, netintsi tekuhloma inyama, nemakesi.

Eksodusi 40:27

wase ushisa lemphepho lenuka kamnandzi, njengobe Simakadze abemyalile.

Eksodusi 6:23

Aroni watsatsa Elisheba, indvodzakati ya-Aminadabi, dzadzewaboNasoni. Wamtalela Nadabi, na-Abihu, na-Eleyazare, na-Ithamari.

Eksodusi 8:27

Kufanele sitsatse luhambo lwemalanga lamatsatfu siye ehlane, kuze sinikele ngemihlatjelo kuSimakadze, longuNkulunkulu wetfu, njengobe yena asiyalile.”

Jeremiya 19:5

Bakhe tindzawo letiphakeme tekukhontela boBhali, bentela kushisa emadvodzana abo emlilweni abe ngiminikelo kuBhali, intfo lengingazange sengibayale ngayo futsi lengingazange sengiyisho, nalengazange seyifike nasengcondvweni yami.

Jeremiya 32:35

Bakhela Bhali tindzawo letiphakeme eSigodzini sakaBheni Hinomu bentela kutsi bente umhlatjelo ngemadvodzana nemadvodzakati abo kuMoloki, noko angizange sengibayale kutsi bakwente, futsi bengingazange sengikucabange nasengcondvweni yami kutsi bangayenta intfo lesinengiso kangaka ngaloko bonise sive sakaJuda.”

Jeremiya 44:15

Kwabe sekutsi onkhe emadvodza labati kutsi bomkawo batfuncisa imphepho kulabanye bonkulunkulu, akanye nabo bonkhe bafati bebalapho, yonkhe lenhlangano lenkhulu, ngisho bonkhe bantfu lababehlala eGibhithe Lengentansi naLengenhla, bakhuluma kuJeremiya batsi:

Jeremiya 44:8

Ningicunulelani ningitfukutselise ngaloko lokwentiwe tandla tenu, nangekutfuncisa imphepho kulabanye bonkulunkulu baseGibhithe, lapho nitewuhlala khona? Nitatibhubhisa nine, nitente nibe yintfo yekucalekisa nelihlazo etiveni tonkhe temhlaba.

Jeremiya 7:31

Bakhe tindzawo letiphakeme taseThofethi eSigodzini sakaBheni Hinomu kutsi bayewushisa emadvodzana nemadvodzakati abo emlilweni, intfo lengingazange ngibayale ngayo, futsi lengazange ingene nasengcondvweni yami.

Levithikusi 16:1

Kwatsi kube kufe emadvodzana lamabili a-Aroni ngesizatfu sekutsi banikela kuSimakadze ngemlilo longengcwele,

Levithikusi 16:12

Emvakwaloko utawube sewutsatsa sitja semlilo lesigcwele emalahle lavutsako latsetfwe elatini lelisembikwaSimakadze, Aroni atsatse nemabinta lamabili esandla emphepho lenuka kamnandzi nalecolisakele, bese ukungenisa endzaweni lengcwelengcwele, ngale kwendvwangu.

Levithikusi 22:9

“Baphristi kufanele bayigcine yonkhe imitsetfo lengibanika yona, khona bangetiwuba nelicala bafe ngenca yekungangihloniphi. NginguSimakadze lobangcwelisako.

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Numeri 16:46

Mosi wakhuluma ku-Aroni, watsi: “Tsatsa sitja sakho semphepho ufake kuso emalahle lavutsako aselatini, bese ufaka imphepho, uphutfume kulesive masinyane usentele inhlawulo yekubuyisana naSimakadze, ngobe lulaka lwakhe seluphumile, sifo sesiphindze sicalele phansi.”

Numeri 26:61

BoNadabi naAbihu ngulaba labafa ngesikhatsi banikela ngemlilo longengcwele.

Numeri 4:18

“Caphelani kutsi tinsendvo tesive semaKhohati tingapheli emkhatsini wemaLevi,

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

Dutheronomi 17:3

ngekukhonta nangekunikela kulabanye bonkulunkulu, ngekukhotsama kubo, nome elangeni, nome enyangeni, nome etinkhanyetini tesibhakabhaka, lekuyintfo lephambene nemiyalo yami,

Dutheronomi 4:2

Ningacali nengete lutfo kulamavi lenginiyala ngawo, futsi ningaphunguli lutfo kuwo, kodvwa gcinani lemiyalo yaSimakadze Nkulunkulu wenu lengininika yona.

KumaHebheru 9:4

Kulendzawo bekunelilati legolide lekushisela imphepho; lelilati belikanye nelibhokisi lesivumelwane. Lingephandle lalelo bhokisi lonkhe beliyigolide, ekhatsi kwalo bekuneludziwo lwegolide luphetse imana. Kulelo bhokisi bekunendvuku ya-Aroni leyahluma, netibhelekeca tematje tesivumelwane semitsetfo.