KumaHebheru 5:3 - Siswati 1996 Bible

³ Ngenca yalobo butsakatsaka bakhe, naye kudzingekile kutsi ente iminikelo yetono takhe, njengobe abentela labanye bantfu.

KumaHebheru 5:3 Referencias Cruzadas

Levithikusi 16:15

“Emvakwaloko uyawube sewubulala lembuti kutsi itewuba ngumnikelo wesono sesive sonkhe, bese ungenisa lengati yayo ngale kwendvwangu ente njengobe entile ngengati yenkunzi, afafate ngayo etikwesihlalo semusa nasembikwaso.

Levithikusi 16:6

Aroni utawunikela ngalenkunzana ibe ngumhlatjelo wesono, atentele yena nemndeni wakhe inhlawulo yekubuyisana kuSimakadze.

Levithikusi 9:7

Wachubeka watsi ku-Aroni: “Sondzela elatini unikele umnikelo wakho wesono kanye nemnikelo wakho wekushiswa, utentele wena nesive sonkhe inhlawulo yekubuyisana naSimakadze. Letsa lomnikelo wesive, usentele inhlawulo yekubuyisana naSimakadze, njengobe Simakadze ashito.”

1 kubaseKorinthe 15:3

Ngobe nami nganinika loko lokubalulekile lengakwemukela, kutsi Khristu wafa ngenca yetono tetfu, njengaloko isho imiBhalo,

KumaHebheru 10:12

Kodvwa kwatsi Khristu nasanikele kwaba kanye kwenela ngemhlatjelo munye wetono, wase uhlala ngesekudla saNkulunkulu,

KumaHebheru 7:27

Yena akadzingi kunikela imihlatjelo yekushiswa njengalaba labanye baphristi labakhulu lababeyinikela onkhe emalanga, ngekutinikelela bona tono tabo kucala, bese banikelela tono talabanye. Kodvwa yena loko wakwenta kwaba kanye, kwenela, ngesikhatsi anikela ngaye lucobo lwakhe.

KumaHebheru 9:7

Kodvwa kulendzawo lengcwelengcwele kungena umPhristi Lomkhulu kuphela, nako angene kanye ngemnyaka, aphetse ingati yekunikelela tono takhe netalabanye bantfu labatente bangati kutsi bayona.