KumaHebheru 4:16 - Siswati 1996 Bible

¹⁶ Ngako-ke asisondzele ngesibindzi esihlalweni semusa, khona sitekwemukela sihawu, sitfole umusa lotasisita ngesikhatsi lesifanele.

KumaHebheru 4:16 Referencias Cruzadas

1 Tikhronike 28:11

Ngako Davide wase unika indvodzana yakhe Solomoni ipulani yemihubhe, neyelithempeli, neyetakhiwo talo, neyetingungumakamelo talo, neyelingetulu lalo, neyemakamelo angekhatsi kanye neyendzawo yenhlawulo.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Levithikusi 16:2

Simakadze wakhuluma kuMosi watsi: “Tjela Aroni, umnakenu, kutsi angangeni nome ngunini emvakwendvwangu lesendzaweni lengcwelengcwele, embikwesihlalo semusa lesisebhokisini lesivumelwane funa afe, ngobe ngivela ngisefini lelisetikwesihlalo semusa.

Kubase-Efesu 2:18

Ngobe ngaye sobabili sinekungena ngaMoya munye kuYise.

Kubase-Efesu 3:12

Ngaye sinekuciniseka nesibindzi sekusondzela kuNkulunkulu ngekukholwa kwetfu.

KumaHebheru 13:6

Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].

KumaHebheru 7:19

ngobe umtsetfo awuphelelisi lutfo. Kodvwa sesinikwe litsemba lelisha nalelincono, lesingasondzela ngalo kuNkulunkulu.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

KumaHebheru 9:5

Ngetulu kwalelo bhokisi bekunemakherubhi ebukhosi baNkulunkulu labengamele sihlalo semusa. Kodvwa kwanyalo ngingeke ngichazisise ngalokuphelele ngaletintfo.

1 yaPhetro 2:10

Nine naningesiso sive, kodvwa nyalo senisive saNkulunkulu. Nake naba ngaphandle kwemusa, kepha nyalo seniwemukele.