KumaHebheru 6:10 - Siswati 1996 Bible

¹⁰ Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

KumaHebheru 6:10 Referencias Cruzadas

Nehemiya 13:22

Ngase ngitjela emaLevi kutsi akatihlambulule ahambe ayewuciza emasango, kuze agcine liSabatha lingcwele. Nangenca yaloko ngikhumbule, Nkulunkulu wami, ungihawukele njengekwelutsandvo lwakho lolukhulu.

Nehemiya 13:31

Ngase ngenta nelitfuba leminikelo yetinkhuni ngetikhatsi letimisiwe newetitselo tekucala. Awu, Nkulunkulu wami, ngikhumbule ngekwesihawu sakho.

Nehemiya 5:19

Awu, Nkulunkulu wami, ngikhumbule ube nesihawu kimi ngako konkhe lengikwentele lesive.

Tihlabelelo 20:3

Akayikhumbule yonkhe iminikelo yakho, ayemukele neminikelo yakho yekushiswa. Cabanga.

Eksodusi 1:20

Ngako-ke Nkulunkulu waba nemusa kulababelekisi. Ema-Israyeli andza kakhulu, adlanga kuba nemandla.

Taga 14:31

Nawucindzetela luphuya, wetfuka uMdali walo; kodvwa nawuphetse kahle loweswele, udvumisa uMdali wakhe.

Taga 19:17

Lowo lopha lomphofu uboleka Simakadze; Simakadze uyakumvuza ngaloko lakwentile.

Umshumayeli 11:1

Jika sinkhwa sakho emantini, ngobe utawuphindze usitfole emvakwemalanga lamanyenti.

Jeremiya 18:20

Kufanele yini kutsi lokuhle kukhokhelwe ngalokubi? Noko bangimbele umgodzi. Khumbula kutsi ngema embikwakho ngabancengela kuwe kutsi ngincandze lulaka lwakho kubo.

Jeremiya 31:16

Naku lokushiwo nguSimakadze, utsi: “Bamba livi lakho, ungakhali, ubambe tinyembeti emehlweni akho, ngobe umsebenti wakho uyawunikwa umvuzo. Bayawubuya eveni lesitsa,” kusho Simakadze.

Matewu 10:42

Ngulowo nalowo loyawunatsisa abe munye kulaba labancane nome yinye nje inkomishi yemanti, ngobe angumfundzi wami, ngicinisile, ngitsi kini: Ngeke alahlekelwe ngumvuzo wakhe.”

Matewu 20:7

Batsi kuye: ‘Kute losicashile.’ Wase utsi nakubo: ‘Kulungile, hambani nani niye esivinini sami!’

Matewu 25:17

Kanjalo futsi nalesi lesemukela emathalenta lamabili sawatalisa, atala lamanye lamabili.

Makho 9:41

Ngicinisile, ngitsi kini: Lowo loyakuninatsisa nome yinkomishi yinye nje yemanti, ngobe ningebaKhristu, nakanjani uyakwemukela umvuzo wakhe.”

Johane 13:20

Ngicinisile, ngicinisile, ngitsi kini: Lowo lowemukela nome ngubani lengimtfumile, wemukela mine; nalowo lowemukela mine, wemukela lowo longitfumile.”

Imisebenti yebaPhostoli 10:31

itsi: ‘Khoneliyuse, Nkulunkulu uwuvile umthandazo wakho, uyikhumbulile imisebenti yakho yesihawu.

Imisebenti yebaPhostoli 10:4

Wayibukisisa ngekwesaba lengilosi wase utsi: “Utsini, Nkhosi?” Ingilosi yaphendvula yatsi: “Nkulunkulu uyemukele imithandazo yakho nemisebenti yakho yesihawu, ngako-ke sewukukhumbulile.

Imisebenti yebaPhostoli 11:29

Bafundzi bavumelana kutsi ngulowo nalowo atfumele loko langakutfumela kusita bazalwane baseJudiya.

KubaseRoma 12:13

Hlanganyelani nalabangcwele ekwesweleni kwabo, nikhutsale ekungeniseni tihambi.

2 kubaseKorinthe 9:1

Mayelana nekunikelela bazalwane, asikho sidzingo sekutsi nginibhalele.

KubaseGalathiya 5:13

Ngobe bazalwane, nabitelwa enkhululekweni; kuphela nje ningayisebentisi inkhululeko yenu kunika ematfuba ekwenta sono, kodvwa khontanani ngelutsandvo lomunye kulomunye.

KubaseGalathiya 5:6

Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

1 kubaseThesalonika 1:3

kuNkulunkulu wetfu, longuBabe, sikhumbula imisebenti yenu yekukholwa, nemisiphalato yelutsandvo, nekubambelela kwenu etsembeni leliseNkhosini yetfu Jesu Khristu.

1 kuThimothi 6:18

Ubatjele kutsi bente lokuhle, bacebe emisebentini lemihle, babelane, bephane.

2 kuThimothi 4:8

Manje sengihlalelwe kutfola umchele wekulunga, lengibekelwe wona yiNkhosi, uMehluleli lolungile. INkhosi iyawunginika lowo mchele ngalelo langa, hhayi mine kuphela kodvwa bonkhe labetsabele kubuya kwayo.

KumaHebheru 10:32

Kodvwa khumbulani emalanga ekucala, lekwatsi emvakwekukhanyiswa kwenu, nacinisela ekukhutsateleni kuhlangabetana netinhlupheko.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.