kuThithusi 2:11 - Siswati 1996 Bible

¹¹ Empeleni umusa waNkulunkulu wekusindzisa ubonakaliswe kubo bonkhe bantfu.

kuThithusi 2:11 Referencias Cruzadas

Tihlabelelo 67:2

Indlela yakho ayatiwe emhlabeni wonkhe, kwatiwe nensindziso yakho etiveni tonkhe.

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Tihlabelelo 96:10

Memetelani emkhatsini wetive nitsi: “Simakadze yiNkhosi, uyabusa! Yebo, umhlaba usinyisiwe, ungeke utanyatanyiswe, nguye loyakwehlulela tive ngebucotfo.”

Isaya 45:22

“Buyani kimi, nisindziswe, nonkhe nine mikhawulo yemhlaba; ngobe nginguNkulunkulu, futsi kute lomunye.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 52:10

Simakadze uyakwembula umkhono wakhe longcwele embikwato tonkhe tive, nayo yonkhe imikhawulo yemhlaba iyawuyibona insindziso yaNkulunkulu wetfu.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Zakhariya 4:7

“Uyini wena, wena ntsaba lenemandla? EmbikwaZerubhabheli uyawuba litsafa lelibekile. Yena-ke uyawubeka litje lekwephetsa lithempeli, kumenyetwe kutsiwe: ‘Nkulunkulu akalibusise! Nkulunkulu akalibusise!’ ”

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Makho 16:15

Watsi kubo: “Hambani niye emhlabeni wonkhe, nishumayele liVangeli kubo bonkhe bantfu.

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Lukha 3:6

Bonkhe bantfu bayakuyibona isindziso yaNkulunkulu!’ ”

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 1:9

Kukhanya kweliciniso, lokukhanyisa wonkhe umuntfu, bekuseta emhlabeni.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 13:43

Bantfu sebahambile emhlanganweni, boPawula naBhanabasi balandzelwa ngemaJuda lamanyenti nalabanye labanyenti lababephendvukele enkholweni yemaJuda. Baphostoli bakhuluma kubo babakhutsata kutsi bachubeke baphile emseni waNkulunkulu.

Imisebenti yebaPhostoli 13:47

Lona ngumyalo lesawunikwa yiNkhosi lotsi: “ ‘Ngikutfumele kutsi ube kukhanya kubetive, ube yinsindziso emhlabeni wonkhe.’ ”

Imisebenti yebaPhostoli 17:30

“Nkulunkulu watitsalalisela tikhatsi tekungati kwebantfu, kepha-ke manje sewuyala bantfu bonkhe etindzaweni tonkhe kutsi baphendvuke,

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

KubaseRoma 10:18

Kodvwa ngiyabuta ngitsi: “Abakeva yini?” Empeleni bevile, “ngobe inkhulumo yabo iphumele emhlabeni wonkhe, nemavi abo asafike emikhawulweni yonkhe yemhlaba.”

KubaseRoma 5:15

Kodvwa sono sa-Adamu singeke silinganiswe nesipho saNkulunkulu semusa; ngobe nangabe ngesiphambuko semuntfu munye kwafa labanyenti, kakhulu kangakanani-ke ngesipho lesingumuntfu longuJesu Khristu, umusa waNkulunkulu wenela bantfu labanyenti.

KubaseRoma 5:2

Ngaye loJesu Khristu sinekungena ngekukholwa kulomusa lesesime kuwo; siyabonga sijabulela litsemba lebukhosi baNkulunkulu lobutawuba betfu.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseGalathiya 2:21

Angiwenti lite umusa waNkulunkulu; ngobe nangabe kulunga kutfolakala ngekwenta lokufunwa ngumtsetfo, kusho kutsi Khristu wafela lite.

Kubase-Efesu 2:5

nome sase sifile ngetiphambuko tetfu, wasiphilisa kanye naKhristu. Nisindziswe ngemusa waNkulunkulu.

Kubase-Efesu 2:8

Empeleni kusindziswa kwenu ngekukholwa kuya ngemusa, futsi loko akuveli kini, sipho nje saNkulunkulu.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

KubaseKholose 1:6

Lona lifike kini, njengaloku likhona nasemhlabeni wonkhe jikelele; futsi litsela titselo landze, njengobe nakini kunjalo, seloku kwesukela mhlazana niva kahle ngebunjalo beliciniso lemusa waNkulunkulu.

2 kubaseThesalonika 2:16

Shangatsi Jesu Khristu iNkhosi yetfu matfupha, naNkulunkulu, longuBabe lowasitsandza, kwatsi ngemusa wakhe wasikhutsata ngendvudvuto yaphakadze, wasipha nelitsemba lelihle,

1 kuThimothi 1:14

INkhosi yamane yangibabala ngemusa wayo yangipha kukholwa nelutsandvo lolukuKhristu Jesu.

1 kuThimothi 2:4

lofisa kutsi bonkhe bantfu basindziswe bafinyelele ekulatini liciniso.

2 kuThimothi 1:10

kepha nyalo sewembulwe ngekubonakaliswa kweMsindzisi wetfu Khristu Jesu lowakucitsa kufa; kuphila nekungabhubhi wakuletsa ekukhanyeni ngeliVangeli.

2 kuThimothi 4:17

Kodvwa iNkhosi yema nami yangicinisa kuze inshumayelo yami ipheleliselwe ngami, nebetive beve. Ngako-ke ngakhululwa emlonyeni welibhubesi.

KumaHebheru 12:15

Nicaphelisise kutsi kubete lophunyulako emseni waNkulunkulu; kubete “imphandze lenashevu” lemila ibange luhlupho, ibulale labanyenti.

KumaHebheru 2:9

Kodvwa lesimbonako nguJesu, lowentiwa waba mncane kunetingilosi kwesikhashana. Wetfweswa umchele webukhosi neludvumo ngenca yekuhlupheka kwekufa. Kwaya ngebubele baNkulunkulu kutsi Jesu eve kufa ngenca yebantfu bonkhe.