KumaHebheru 2:9 - Siswati 1996 Bible

⁹ Kodvwa lesimbonako nguJesu, lowentiwa waba mncane kunetingilosi kwesikhashana. Wetfweswa umchele webukhosi neludvumo ngenca yekuhlupheka kwekufa. Kwaya ngebubele baNkulunkulu kutsi Jesu eve kufa ngenca yebantfu bonkhe.

KumaHebheru 2:9 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Isaya 11:1

Kuyawuhluma lihlumela esiphuntini sakaJese; ligala lelimila etimphandzeni takhe liyawutsela titselo.

Isaya 7:14

Ngako-ke, Nkulunkulu, yena cobo lwakhe, utawuninika sibonakaliso: Intfombi iyawukhulelwa itale indvodzana, yetsiwe libito kutsiwe ngu-Imanyuweli.

Matewu 16:28

Ngicinisile, ngitsi kini: Kukhona labanye la emkhatsini wenu labangeyikuva kufa, badzimate bayibone iNdvodzana yeMuntfu ita embusweni wayo.”

Matewu 6:28

“Nitihluphelani ngetimphahla? Bukani timbali temhlaba kutsi tikhula njani, atikhandleki, futsi atitfungi.

Makho 9:1

Jesu waphindza watsi: “Ngicinisile, ngitsi kini: Bakhona labeme lapha emkhatsini wenu labangayikubona kufa bangakaboni Nkulunkulu abusa ngemandla.”

Lukha 9:27

Ase nginitjele naliciniso kutsi, bakhona lapha emkhatsini wenu labangeyikufa bangakawuboni umbuso waNkulunkulu.”

Johane 1:29

Ngakusasa Johane wabona Jesu eta kuye watsi: “Nalo liWundlu laNkulunkulu lelisusa sono selive!

Johane 10:17

“Ngaloko-ke Babe uyangitsandza, ngobe ngidzela kuphila kwami khona ngitawubuya ngikutsatse futsi.

Johane 12:32

Mine nase ngiphakanyisiwe emhlabeni, bonkhe bantfu ngitabadvonsa bete kimi.”

Johane 3:16

Nkulunkulu walitsandza live kakhulu kangangekutsi wadzimate wanikela ngeNdvodzana yakhe lekukuphela kwayo, kuze kutsi nome ngubani lokholwa ngiyo angabhubhi, kodvwa abe nekuphila lokuphakadze.

Johane 8:51

Ngicinisile, ngicinisile, ngitsi kini: Nangabe umuntfu agcina livi lami, angeke akubone kufa nini nanini.”

Johane 8:52

EmaJuda atsi kuye: “Cha, sesibonile ngempela kutsi unelidimoni. Abrahama wafa, nebaphrofethi futsi bafa. Kepha wena utsi: ‘Lowo lowenta livi lami, angeke afe.’

Imisebenti yebaPhostoli 2:33

Asaphakanyiselwe ngasesandleni sekudla saNkulunkulu wemukeliswa nguYise setsembiso lesinguMoya Longcwele lebesetsenjiswe Yena, wabuye wamtfululela kitsi. Ngiko loku lenikubonako nalenikuvako.

Imisebenti yebaPhostoli 3:13

Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.

KubaseRoma 5:18

Njengobe ngesono sinye bonkhe bantfu banesijeziso sekufa, ngalokufananako ngesento sinye lesilungile bonkhe bayakwentiwa balungelane naNkulunkulu ekuphileni.

KubaseRoma 5:8

Kodvwa-ke Nkulunkulu sewulukhombisile lutsandvo lwakhe kitsi ngekutsi sisetoni Khristu wafa esikhundleni setfu.

KubaseRoma 8:3

Loko-ke lokwehlula umtsetfo ngenca yebutsakatsaka besimo semvelo yemuntfu, Nkulunkulu wakwenta: Ngenca yesono watfumela iNdvodzana yakhe, leyeta ngesimo semuntfu lesonakele, kwatsi ngayo wehlulela sono ebantfwini,

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

2 kubaseKorinthe 5:15

Wabafela bonkhe, kuze kutsi bonkhe labo labafela bangabe basatiphilela, kodvwa baphilele yena lowabafela waphindze wavuselwa bona.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KubaseGalathiya 4:4

Kodvwa kwatsi sikhatsi sesifike ngalokuphelele Nkulunkulu watfumela iNdvodzana yakhe leyatalwa ngumfati, yakhula ingephansi kwemtsetfo,

1 kuThimothi 2:6

lowatinikela kutsi abe yinhlawulo yabo bonkhe, loko kwaba bufakazi ngesikhatsi lesifanele.

KumaHebheru 1:9

Utsandze kulunga, watondza bubi; ngako-ke, Nkulunkulu, longuNkulunkulu wakho, ukugcobe ngemafutsa enjabulo ngetulu kwabomnakenu.”

KumaHebheru 10:5

Kungako nje, Jesu naketa lapha emhlabeni, watsi: “Umhlatjelo neminikelo awunandzaba nayo, kodvwa ungilungiselele umtimba.

KumaHebheru 11:5

Ngekukholwa Enoke watsatfwa, kuze angakuboni kufa; akazange aphindze abonakale, ngobe Nkulunkulu abesamtsetse. UmBhalo utsi angakatsatfwa wajabulisa Nkulunkulu.

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

KumaHebheru 2:7

Wamenta kutsi abe mncane kunetingilosi, sikhashana lesifishane nje. Wametfwesa umchele webukhosi neludvumo, [wammisa etikwemisebenti yetandla takho].

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

KumaHebheru 8:3

Wonkhe umPhristi Lomkhulu ukhetselwa kunikela kuNkulunkulu ngetipho nangemihlatjelo, ngako-ke nalomPhristi Lomkhulu kudzingekile kutsi abe nako latakunikela.

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

1 yaJohane 2:2

nguye loyinhlawulo yetono tetfu, hhayi tetfu sodvwa, kodvwa netemhlaba wonkhe.

Sembulo 19:12

Emehlo akhe abenjengemalangabi emlilo, enhloko yakhe bekunemichele leminyenti; abenelibito lebelibhaliwe lelingatiwa ngumuntfu ngaphandle kwakhe.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.