KumaHebheru 9:1 - Siswati 1996 Bible

¹ Sivumelwane sekucala sasinemitsetfo yekukhonta Nkulunkulu. Indzawo yaso lengcwele yayakhiwe bantfu.

KumaHebheru 9:1 Referencias Cruzadas

Eksodusi 25:8

Labantfu kufanele bangentele indlu lengcwele, khona ngitawuhlala emkhatsini wabo.

Hezekeli 43:11

Nangabe banemahloni ngako konkhe labakwentile, bachazele ngelipulani lelithempeli, nekuhleleka kwalo, iminyango yalo yekuphuma neyekungena, lonkhe lipulani lalo, nayo yonkhe imiyalo nemitsetfo yalo. Kubhale phansi loku embikwabo, khona batekwetsembeka kulelipulani lalo, balandzele nemitsetfo yalo.

Levithikusi 18:30

“ ‘Gcinani lemiyalo yami, ningayilandzeli lemikhuba nemasiko lababewenta nisengakafiki. Ningatingcolisi ngayo. NginguSimakadze, Nkulunkulu wenu.’ ”

Levithikusi 22:9

“Baphristi kufanele bayigcine yonkhe imitsetfo lengibanika yona, khona bangetiwuba nelicala bafe ngenca yekungangihloniphi. NginguSimakadze lobangcwelisako.

Numeri 9:12

Kufanele kubete labakushiyela likusasa, kantsi nematsambo alo bangawephuli. Nabagubha loMkhosi weliPhasika, kufanele bayente yonkhe imitsetfo yalo.

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

KubaseRoma 9:4

Ema-Israyeli sive saNkulunkulu lasenta emadvodzana akhe. Wawanika sabelo ebukhosini bakhe, watenta nawo tivumelwane, wawanika umtsetfo, nendlela lengiyo yekukhonta ethempelini, wabapha netetsembiso.

KubaseKholose 2:8

Caphelani-ke kutsi kubete lonitfumba ngekuhlakanipha, nangekukhohlisa lokulite, aniyenge ngemikhuba yebantfu nangetimfundziso temimoya yemvelo emkhatsini. Konkhe loko kuphambene nendlela yaKhristu.

KumaHebheru 8:13

Nakakhuluma ngesivumelwane “lesisha”, Nkulunkulu usho kutsi lesi sekucala sesidzala. Loko lese kukudzala kusuke sekugugile, sekutawunyamalala masinyane.

KumaHebheru 8:2

Nguye losikhonti endzaweni lengcwele, ethendeni lekuhlangana, lelingilo sibili lelakhiwa yiNkhosi, hhayi ngumuntfu.

KumaHebheru 8:7

Kube sivumelwane sekucala besite sici, besingeke sidzingeke sivumelwane sesibili.

KumaHebheru 9:24

Ngobe Khristu akangenanga endzaweni lengcwelengcwele leyentiwe ngetandla nalengumfutiselo waleyo lengiyo sibili; kodvwa wangena ezulwini sibili, lapho abonakala khona asimele kuNkulunkulu.