kuThithusi 1:6 - Siswati 1996 Bible

⁶ Umbonisi kufanele angasoleki, abe yindvodza lenemfati munye, lenebantfwana labakholwako nalabalalelako, labangakadvumi ngebubi.

kuThithusi 1:6 Referencias Cruzadas

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

Taga 28:7

Indvodzana lelalela umtsetfo ihlakaniphile; kodvwa lengumngani wetiyingayinga ihlazisa uyise.

Hezekeli 44:22

Abakafaneli batsatse nebafelokati, nome bafati labalahliwe, bangatsatsa tintfombi tema-Israyeli ngekutalwa nome bafelokati bebaphristi.

Levithikusi 21:14

Akayiwushada nemfelokati nome nemfati lowehlukene nendvodza yakhe nome umfati longcoliswe bugwadla, kodvwa uyawushada nentfombi yesive sakubo lengazange ilale nalomdvuna,

Levithikusi 21:7

Bafanele bangayishadi ingwadla nome umfati lolahlwe yindvodza yakhe; yebo, baphristi bangcwele kuNkulunkulu wabo.

Malakhi 2:15

Simakadze akabenti baba munye yini? Enyameni nasemoyeni bakhe. Bamunye leni? Ngobe abefuna bantfwana labesaba Nkulunkulu. Ngako tilindze wena emoyeni wakho, wetsembeke kumfati webusha bakho.

Lukha 1:5

Ngesikhatsi kubusa Herodi, inkhosi yaseJudiya, kwakunemphristi labebitwa ngekutsi nguZakhariya, abewelicembu la-Abiya lebuphristi. Umkakhe abewesitukulwane sa-Aroni, libito lakhe kungu-Elizabethe.

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.

1 kuThimothi 1:9

Asikhumbule kutsi umtsetfo awubekelwa bantfu labalungile, kepha ubekelwa labangawugcini umtsetfo, nalabangalaleli, nalabangamesabi Nkulunkulu, netoni, nalabangenabungcwele, nalabate Nkulunkulu, nalababulala boyise nome bonina; ubekelwe lababulala labanye bantfu,

1 kuThimothi 3:12

Umdikhoni kufanele abe yindvodza lenemfati munye, lephetse kahle bantfwabayo nemuti wayo.

kuThithusi 1:10

Ngobe banyenti labangalaleli, nalabakhuluma lite, nalabacala emanga, ikakhulu labaphuma enkholweni yebuJuda.

1 Samuweli 2:11

Elkhana wabe sewubuyela ekhaya lakhe eRama, kodvwa lomfana wakhe wasala akhonta Simakadze ngaphansi kwemphristi Eli.

1 Samuweli 2:22

Eli abesamdzala kakhulu, wakuva konkhe loko lokwakwentiwa ngemadvodzana akhe esiveni sonkhe sema-Israyeli, weva nekutsi emadvodzana akhe alalana kanjani nalabasikati lababekhonta ekungeneni kwelithende lekuhlangana.