KumaHebheru 13:8 - Siswati 1996 Bible

⁸ Jesu Khristu akagucuki; nguye itolo, nalamuhla, naphakadze.

KumaHebheru 13:8 Referencias Cruzadas

Genesisi 21:33

Abrahama wahlanyela sihlahla selitamariske eBherisheba. Wadvumisa Simakadze, Nkulunkulu waphakadze.

Tihlabelelo 103:17

Kodvwa umusa waSimakadze ukubo bonkhe labamesabako, futsi uyawuhlala ukubo phakadze naphakadze, nekulunga kwakhe etikwebantfwana bebantfwana,

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Tihlabelelo 90:4

Ngobe inkhulungwane yeminyaka kuwe ingangelilanga linye, injengelilanga layitolo nase lendlulile, yimfishane, ingangemlindvo wasebusuku.

Eksodusi 3:14

Nkulunkulu watsi kuMosi: “Nginguye Lenginguye. Nguloko loyawubatjela kona baka-Israyeli, utsi: ‘Nginguye ungitfumile.’ ”

Isaya 41:4

Ngubani lowente loku wadzimate wakuphumelelisa, wabita titukulwane kusukela ekucaleni? Mine, Simakadze, lengangikhona ekucaleni nalengiyawube ngikhona nasekugcineni, solo nginguye.”

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Malakhi 3:6

“Mine, Simakadze, angigucuki. Ngako nani titukulwane taJakobe, anikabhujiswa.

2 kubaseKorinthe 1:19

INdvodzana yaNkulunkulu lenguKhristu Jesu leyashunyayelwa ngitsi kini, mine nginaboSilasi, naThimothi, beyingesiye “Yebo” na “Cha”; kepha yona ingu “Yebo”.

2 kubaseKorinthe 1:20

Kuto tonkhe tetsembiso takhe Nkulunkulu utsi: “Yebo” kuyo. Kungako nje-ke sidvumisa Nkulunkulu sitsi: “Amen,” ngaJesu Khristu.

KumaHebheru 1:12

Uyawuwagocota njengelicansi, ayawuntjintjwa njengekuntjintjwa kwengubo, kepha wena uyawube seloku unjalo. Iminyaka yakho ngeke iphele.”

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.

YaJuda 1:25

yebo, kuNkulunkulu lokunguye yedvwa, uMsindzisi wetfu ngaJesu Khristu iNkhosi yetfu, akube ludvumo, nebukhosi, nemandla, neligunya, ngaphambi kwetikhatsi, manje, naphakadze. Amen.

Sembulo 1:11

litsi: “Bhala encwadzini loko lokubonako, bese uyitfumela emabandleni lasikhombisa: lase-Efesu, nelaseSmuna, nelasePhegamu, nelaseThiyathira, nelaseSadesi, nelaseFiladelfiya, nelaseLawodisiya.”

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,

Sembulo 1:8

“Mine ngingu-Alfa na-Omega,” kusho iNkhosi, Nkulunkulu, Somandla lokhona, nalabekhona, nalotako.