Levithikusi 1:10 - Siswati 1996 Bible

¹⁰ “Nangabe anikela ngemvu nome ngembuti kutsi ibe ngumnikelo wekushiswa, kufanele kube sihhanca nome siwewe lesingenasiyela.

Levithikusi 1:10 Referencias Cruzadas

Genesisi 4:4

Na-Abela waletsa ematubulo etimvu takhe letikhuluphele. Simakadze wanaka Abela nemnikelo wakhe;

Genesisi 8:20

Nowa wakhela Nkulunkulu lilati, watsatsa kuto tonkhe tifuyo letihlambulukile nakuto tonkhe tinyoni letihlambulukile, wanikela kuNkulunkulu umnikelo wekushiswa elatini.

Eksodusi 12:5

Lelizinyane lenu kufanele kube ngulelite sici, libe nemnyaka munye budzala; nilehlukanise nemhlambi wetimvu nome wetimbuti.

Hezekeli 43:22

“Ngelilanga lesibili kufanele unikele ngesiphongo lesingenasiyela kube ngumnikelo wesono, nelilati kufanele lihlanjululwe, njengobe lalihlanjululwe ngenkunzi.

Levithikusi 14:10

“Ngelilanga lesiphohlongo kufanele aletse emazinyane emvu lamabili lamadvuna nalelisikati lelinemnyaka munye budzala, onkhe angabi nasiyela, aletse nemalitha langaba sikhombisa emphuphu lecolisakele lehlanganiswe nemafutsa kube ngumnikelo walokutinhlavu, aletse nemafutsa langaba yincenye yelitha.

Levithikusi 16:3

“Angakangeni endzaweni lengcwelengcwele kufanele ete nenkunzana yemnikelo wesono kanye nesihhanca semhlatjelo wekushiswa.

Levithikusi 16:5

“Aroni uyakwemukela esandleni sema-Israyeli tiphongo letimbili temnikelo wesono nesihhanca sinye semnikelo wekushiswa.

Levithikusi 22:19

kufanele niletse lokudvuna lokute siyela kukhetfwe etinkhomeni, nome etimvini, nome etimbutini, khona kutawukwemukelwa egameni lenu.

Levithikusi 23:12

Ngalelo langa leniyawujikitisa ngalo sitfungo emvakweliSabatha kufanele ninikele kuSimakadze umhlatjelo wekushiswa, ube lizinyane lemvu lelite siyela,

Levithikusi 3:1

“Nangabe kukhona lonikela ngenkhomo kutsi ibe ngumnikelo wekuthula, kufanele kube yinkunzana nome sitfokati lesingenasiyela, awetfule embikwaSimakadze.

Levithikusi 4:23

bese uyatiswa kutsi wonile, uyawuletsa siphongo lesingenasiyela sibe ngumnikelo wakhe wesono.

Levithikusi 4:3

“ ‘Nangabe kona umphristi logcotjiwe waze wehlisela lelo cala lakhe esiveni, uyawuletsa inkunzana lengenasiyela ayinikele ibe ngumhlatjelo wesono sakhe kuSimakadze.

Levithikusi 5:15

“Nangabe umuntfu ona ngekwephula munye walemiyalo lengcwele yaSimakadze angakacondzi, kufanele ahlawule kuSimakadze ngesihhanca lesingenasiyela. Bungako balesihhanca buyawubonwa nguwe ngekwesilinganiso sendzawo lengcwele; lowo-ke ngumnikelo loyinhlawulo yelicala.

Levithikusi 9:2

Wakhuluma ku-Aroni watsi: “Tsatsa inkunzana lengenasiyela nesihhanca lesingenasiyela utekunikela kuSimakadze: inkunzana ibe ngumnikelo wesono, sihhanca sibe ngumnikelo wekushiswa.

Malakhi 1:14

“Ucalekisiwe umuntfu lotsi anesifuyo lesemukelekako lesidvuna emhlambini wakhe, afunge kutsi utawunikela ngaso, kodvwa bese uyesuka lapho unikela kuSimakadze ngalesinye lesinesici. Ngobe mine ngiyinkhosi lenkhulu, neLibito lami liyesatjwa etiveni tonkhe,” kusho Simakadze longuSomandla.

Numeri 15:5

Lungisa liwayini lelingaba yilitha ngelizinyane lemvu, libe ngumnikelo wekushiswa nome wemhlatjelo, kutsi liwayini libe ngumnikelo wesinatfo.

Numeri 19:2

“Lesi-ke sekuyawuba simiso semtsetfo lomiswe nguSimakadze: Tjela sive sema-Israyeli kutsi siletse litfokati lelibovu lelingenasiyela nasici, lekungazange sekubekwe lijoko entsanyeni yalo.

Numeri 6:14

bese unikela ngesipho sakhe kuSimakadze: lizinyane lemvu lelidvuna lelinemnyaka munye budzala, lingabi nasici, libe lemnikelo wekushiswa, nelizinyane lemvu lelisikati lelinemnyaka munye budzala, lelingenasici, libe lemnikelo wesono, nesihhanca sinye lesingenasici, sibe ngumnikelo wekuthula.

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

1 yaPhetro 1:19

kodvwa nahlengwa ngengati leligugu yeliWundlu lelinguKhristu, lelingenacala nalelingenasici.