KumaHebheru 9:7 - Siswati 1996 Bible

⁷ Kodvwa kulendzawo lengcwelengcwele kungena umPhristi Lomkhulu kuphela, nako angene kanye ngemnyaka, aphetse ingati yekunikelela tono takhe netalabanye bantfu labatente bangati kutsi bayona.

KumaHebheru 9:7 Referencias Cruzadas

2 Samuweli 6:7

Lulaka lwaSimakadze lwamvutsela Uza, ngenca yesento sakhe sekungahloniphi. Ngako Nkulunkulu wamshaya, wafa, wafela khona lapho eceleni kwelibhokisi lesivumelwane saNkulunkulu.

2 Tikhronike 33:9

Kodvwa Manase wabedukisa bantfu bakaJuda nebaseJerusalema, ngako benta lokubi kakhulu kwendlula letive letabhujiswa nguSimakadze, ngesikhatsi nakufika ema-Israyeli.

Tihlabelelo 19:12

Ngubani nje longabona tiphosiso takhe? Simakadze, ngikhulule etonweni letifihlekile.

Tihlabelelo 95:10

Iminyaka lengemashumi lamane nganengwa nguleso sive, ngadzimate ngatsi: ‘Basive, lesinhlitiyo yaso yedukile, abaticaphelanga tindlela tami.’

Eksodusi 30:10

Kanye ngemnyaka Aroni abenta inkonzo yekubuyisana kuSimakadze, ayentele etimphondvweni totine telilati; leyo nkonzo yekuhlawulela tono ngemnikelo wengati, iyakwentiwa njalo nje kanye ngemnyaka. Loko niyawukwenta titukulwane ngetitukulwane. Lelilati kufanele libe ngcwele lehlukaniselwe mine, Simakadze.”

Isaya 28:7

Nabo labo bayayendza ngenca yeliwayini, babhadzatele ngenca yetjwala, baphristi nebaphrofethi bayayendza ngenca yetjwala, basangene ingcondvo ngenca yeliwayini, badzayiteliswa tjwala, bayayendza nababona imibono, bayakhubatela nabakhipha tincumo.

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Isaya 3:12

Awu, sive sami, nicindzetelwa bantfwana, bafati babusa etikwenu. Awu, sive sami, labo baholi benu bayanedukisa; banikhipha endleleni, lenifanele nihambe ngayo.

Isaya 9:16

Labo labahola lesive bayasedukisa, nalabo labaholwako bayalahlekiswa.

Hoseya 4:12

kwebantfu bami. Indlela bayibuta etithicweni tetigodvo, baphendvulwe yindvuku yelugodvo. Umoya webugwadla uyabedukisa; abaketsembeki kuNkulunkulu wabo.

Levithikusi 16:34

Lomtsetfo kufanele ugcinwe, wentiwe titukulwane ngetitukulwane. Inhlawulo yekubuyisana kuSimakadze iyakwentiwa kanye ngemnyaka, yentelwe tonkhe tono tema-Israyeli.” Konkhe kwentiwa njengobe Simakadze abeyale Mosi.

Levithikusi 5:18

Kufanele ahlawule kumphristi, ngesihhanca lesingenasiyela. Bungako baso buyawukalwa nguwe njengesimiso semnikelo welicala. Umphristi uyawumentela kanjalo-ke inhlawulo yekubuyisana naSimakadze; lowo muntfu uyawube sewuyatsetselelwa licala lakhe lalente angakacondzi.

Amose 2:14

Nalabagijima ngematubane bangeke baphunyule, nalabanemandla bangeke bakhone kuwagcogca emandla abo, kanjalo nelichawe lingeke liyisindzise imphilo yalo.

Numeri 15:25

Umphristi uyakwenta inhlawulo yekubuyisana kwesive sonkhe sema-Israyeli siyawube sesiyatsetselelwa, ngobe sone ngesiphosiso, futsi sitsite ngekona kwaso sasesiletsa kuSimakadze umnikelo lowentiwa ngemlilo kanye nemnikelo wesono.

Kubase-Efesu 4:18

Bahlwelwe engcondvweni yabo, bakhashane nekuphila kwaNkulunkulu, ngobe abati lutfo, ngenca yebulukhuni benhlitiyo.

KumaHebheru 10:3

Kodvwa ngalemihlatjelo bantfu bakhunjutwa ngetono tabo iminyaka ngeminyaka;

KumaHebheru 6:19

Ngulelo litsemba letfu lemiphefumulo yetfu. Linjengesisimiso semkhumbi, lisiphephelo lesicinile, lingenisana ngekhatsi kwesihenco, endzaweni lengcwelengcwele,

KumaHebheru 7:27

Yena akadzingi kunikela imihlatjelo yekushiswa njengalaba labanye baphristi labakhulu lababeyinikela onkhe emalanga, ngekutinikelela bona tono tabo kucala, bese banikelela tono talabanye. Kodvwa yena loko wakwenta kwaba kanye, kwenela, ngesikhatsi anikela ngaye lucobo lwakhe.

KumaHebheru 9:3

Ngemuva kwendvwangu yesibili bekunendzawo lebeyibitwa ngekutsi yindzawo lengcwelengcwele.