kuThithusi 1:10 - Siswati 1996 Bible

¹⁰ Ngobe banyenti labangalaleli, nalabakhuluma lite, nalabacala emanga, ikakhulu labaphuma enkholweni yebuJuda.

kuThithusi 1:10 Referencias Cruzadas

Matewu 23:14

“Maye kini, bafundzisi bemtsetfo nebaFarisi! Batentisi! Ngobe nidla tindlu tebafelokati, nangekutentisa nenta imithandazo lemidze. Ngako niyakwemukeliswa kulahlwa lokukhulu.]

Imisebenti yebaPhostoli 11:2

Kwatsi lapho Phetro akhuphukela eJerusalema, labo labatsandza kusoka kwebetive bamsola,

Imisebenti yebaPhostoli 15:1

Lamanye emadvodza laphuma eJudiya aya e-Antiyokhi acala afundzisa bazalwane atsi: “Ningeke nisindziswe naningakasoki njengekusho kwelisiko laMosi.”

Imisebenti yebaPhostoli 15:24

“Sivile kutsi labanye betfu befike lapho banikhatsata banidzidza tingcondvo ngetimfundziso tabo; noko abakatfunywa ngitsi kutsi bakwente loko.

Imisebenti yebaPhostoli 20:29

Ngiyati kutsi emvakwekuhamba kwami timphisi letesabekako tiyawufika emkhatsini wenu tihlasele tilimate umhlambi wetimvu.

KubaseGalathiya 2:4

Kodvwa bazalwanembumbulu labaletfwa ngasese, bangena ngekunyelela emkhatsini wetfu, batinhloli tenkhululeko yetfu lesinayo kuKhristu Jesu, khona batesenta tigcili.

KubaseGalathiya 3:1

Hhawu, maGalathiya lalibele! Seniyengwe ngubani? Akusini yini lenakhonjiswa emehlweni enu kutsi Jesu Khristu wabetselwa?

Kubase-Efesu 4:14

Ngako-ke ngeke sisaba bantfwana, sigujuteliswe ngemagagasi, sipheshulwe ngimimoya yonkhe yetimfundziso tekukhohlisa kwebantfu labanebucili bekudukisa.

1 kuThimothi 1:4

Ubayale nekutsi bangatinaki tinganekwane nemilandvo lengapheli yetitukulwane. Konkhe loku kubanga kuphikisana lokungasiti lutfo esikhundleni sekutsi kuphumelelise kusebentela Nkulunkulu ngekukholwa.

1 kuThimothi 1:6

Labanye ngekuyigeja lenjongo baphambukele etinkhulumeni letingenamsebenti,

1 kuThimothi 1:9

Asikhumbule kutsi umtsetfo awubekelwa bantfu labalungile, kepha ubekelwa labangawugcini umtsetfo, nalabangalaleli, nalabangamesabi Nkulunkulu, netoni, nalabangenabungcwele, nalabate Nkulunkulu, nalababulala boyise nome bonina; ubekelwe lababulala labanye bantfu,

2 kuThimothi 3:13

kepha lababi nebakhohlisi bayawudlanga ngebubi, bedukise, nabo bedukiswe.

2 kuThimothi 4:4

Bayawufulatselisa tindlebe tabo ecinisweni baphambukele etinganekwaneni.

kuThithusi 1:6

Umbonisi kufanele angasoleki, abe yindvodza lenemfati munye, lenebantfwana labakholwako nalabalalelako, labangakadvumi ngebubi.

YaJakobe 1:26

Umuntfu locabanga kutsi uyakholwa, abe angalubophi lulwimi lwakhe, uyatikhohlisa enhlitiyweni yakhe, nekukholwa kwalowo muntfu kulite.

1 yaJohane 2:18

Bantfwana, sesikhatsi sekugcina; njengobe neva kutsi mphikakhristu uyeta, nanyalo bomphikakhristu labanyenti sebavelile; ngako-ke sesiyati kutsi sesikhatsi sekugcina.

1 yaJohane 2:4

Umuntfu lotsi: “Ngiyamati,” kodvwa abe angayenti imiyalo yakhe, ngulocalemanga, neliciniso kute kuye.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.

Sembulo 2:14

Kodvwa tsine nawe sehlukana la ekutseni kusenebantfu labanemfundziso yaBhalamu emkhatsini wenu. Phela Bhalamu wafundzisa Bhalaki kutsi abekele baka-Israyeli lugibe, ngekubadlisa kudla lokunikelwe etithicweni, wabafundzisa kuphinga nebugwadla.

Sembulo 2:6

Noko, naku lokuhle ngawe: Uyayitondza imisebenti yemaNikholawu, njengobe nami ngiyitondza.