KumaHebheru 11:9 - Siswati 1996 Bible

⁹ Ngekukholwa waba sihambi eveni labetsenjiswe lona. Wahlala emathendeni; benta njalo nabo-Isaka naJakobe. Nabo baba tindlalifa kanye naye kuso leso setsembiso,

KumaHebheru 11:9 Referencias Cruzadas

Genesisi 12:8

Wesuka waya etintsabeni tangasemphumalanga neBetheli, wafike wemisa lithende lakhe khona; iBetheli beyingasenshonalanga, i-Ayi beyingasemphumalanga. Nakhona lapho wafike wakhela Simakadze lilati; wakhuleka kuSimakadze.

Genesisi 13:18

Ngako-ke, Abrama walitfutsa lithende lakhe walimisa ngasetihlahleni tema-okhi eMamre, leseHebroni; wafike lapho wakhela Simakadze lilati.

Genesisi 13:3

Wesuka eningizimu neKhenani wacocoma ngekutfutsa, waze wefika ngaseBetheli. Waphindze wesuka lapho waya endzaweni lesemkhatsini weBetheli ne-Ayi, lapho abeke wemisa khona lithende kucala,

Genesisi 17:8

Lelive lewusihambi kulo ngiyawulinika wena netitukulwane takho emvakwakho. Lonkhe lelive laseKhenani liyawuba letitukulwane takho, libe lifa lato phakadze naphakadze, mine ngiyawuba nguNkulunkulu wato.”

Genesisi 18:6

Abrahama waphutfuma ethendeni kuSara, watsi: “Sheshisa utsatse emabinta lamatsatfu afulaha uyibhuce, wente emacebelengwane.”

Genesisi 18:9

Ambuta atsi: “Uphi Sara, umkakho?” Wawaphendvula watsi: “Usethendeni.”

Genesisi 21:34

Abrahama wahlala eveni lemaFilisti sikhatsi lesidze.

Genesisi 23:4

“Ngisihambi nemchamuki la emkhatsini wenu. Ngicela ningitsengisele indzawo yekungcwaba, khona ngitewungcwaba lesidvumbu semkami.”

Genesisi 25:27

Labafana bakhula. Esawu waba ngumtingeli lonelikhono, angumuntfu wasematsafeni, kantsi Jakobe yena abesithuli ahlala ekhaya.

Genesisi 28:4

Shangatsi angakunika sibusiso sa-Abrahama, wena kanye netitukulwane takho, uze ulitsatse libe lakho lelive losihambi kulo kwamanje, Nkulunkulu lalinika Abrahama!”

Genesisi 31:25

Labani wamkhandza Jakobe. Jakobe abemise lithende lakhe kuleto tintsaba takaGileyadi, naLabani kanye nabomnakabo naye wakanekisa kuto leto tintsaba.

Genesisi 35:27

Jakobe wahamba waze wefika ekhaya leyise, Isaka, eMamre ngaseKhiriyathi Abha leseyatiwa ngekutsi iHebroni, lapho kwakuhlala khona Abrahama na-Isaka.

Genesisi 36:7

Sizatfu lesamenta ehlukane nemnakabo kutsi bobabili bese banetimphahla letinyenti kakhulu. Live labebahlala kulo lalingabe lisabenela bobabili.

Genesisi 47:9

Jakobe wamphendvula watsi: “Iminyaka yami yekuzulazula seyili-130. Leminyaka lembalwa inebulukhuni emphilweni yami. Noko ngisengakabi mdzala ngefika eminyakeni yabokhokho ekuzulazuleni kwabo.”

Tihlabelelo 105:12

Babesembalwa ngesibalo, yebo, babeyingcosana, batihambi kulelo live.

Jeremiya 35:7

Waphindze watsi futsi: ‘Ningacali nakhe tindlu, nihlanyele inhlanyelo nome tivini. Ningacali nibe nako ngisho nome kunye kwaletintfo, kodvwa kufanele nihlale emathendeni ngato tonkhe tikhatsi. Ngenca yaloko niyawuphila sikhatsi lesidze kulelo live, lapho niyimihambima khona.’

KumaHebheru 6:17

Kulabo labebafanele kwemukela loko kwakutsenjisiwe, Nkulunkulu watimisela kukukhanyisa kahle kutsi yena ngeke ayigucule injongo yakhe, ngiko nje acinisa tetsembiso takhe ngekufunga.