KumaHebheru 9:6 - Siswati 1996 Bible

⁶ Konkhe-ke solomane kuhlelwa ngalendlela, baphristi bangena njalo nje kuleyo ndzawo lengcwele bente imisebenti yabo yekukhonta Nkulunkulu.

KumaHebheru 9:6 Referencias Cruzadas

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Danyela 8:11

Lwatikhulisa lona kutsi lube lukhulu lube ngangembusi walamabutfo, lwasusa imihlatjelo yemalanga onkhe kuye, nendzawo yakhe lengcwele yehliselwa phansi.

Numeri 18:2

Letsa bomnakenu labangemaLevi esiveni seyihlo batewuhlangana nawe bakusite ngesikhatsi wena nemadvodzana akho nikhonta ethendeni lebufakazi.

Numeri 28:3

Shano kubo utsi: ‘Lona ngumnikelo lowentiwa ngemlilo leniyakuwetfula kuSimakadze: emazinyane lamabili lanemnyaka munye budzala langenasiyela, kube ngumnikelo loshiswa onkhe emalanga.

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

KumaHebheru 7:11

Baka-Israyeli bemukela umtsetfo ngaphansi kwebaphristi. Nangabe kuphelela kwemukeleka ngebuphristi bakaLevi, sasiyawuba khona yini lesinye sidzingo semphristi ngekuma kwaMelkhisedeki, kunalowo lowemiswa ngekuma kwa-Aroni?