KumaHebheru 11:7 - Siswati 1996 Bible

⁷ Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

KumaHebheru 11:7 Referencias Cruzadas

Genesisi 19:14

Ngako-ke Loti waphuma waya kubakhwenyana bakhe lababetawutsatsa emadvodzakati akhe, wefike watsi: “Sheshisani siphume, ngobe Simakadze sewutayibhubhisa lendzawo.” Kepha bamtsatsa njengemuntfu lonamako nje.

Genesisi 6:13

Nkulunkulu watsi kuNowa: “Sengincume kutsi ngibacedze bonkhe bantfu; ngobe umhlaba ugcwele budlova ngenca yabo. Ngitawubabhubhisa, ngibesuse bonkhe emhlabeni.

Genesisi 6:22

Nowa wakwenta konkhe layalwa nguNkulunkulu kutsi akwente.

Genesisi 6:9

Nankhu-ke umlandvo ngaNowa. Nowa abelungile amsulwa esitukulwaneni sakhe, ahamba naNkulunkulu.

Genesisi 7:23

Simakadze wakucitsa kanjalo-ke konkhe lokwakuphila emhlabeni; wacitsa bantfu, netifuyo netilwane letihamba ngesisu, netinyoni letindiza emoyeni. Kwasala Nowa kanye nalabo abenabo emkhunjini.

Genesisi 7:5

Nowa wakwenta konkhe labekutjelwe nguSimakadze.

Genesisi 8:16

“Phuma emkhunjini wena, nemkakho, nemadvodzana akho, nebafati bemadvodzana akho.

2 Emakhosi 4:5

Wesuka lomfelokati ku-Elisha. Emvakwaloko lomfelokati nemadvodzana akhe bangena endlini, bavala umnyango. Lomfelokati wacala watsela emafutsa etindziweni, emadvodzana akhe amniketa letindziwo, yena wachubeka nekutsela ekhatsi.

Jobe 35:8

Bubi bakho buhlupha umuntfu lonjengawe, nekulunga kwakho kutsintsana nebantfu bemhlaba.

Taga 22:3

Umuntfu lohlakaniphile ingoti uyibona iseta, bese uyayibalekela; kantsi longenangcondvo ucondza ngco kuyo, bese utisola emvakwesikhatsi.

Taga 27:12

Umuntfu lohlakaniphile uyibona iseta ingoti bese uyayibalekela, uyabhaca; kodvwa longakahlakaniphi uyatfusha nje, etfuke asasetikwayo, atisole kamuva.

Hezekeli 14:14

ngisho nome nalamadvodza lamatsatfu, boNowa, naDanyela, naJobe bebakulo, bebayakutisindzisa bona kuphela ngekulunga kwabo, kusho iNkhosi Simakadze.

Hezekeli 14:20

iNkhosi Simakadze itsi: Ngifunga kuphila kwami, ngisho nome ngabe boNowa, naDanyela, naJobe bebakulo, babengeke basindzise indvodzana nome indvodzakati. Bebayawutisindzisa bona kuphela ngekulunga kwabo.

Hezekeli 33:5

Njengobe abeyivile impalampala nayikhala, kodvwa wangete wasinaka lesecwayiso, ingati yakhe iyawubasetikwakhe. Kube abesinakile lesecwayiso, abetawusindzisa kuphila kwakhe.

Matewu 2:12

Tadvonswa nguNkulunkulu ngendlebe ephusheni kutsi tingahambi tibuyele kuHerodi. Ngako-ke tabuyela emuva eveni lato ngalenye indlela.

Matewu 24:15

“Ngako-ke nanibona sinengisoncitsakalo sime endzaweni lengcwele, njengobe asho umphrofethi Danyela,” (lofundzako akacaphele inchazelo yaloku),

Matewu 24:25

Bukani-ke, senginitjele ngaphambili kungakenteki.

Matewu 24:38

Njengemalanga labengembili kwazamcolo, bantfu babedla banatsa, labadvuna nalabasikati batsatsana, kwaze kwaba lilanga langena ngalo Nowa emkhunjini;

Matewu 3:7

Kepha watsi nakabona labanyenti bebaFarisi nebaSadusi beta embhabhatisweni, wababuta watsi: “Ntalo yetinyoka, ngubani lonitjele watsi: ‘Balekelani lolulaka lolutako’?

Lukha 17:26

“Njengobe kwakunjalo ngemalanga aNowa, kuyawuba njalo nangemalanga eNdvodzana yeMuntfu.

KubaseRoma 1:17

Ngobe liVangeli lembula kutsi Nkulunkulu wenta kanjani kutsi bantfu balungelane naye: Kungekukholwa, kusuka ekucaleni kuye ekugcineni, njengobe umBhalo utsi: “Lolungile ngekukholwa utawuphila.”

KubaseRoma 10:6

Kodvwa ngekulunga kwekukholwa utsi: “Ungasho enhlitiyweni yakho utsi: ‘Ngubani-ke lotakwenyukela ezulwini?’ ” Loko kusho kwehlisa Khristu.

KubaseRoma 3:22

Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

KubaseRoma 4:11

Wasoka muva, lokusoka kwaba luphawu lwekucinisa kutsi ngenca yekukholwa kwa-Abrahama Nkulunkulu abesamemukele ngekutsi ulungile, ngaphambi kwekutsi asoke. Ngako-ke Abrahama waba nguyise wabo bonkhe labakholwa nguNkulunkulu bese bemukelwa nguye kutsi balungile, nome bangakasoki.

KubaseRoma 4:13

Setsembiso sekutsi uyawuba yindlalifa yemhlaba asinikwanga Abrahama nome situkulwane sakhe ngobe agcine umtsetfo, kodvwa ngobe wakholwa wase wemukelwa nguNkulunkulu kutsi ulungile.

KubaseRoma 9:30

Pho, siyawutsini-ke? Betive labangazange bakufune kulungelana naNkulunkulu noko sebakunikwe ngekukholwa kwabo.

KubaseGalathiya 5:5

Tsine-ke sinelitsemba kutsi sitakwemukeleka kuNkulunkulu kutsi silungile, loko sikulindzele ngemandla aMoya Longcwele losebenta ngekukholwa.

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

KumaHebheru 11:1

Kukholwa kukuciniseka ngetintfo lesetsembele kuto, kukweneliseka ngetintfo lesingakatiboni.

KumaHebheru 12:25

Caphelani ningamali lowo lokhulumako: Nangabe bangaphunyulanga labo labamala lowo abebacaphelisa alapha emhlabeni, natsi-ke singeke siphunyule, nasala kutsatsa tecwayiso talowo lokhuluma asezulwini.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.

KumaHebheru 8:5

Bona bakhontela kuloko lokungumfanekiso nesitfunti saloko lokunguko sibili kwasezulwini, ngobe ngesikhatsi Mosi asatakwakha lithende lekuhlangana, Nkulunkulu wamyala watsi: “Ucaphele kutsi konkhe ukwente ngaleyo ndlela lowakhonjiswa yona entsabeni.”

1 yaPhetro 3:20

Labo-ke ngulabo lekwatsi endvulo bala kulalela Nkulunkulu ngesikhatsi Nkulunkulu abalindzele ngekubeketela ngemalanga ekwakhiwa kwemkhumbi waNowa. Bantfu labambalwa, lababesiphohlongo, bangena kulomkhumbi basindza emantini.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

2 yaPhetro 2:5

Nkulunkulu akazange awuyekele umhlaba wakadzeni, kodvwa wamlondvolota Nowa, umshumayeli wekulunga, kanye nalabanye lababesikhombisa, ngesikhatsi aletsa zamcolo emhlabeni walababengamesabi Nkulunkulu.

2 yaPhetro 3:6

Kwabuye kwaba ngiwo lawo manti, umhlaba lowabuye wabhujiswa ngawo.