kuThithusi 1:16 - Siswati 1996 Bible

¹⁶ Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

kuThithusi 1:16 Referencias Cruzadas

Jobe 15:16

mncane kangakanani-ke, umuntfu lomubi nalowonakele, nalonatsa bubi njengemanti?

Taga 30:12

Labanye bantfu bacabanga kutsi bona bahlantekile; kantsi bangcole kakhulu, abakahlantwa.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Isaya 48:1

“Lalelani lapha, ninendlu yakaJakobe, nine lenibitwa ngelibito la-Israyeli, futsi niyintalelwane yakaJuda, nine lenenta tifungo egameni laSimakadze, nikhonte Nkulunkulu wema-Israyeli, kodvwa kungabi ngeliciniso nangekulunga,

Isaya 58:2

Ngobe bangifuna onkhe emalanga, babonakala shangatsi banenshisekelo yekwati tindlela tami, kube shangatsi basive lesenta lokulungile, lesingakayishiyi imiyalo yaNkulunkulu waso. Babuta kimi tehlulelo leticotfo, babonakale shangatsi bashisekela kutsi Nkulunkulu asondzele kubo.

Isaya 59:13

kuhlubuka nekumbulutela Simakadze, nekumfulatsela kwetfu Nkulunkulu wetfu. Sivusa umoya wencindzetelo newekuvuka indlwabane, tinhlitiyo tetfu temitse kukhuluma emanga.

Jeremiya 12:2

Ubahlanyele, bamila; bayakhula batsele titselo. Sonkhe sikhatsi uhlala usetindzebeni temilomo yabo, kodvwa ukhashane netinhlitiyo tabo.

Jeremiya 5:2

Nome bakhuluma batsi: ‘Ngifunga kuphila kwaSimakadze,’ noko basafunga emanga.”

Jeremiya 6:30

Babitwa ngekutsi bayisiliva lelahlwako, ngobe mine Simakadze ngibalahlile.”

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Numeri 24:16

Umlayeto walowo lova emavi aNkulunkulu, lowo lonelwati loluvela kuLosetikwako Konkhe, lowo lobona umbono waSomandla, lowo lokhotsamako, lonemehlo lavulekile.

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

Kubase-Efesu 5:6

Ningakhohliswa ngumuntfu ngemavi lalite, ngobe ngenca yaleto tintfo lulaka lwaNkulunkulu lwehlela etikwalabangamlaleli.

1 kuThimothi 1:9

Asikhumbule kutsi umtsetfo awubekelwa bantfu labalungile, kepha ubekelwa labangawugcini umtsetfo, nalabangalaleli, nalabangamesabi Nkulunkulu, netoni, nalabangenabungcwele, nalabate Nkulunkulu, nalababulala boyise nome bonina; ubekelwe lababulala labanye bantfu,

1 kuThimothi 5:8

Kepha nangabe umuntfu anganakekeli tihlobo takhe, ikakhulu umndeni wakhe, sewukulahlile kukholwa; futsi loko kwenta kwakhe kubi kakhulu kunekwemuntfu longakholwa.

2 kuThimothi 3:17

kuze umuntfu waNkulunkulu atewuhlonyiswa alungele kwenta wonkhe umsebenti lomuhle lamiselwe wona.

kuThithusi 3:1

Bakhumbute kutsi batfobele babusi netiphatsimandla tabo, balalele, balungele kwenta yonkhe imisebenti lemihle.

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.

1 yaJohane 2:4

Umuntfu lotsi: “Ngiyamati,” kodvwa abe angayenti imiyalo yakhe, ngulocalemanga, neliciniso kute kuye.

YaJuda 1:4

Ngobe kukhona labangene ngekunyelela ebandleni. ImiBhalo kadze yasho ngalabo bantfu kutsi bamiselwe kubhujiswa kwaphakadze. Abamesabi Nkulunkulu; sebaguculele umusa wakhe bawenta siyalu sebugwadla nebuphingi, baphika Jesu Khristu, iNkhosi yetfu, lekunguye yedvwa uMbusi.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.

1 Samuweli 15:24

Sawula wakhuluma kuSamuweli, watsi: “Ngonile. Ngiwephulile umyalo waSimakadze kanye nemiyalo yakho. Ngesabe bantfu, ngabe sengiyabayekela.