kuThithusi 1:9 - Siswati 1996 Bible

⁹ Kufanele abe ngulobambelele evini leletsembekile njengobe lalifundzisiwe, khona atekwati kuyala ngekwemfundziso lephilile nekubehlula labo labamphikisako.

kuThithusi 1:9 Referencias Cruzadas

Jobe 2:3

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi. Seloku usabambelele ekwetsembekeni kwakhe, nome wena bewungichukulusha ngekutsi ngimbhubhise ngaphandle kwesizatfu.”

Jobe 27:6

Ngitawunamatsela kulokulunga kwami, futsi ngingeke ngikuvumele kutsi kusuke kimi. Nembeza wami angeke angisole, yingci nangisaphila.

Taga 23:23

Tsenga liciniso ungatsengisi ngalo. Zuza kuhlakanipha, nemiyalo, nekucondza konkhe; ungakhohlwa ngiko.

Imisebenti yebaPhostoli 18:28

ngobe emaJuda wawehlula eshashalatini ngekuhlakanipha lokukhulu, awakhombisa ngekwemiBhalo kutsi Jesu unguKhristu.

1 kubaseKorinthe 14:24

Kepha nangabe bonkhe baphrofetha, bese kungena umhedeni nome longati lutfo, utawuhlatjwa ngiwo onkhe lamavi abo, ehlulelwe ngiwo.

1 kubaseThesalonika 5:21

Hlolisisani konkhe, nibambisise lokulungile,

2 kubaseThesalonika 2:15

Ngako-ke, bazalwane, manini nicine, nibambelele kulawo maciniso lesanifundzisa wona ngemavi emlomo nangencwadzi yetfu.

1 kuThimothi 1:10

wabekelwa netingwadla, netiphingi, nalabadvuna labalalanako, nebatfumbi bebantfu, nalabacala emanga, nabofakazi bemanga, nalabenta nome ngabe yini lephambene nemfundziso lengiyo.

1 kuThimothi 1:15

Letsembekile, futsi lifanele kwemukelwa ngibo bonkhe lelivi lelitsi: Khristu Jesu weta emhlabeni kutawusindzisa toni, mine lengingulesikhulu kunato tonkhe.

1 kuThimothi 1:19

ngekubambelela ekukholweni uhlale unanembeza lomsulwa. Labanye batsi ngekungalaleli lonembeza wabo bephukelwa ngumkhumbi wabo wekukholwa.

1 kuThimothi 4:9

Lelivi letsembekile, lifanele kwemukelwa ngibo bonkhe.

1 kuThimothi 6:3

Nangabe kukhona lofundzisa lokunye lokungavumelani nemavi laphilile eNkhosi yetfu Jesu Khristu, nemfundziso lenekumesaba Nkulunkulu,

2 kuThimothi 1:13

Hamba ngekukholwa nangelutsandvo lolukuKhristu Jesu. Ulandzele etinyatselweni temavi lacinile lengakufundzisa wona.

2 kuThimothi 2:2

Loko lokuve kimi embikwabofakazi labanyenti, nawe kuphatsise bantfu labetsembekile labatawuba nemandla ekukufundzisa kulabanye.

2 kuThimothi 2:25

sibayale ngemoya lomnene labo labamelene naso, mhlawumbe Nkulunkulu angabanika kuphendvuka, badzimate balati liciniso,

2 kuThimothi 3:14

Kodvwa wena chubeka kuloko lokufundzile wakukholwa, wati kutsi ukufundze kubobani,

2 kuThimothi 4:3

Ngobe siyeta sikhatsi lapho bangeyiwuyemukela imfundziso lephilile; kodvwa ngekwenkhanuko yabo bayawutibutsela bafundzisi babo, bafundziswe loko labatsandza kufundziswa kona.

kuThithusi 1:11

Labo bafanele kubindziswa, ngobe bacitsa emakhaya ngekufundzisa timfundziso letingakafaneli, bentele kutfola ingcebo ngebubi.

kuThithusi 2:1

Wena fundzisa loko lokufanele imfundziso lephilile.

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.

Sembulo 2:25

Kuphela nje bambelelani kuloko leninako, ngize ngifike.

Sembulo 3:11

Ngiyeta masinyane, bambisisa loko lonako, kuze kubete umuntfu lokwemuka umchele wakho.

Sembulo 3:3

Khumbula-ke loko lokwemukele wakuva, ukugcine, uphendvuke. Nangabe awuvuki ucaphele, ngitawuta kuwe ngikutume njengelisela, ngeke usati sikhatsi lengiyawukufikela ngaso.