KumaHebheru 13:6 - Siswati 1996 Bible

⁶ Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”

KumaHebheru 13:6 Referencias Cruzadas

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

1 Emakhosi 17:8

Livi laSimakadze lefika kuElija, latsi:

Tihlabelelo 124:8

Lusito lwetfu lusegameni laSimakadze lowente lizulu nemhlaba.

Tihlabelelo 146:3

Ningetsembeli etikhulwini nakubantfu, kute kubantfu lusito.

Tihlabelelo 27:9

Ungabufihli buso bakho kimi. Ungayincandzi ngentfukutselo inceku yakho, nguwe Somandla, lolusito lwami. Ungangiyekeleli, ungangilahli! Wena unguNkulunkulu wensindziso yami.

Tihlabelelo 33:20

Umphefumulo wetfu wetsembele kuSimakadze, yena ungumsiti wetfu nelihawu letfu.

Tihlabelelo 40:17

Nome ngihlupheka ngimphofu, kepha iNkhosi iyanginakekela. Wena ungumsiti wami nemkhululi wami; Nkulunkulu wami, ungalibali.

Tihlabelelo 54:4

Ngempela, Nkulunkulu ungumsiti wami, Simakadze ungumvikeli wemphilo yami.

Tihlabelelo 56:4

Ngiyawudvumisa livi laNkulunkulu ngekusitwa nguNkulunkulu, ngetsembele kuNkulunkulu angesabi lutfo. Pho, umuntfu angangentani nje?

Tihlabelelo 63:7

ngobe wena ube lusito lwami. Ngako-ke ngiyawuhlabela ngenjabulo emtfuntini wemaphiko akho.

Tihlabelelo 94:17

Kube Simakadze abengesilo lusito lwami, ngabe ngasheshe ngafa.

Eksodusi 18:4

Lenye wayetsa libito watsi ngu-Eliyezeri atsi: “Nkulunkulu wabobabe ube lusito lwami wangiphephisa kutsi Faro angangibulali.”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

Kubase-Efesu 3:12

Ngaye sinekuciniseka nesibindzi sekusondzela kuNkulunkulu ngekukholwa kwetfu.

Dutheronomi 33:26

“Kute lonjengaNkulunkulu, Jeshuruni, logibela emazulu kuze atewusita wena, agibele nemafu ngebukhosi bakhe.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

KumaHebheru 10:19

Ngako-ke, bazalwane, ingati yaJesu isikhululile kutsi singangena ngesibindzi endzaweni lengcwelengcwele.

KumaHebheru 4:16

Ngako-ke asisondzele ngesibindzi esihlalweni semusa, khona sitekwemukela sihawu, sitfole umusa lotasisita ngesikhatsi lesifanele.

1 Samuweli 23:17

Wafike wakhuluma kuye watsi: “Ungesabi, ngobe sandla sababe, Sawula, singeke sifinyelele kuwe. Wena utawuba yinkhosi ka-Israyeli, mine nje ngitawuba wesibili kuwe. Ngisho nababe Sawula uyakwati loko.”