KumaHebheru 9:24 - Siswati 1996 Bible

²⁴ Ngobe Khristu akangenanga endzaweni lengcwelengcwele leyentiwe ngetandla nalengumfutiselo waleyo lengiyo sibili; kodvwa wangena ezulwini sibili, lapho abonakala khona asimele kuNkulunkulu.

KumaHebheru 9:24 Referencias Cruzadas

Tihlabelelo 68:18

Wena, Simakadze, wenyukela entsabeni lendze, watfumba labanyenti labatfunjiwe, wemukele tipho kubantfu, watemukela ngisho nakubo labamelene nawe, kuze uhlale khona wena, Simakadze.

Eksodusi 28:12

Lamatje ubowafaka kulemichilo lebophela lesidziya emahlombe. Aroni utabowagaca emahlombe lamabito emadvodzana aka-Israyeli njalo nje naketa kimi, kuze kube sikhumbuto.

Eksodusi 28:29

“Ngesikhatsi Aroni angena endzaweni lengcwele utabokwembatsa lesembatfo sesifuba lesinemabito emadvodzana aka-Israyeli, khona atawubokhumbuleka njalo nje kuSimakadze.

Zakhariya 3:1

Simakadze wabe sewungibonisa Jeshuwa, umPhristi Lomkhulu, eme embikwengilosi yaSimakadze, naSathane eme ngasesandleni sakhe sekudla atekummangalela.

Matewu 18:10

“Caphelani ningedzeleli ngisho namunye kulaba labancane; ngobe ngitsi kini: Tingilosi tabo ezulwini tibubona njalo buso baBabe losezulwini. [

Makho 14:58

“Simvile tsine atsi: ‘Ngitalibhidlita lelithempeli lelakhiwe ngetandla, ngibuye ngakhe lelinye lelingakakhiwa ngetandla tebantfu, ngilakhe ngemalanga lamatsatfu.’ ”

Makho 16:19

Emvakwaloko, iNkhosi Jesu seyikhulumile nabo yatsatfwa yenyuselwa ezulwini, yahlala ngesekudla saNkulunkulu.

Lukha 24:51

Asababusisa, watsatfwa kubo [wenyuselwa ezulwini.]

Johane 16:28

Ngaphuma kuBabe ngeta emhlabeni; manje sengiyawushiya futsi lomhlaba, sengibuyela kuBabe.”

Johane 6:62

Kepha niyawutsini nase nibona iNdvodzana yeMuntfu yenyuka iya lapho beyivele ikhona kucala?

Imisebenti yebaPhostoli 3:21

Kufanele ahlale ezulwini kuze kufike sikhatsi lapho konkhe kuyakwentiwa kube kusha, njengobe Nkulunkulu amemetela emandvulo ngebaphrofethi bakhe labangcwele.

KubaseRoma 8:33

Ngubani loyakumangalela bantfu baNkulunkulu labakhetsiwe? Kute: Ngobe ukhona Nkulunkulu lowenta umuntfu emukeleke kuye kutsi ulungile.

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

KubaseKholose 3:2

Nakekelani tintfo tasezulwini, ninganaki tintfo talapha emhlabeni.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

KumaHebheru 4:14

Njengobe sinemPhristi Lomkhulu kakhulu, Jesu iNdvodzana yaNkulunkulu, lodzabule emazulu, asibambelele kuso sivumo sekukholwa kwetfu.

KumaHebheru 6:20

lapho Jesu angena khona njengemvuli wendlela lomele tsine, waba ngumPhristi Lomkhulu loyawuhlala akhona phakadze naphakadze, ngekuma kwaMelkhisedeki.

KumaHebheru 8:2

Nguye losikhonti endzaweni lengcwele, ethendeni lekuhlangana, lelingilo sibili lelakhiwa yiNkhosi, hhayi ngumuntfu.

KumaHebheru 8:5

Bona bakhontela kuloko lokungumfanekiso nesitfunti saloko lokunguko sibili kwasezulwini, ngobe ngesikhatsi Mosi asatakwakha lithende lekuhlangana, Nkulunkulu wamyala watsi: “Ucaphele kutsi konkhe ukwente ngaleyo ndlela lowakhonjiswa yona entsabeni.”

KumaHebheru 9:1

Sivumelwane sekucala sasinemitsetfo yekukhonta Nkulunkulu. Indzawo yaso lengcwele yayakhiwe bantfu.

KumaHebheru 9:23

Kuyakhanya-ke kutsi nguleto tintfo kuphela letatingumfutiselo wetasezulwini letatingahlanjululwa ngaleyo ndlela. Kodvwa tintfo tasezulwini tidzinga imihlatjelo lencono kunalena.

KumaHebheru 9:9

Loku ngumfanekiso waletikhatsi. Tipho nemihlatjelo lenikelwa ngaleyo ndlela lendzala kungeke kuyente ihlanteke ngalokuphelele inhlitiyo yesikhonti.

1 yaPhetro 3:22

Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.

Sembulo 8:3

Lenye ingilosi yeta yema ngaselatini iphetse sitja segolide semphepho, yanikwa imphepho lenyenti kutsi iyengete iyihlanganise nemithandazo yabo bonkhe labangcwele, inikele ngayo etikwelilati legolide lelalisembikwesihlalo sebukhosi.