Levithikusi 1:5 - Siswati 1996 Bible

⁵ Lenkunzana utawube sewuyayihlaba embikwaSimakadze, bese-ke baphristi labangemadvodzana a-Aroni, batsatsa lengati bayinikela kuSimakadze bayifafate yonkhe emngcengcemeni welilati ndzawo tonkhe lapha ekungeneni kwelithende lekuhlangana.

Levithikusi 1:5 Referencias Cruzadas

2 Tikhronike 35:11

Emawundlu eliPhasika ahlatjwa-ke, baphristi bafafata ngalengati lababenikwe yona, ngaleso sikhatsi emaLevi abehlinza letilwane.

Eksodusi 29:11

Lenkunzana uboyihlabela embikwaSimakadze, ekungeneni kwelithende lekuhlangana.

Eksodusi 29:16

Sihlabe, utsatse ingati yaso uyifafate ndzawo tonkhe kutungeleta lilati.

Eksodusi 40:6

Embikwelithende lekukhontela ubobeka lilati lekushisela umnikelo.

Isaya 52:15

Ngako tive letinyenti tiyawumangala ngayo, nemakhosi ayawuvala imilomo yawo ngenca yayo, ngobe bayawukubona loko labangazange sebatjelwe ngako, naloko labangazange sebakuve bayawukucondza.”

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hezekeli 43:18

Wabe sewukhuluma kimi, utsi: “Ndvodzana yemuntfu, naku lokushiwo yiNkhosi Simakadze, itsi: Lena kutawuba ngimitsetfo yeminikelo yemhlatjelo yekushiswa neyekunyenyeta ingati etikwelilati, nase lakhiwe:

Levithikusi 1:11

Utawube sewusibulalela ngasenyakatfo yelilati embikwaSimakadze; emadvodzana a-Aroni, baphristi, lengati atawube asayifafata emngcengcemeni welilati ndzawo tonkhe.

Levithikusi 1:15

Umphristi utalinikela elatini ngekutsi ashwile lenhloko yalo bese uyishisela etikwelilati. Lengati yalo ayiphomphisele eceleni kwelilati.

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 17:11

Phela kuphila kwemtimba kusengatini; mine ngininike ingati kutsi ifeze inkonzo yekuhlenga timphilo tenu etikwelilati. Ngobe yingati lefeza inkonzo yekubuyisana nekuhlenga imphilo.

Levithikusi 3:13

uyawubeka sandla sakhe etikwenhloko yayo ayibulalele embikwelithende lekuhlangana. Emadvodzana a-Aroni atawube asafafata lengati emngcengcemeni walelilati alitungelete ndzawo tonkhe.

Levithikusi 3:2

Lowo muntfu uyawubeka sandla sakhe etikwenhloko yalomnikelo wakhe, bese uwubulalela ekungeneni kwelithende lekuhlangana. Emadvodzana a-Aroni labaphristi ayawufafata ngalengati emngcengcemeni walelilati alitungelete ndzawo tonkhe.

Levithikusi 3:8

bese ubeka sandla sakhe etikwenhloko yalomnikelo, ayibulalele embikwelithende lekuhlangana. Emadvodzana a-Aroni ayawufafata lengati emngcengcemeni walelilati alitungelete ndzawo tonkhe.

Levithikusi 4:29

Uyawubeka sandla sakhe etikwenhloko yalomnikelo wesono, bese uyibulalela lapho kubulawelwa khona tonkhe tilwane temhlatjelo wekushiswa.

Levithikusi 4:33

Kufanele abeke sandla sakhe etikwenhloko yayo, bese uyayibulala njengemnikelo wesono, ayibulalele lapho kubulawelwa khona tonkhe tilwane temnikelo wekushiswa.

Levithikusi 4:7

Lenye ingati umphristi uyayibhoca etimphondvweni telilati lemphepho lenuka kamnandzi embikwaSimakadze ngekhatsi kwelithende lekuhlangana. Incenye yalengati uyayitsela emasekweni elilati lemnikelo wekushiswa lelisekungeneni kwelithende lekuhlangana.

Mikha 6:6

Ngiyawuletsani mine kuSimakadze, Nkulunkulu wemazulu, nangitemkhonta? Ngiyawuletsa emazinyane lamnyaka munye abe ngumnikelo wekushiswa kuye yini?

Numeri 18:17

“Kodvwa ningabolihlenga litubulo lenkhomo nome lemvu, nome lembuti, ngobe kungcwele. Ingati yawo kufanele ifafatwe elatini bese kushiswa emanoni awo, kutsi kutewuba ngumnikelo lowentiwa ngemlilo, kube liphunga lelinuka lusi lolumnandzi kuSimakadze.

KumaHebheru 10:11

Wonkhe umphristi uma njalo nje aphindzaphindze ente inkonzo yakhe, anikela ngayo yona leyo mihlatjelo lengatisusi tono.

KumaHebheru 12:24

nakuJesu, uMlamuli wesivumelwane lesisha. Ingati yakhe isiphatsele lokukhulu kunengati ya-Abela.

1 yaPhetro 1:2

Ngekwatinchanti kwakhe Nkulunkulu uYise wanikhetsa ngekuningcwelisa ngaMoya Longcwele, kuze nilalele Jesu Khristu nihlantwe ngengati yakhe. Shangatsi umusa nekuthula kungandziswa kakhulu kini!

1 Samuweli 1:25

Batsi kube bahlabe lenkunzi, lomfana base bamletsa ku-Eli.