kuThithusi 3:5 - Siswati 1996 Bible

⁵ wasisindzisa, hhayi ngobe besente imisebenti yekulunga, kodvwa ngesihawu sakhe. Wasisindzisa, wasigeza ngekusitala kabusha nangekusenta busha ngaMoya Longcwele,

kuThithusi 3:5 Referencias Cruzadas

Jobe 15:14

“Umuntfu abeyini kutsi angaba ngulohlantekile, nome-ke umuntfu lotelwe ngumfati kutsi angaba ngulolungile?

Jobe 25:4

Pho, umuntfu angaba ngulolungile kanjani kuNkulunkulu? Umuntfu lotelwe ngumfati angaba ngulohlantekile kanjani?

Jobe 9:20

Ngisho nome bengimsulwa, umlomo wami bewungangilahla. Nome ngabe bengingenakusoleka, bewutakutsi nginelicala.

Tihlabelelo 130:7

Israyeli, yetsembela kuSimakadze, ngobe umusa ukuSimakadze nekukhululwa sibili kukuye.

Tihlabelelo 143:2

Ungangibeki licala mine, nceku yakho, ngobe kute umuntfu lomsulwa kuwe.

Tihlabelelo 51:10

Hhawu, Nkulunkulu, dala kimi inhlitiyo lehlantekile, uvuselele kimi umoya wekulunga.

Tihlabelelo 62:12

nekutsi umusa wakho, Simakadze. Ngobe wena umuntfu umnika umvuzo njengekwemisebenti yakhe.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Isaya 57:12

Ngitakudalula kulunga kwakho kanye nemisebenti yakho, futsi ingeke ikusite ngalutfo.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

Lukha 1:50

Ubonakalisa sihawu sakhe kubo bonkhe labamesabako, kusukela esitukulwaneni, kuya esitukulwaneni.

Lukha 1:54

Usite inceku yakhe Israyeli ngekukhumbula umusa wakhe,

Lukha 1:72

Watsi utawubonakalisa sihawu kubokhokho betfu, akhumbule sivumelwane sakhe lesingcwele,

Lukha 1:78

ngenca yesihawu setibilini saNkulunkulu kitsi, ngaloko-ke kukhanya kuyawusa kitsi kuvela ngetulu

KubaseRoma 11:14

Mhlawumbe ngingabavusela sikhwele bantfu besive sakitsi, ngize ngisindzise labanye babo.

KubaseRoma 11:6

Kukhetsa kwakhe kungemusa wakhe, hhayi ngemisebenti. Ngobe kube kukhetsa kwaNkulunkulu bekungemisebenti, ngabe lomusa wakhe awusesiwo.

KubaseRoma 12:2

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

KubaseRoma 3:20

Ngobe kute umuntfu loyakwemukeleka kuNkulunkulu kutsi ulungile ngekugcina umtsetfo. Umtsetfo wenta bantfu basati sono.

KubaseRoma 3:28

Ngako sibona kutsi umuntfu wemukelwa nguNkulunkulu kutsi ulungile ngekukholwa kuphela, hhayi ngekwenta lokufunwa ngumtsetfo.

KubaseRoma 4:5

Kodvwa nangabe umuntfu angaketsembeli emisebentini yakhe lemihle kodvwa ngekukholwa etsembele kulowo lolungisisa longamesabi Nkulunkulu, kukholwa kwakhe nguko lokumenta emukeleke kuNkulunkulu kutsi ulungile.

KubaseRoma 9:11

Injongo yaNkulunkulu yekukhetsanchanti ayigucuki. Kwatsi lamaphahla angakatalwa, asengakenti lutfo lokulungile nalokungakalungi,

KubaseRoma 9:16

Ngako-ke akuyi ngekutsandza nangekutihlupha kwemuntfu, kodvwa kuya ngebubele baNkulunkulu.

KubaseRoma 9:30

Pho, siyawutsini-ke? Betive labangazange bakufune kulungelana naNkulunkulu noko sebakunikwe ngekukholwa kwabo.

1 kubaseKorinthe 6:11

Babenjalo labanye emkhatsini wenu. Kodvwa-ke nyalo senagezwa, nangcweliswa, nemukeleka kuNkulunkulu kutsi nilungile egameni leNkhosi Jesu Khristu nangaMoya waNkulunkulu wetfu.

KubaseGalathiya 2:16

Siyati kutsi imisebenti yemtsetfo layentako umuntfu ingeke imente emukeleke kuNkulunkulu kutsi ulungile, kepha umuntfu wemukeleka kuNkulunkulu kutsi ulungile ngekukholwa kwakhe nguKhristu Jesu. Natsi-ke sakholwa nguKhristu Jesu, sentiwa semukeleka kuNkulunkulu kutsi silungile ngaloko kukholwa kwetfu nguKhristu, hhayi ngekwenta loko lokufunwa ngumtsetfo. Empeleni kute umuntfu lowemukeleka kuNkulunkulu kutsi ulungile ngobe ente imisebenti yemtsetfo.

Kubase-Efesu 2:4

Kodvwa Nkulunkulu, locebile ngesihawu sakhe nangebukhulu belutsandvo lwakhe lasitsandza ngalo,

Kubase-Efesu 4:23

nentiwe nibe basha emoyeni nasengcondvweni yenu.

Kubase-Efesu 5:26

kuze atelingcwelisa alihlambulule ngesigezo semanti, ngelivi,

Dutheronomi 9:5

Akukayi ngekulunga kwenu nome ngebucotfo benu kutsi nihambe niyekudla lelive lato; kodvwa kuye ngebubi baletive kutsi Simakadze Nkulunkulu wenu aticoshe embikwenu, kuze kufezeke loko lakufungela kubokhokho benu bo-Abrahama, na-Isaka, naJakobe.

KubaseKholose 3:10

Manje senembetse umuntfu lomusha, kuze nihlale nakhiwa kabusha, nifute Nkulunkulu, nimati ngalokuphelele.

2 kuThimothi 1:9

Nguye lowasisindzisa wasibita ngelubito lwakhe lolungcwele, hhayi ngemisebenti yetfu, kodvwa ngelisu lakhe nangemusa wakhe, lasipha wona kuKhristu Jesu, umhlaba ungakasekelwa,

kuThithusi 3:4

Kodvwa kwatsi Nkulunkulu uMsindzisi wetfu nakabonakalisa lutsandvo lwakhe kubantfu,

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

KumaHebheru 4:16

Ngako-ke asisondzele ngesibindzi esihlalweni semusa, khona sitekwemukela sihawu, sitfole umusa lotasisita ngesikhatsi lesifanele.

KumaHebheru 6:6

nase bahlubuka, kusho kutsi bona matfupha sebaphindze batibetselela iNdvodzana yaNkulunkulu esiphambanweni, bayitsela ngelihlazo ebaleni; labo kungeke kwenteke kutsi baphindze baphendvuke.

1 yaPhetro 1:3

Akabongwe Nkulunkulu, longuYise weNkhosi yetfu Jesu Khristu, lowasitala kabusha ngemusa wakhe lomkhulu, kuze sibe nelitsemba leliphilako ngekuvuswa kwaJesu Khristu kulabafile.

1 yaPhetro 2:10

Nine naningesiso sive, kodvwa nyalo senisive saNkulunkulu. Nake naba ngaphandle kwemusa, kepha nyalo seniwemukele.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.