KumaHebheru 5:8 - Siswati 1996 Bible

⁸ Nome abeyiNdvodzana, wafundza kulalela ngekuhlupheka kwakhe,

KumaHebheru 5:8 Referencias Cruzadas

Isaya 53:5

Kodvwa yagwazwa ngenca yetiphambuko tetfu, yafihlitwa ngenca yekona kwetfu, sijeziso saba setikwayo, kuze tsine sibe nekuthula; ngemanceba emivimbo yayo siyaphiliswa tsine.

Matewu 3:15

Kodvwa Jesu wamphendvula watsi: “Vuma nyalo, ngobe kufanele sigcwalise kanjalo intsandvo yaNkulunkulu.” Ngako wase uyamvumela.

Johane 10:18

Kute longangemuka kuphila kwami. Ngikubeka phansi mine ngekwami. Nginawo emandla ekukubeka phansi, newekuphindze ngikutsatse futsi. Nguloko lengikutfunywe nguBabe kutsi ngikwente.”

Johane 15:10

Nanigcina imiyalo yami, niyawuhlala elutsandvweni lwami, njengobe nami ngigcina imiyalo yaBabe, ngihlala elutsandvweni lwakhe.

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

Johane 6:38

Ngobe kwehla kwami ezulwini akusiko kutsi ngetela kutakwenta intsandvo yami, kepha kutakwenta intsandvo yalowo longitfumile.

KubaseFiliphi 2:8

watitfoba, walalela kwadzimate kwaba ngusekufeni, yebo, ekufeni kwesiphambano.

KumaHebheru 1:2

Kodvwa kulamalanga ekugcina sewukhulume kitsi ngeNdvodzana yakhe ladala ngayo umhlaba nako konkhe lokukhona; wayimisa kutsi ibe yindlalifa yako konkhe.

KumaHebheru 1:5

Ngobe Nkulunkulu akazange asho nakuyinye yetingilosi takhe kutsi: “Wena uyiNdvodzana yami, lamuhla ngikutele,” nekutsi: “Ngiyawuba nguYise, yena abe yiNdvodzana yami.”

KumaHebheru 1:8

Kodvwa ngeNdvodzana utsi: “Sihlalo sakho sebukhosi, Nkulunkulu, sisaphakadze naphakadze. Kulunga yindvuku yebukhosi bakho lobusa ngayo bantfu bakho.

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].