KumaHebheru 11:34 - Siswati 1996 Bible

³⁴ bacima emandla emlilo, baphepha enkembeni, baphiwa emandla ebutsakatsakeni, baba ngemachawe ekulweni timphi, badzimate baticosha timphi tebetive.

KumaHebheru 11:34 Referencias Cruzadas

1 Emakhosi 19:1

Ahabi wafike wacocela Jezebeli konkhe lokwase kwentiwe ngu-Elija, nekutsi bonkhe baphrofethi baBhali babulawa kanjani ngenkemba.

1 Emakhosi 19:3

Elija wesaba wabalekela kusindzisa imphilo yakhe. Watsi kube efike eBherisheba kulakaJuda, wayishiya lapho inceku yakhe,

2 Emakhosi 6:1

Ngalelinye lilanga kwesuka licembu lebaphrofethi laya ku-Elisha, labengumholi walo, lafike latsi: “Buka lapha, lendzawo lesihlala kuyo lapha embikwakho, seyincane kakhulu.

2 Emakhosi 6:32

Ngaleso sikhatsi Elisha abehleti endlini kakhe akanye nebaholi lababemvakashele. Inkhosi yase ikhipha sigijimi kutsi silandze Elisha. Kodvwa satsi sisengakefiki, Elisha wakhuluma kulabaholi, watsi: “Aniboni-ke kutsi lelijabhane selisitfumele sigijimi salo kutsi sitengijuba inhloko? Bukani la; nasifika lesigijimi lapha, nibovala sivalo, nisicindzetele ningasivuleli. Inkhosi itabe isilandzela etincatseni.”

Jobe 42:10

Watsi kube Jobe athandazele labangani bakhe, Simakadze wamenta wanjinga futsi; wanjinga ngalokuphindvwe kabili kunakucala.

Jobe 5:20

Ngesikhatsi sendlala uyakukusindzisa ekufeni, nasemphini akusindzise enkembeni.

Tihlabelelo 124:7

Siphunyule njengenyoni iphunyula elugibeni lwebaciphi. Tingibe utidzabulile, saphunyula.

Tihlabelelo 144:10

Nguwe lonika emakhosi kuncoba, uphephise inceku yakho lenguDavide.

Tihlabelelo 6:8

Khweshani kimi, nonkhe nine benti balokubi, ngobe Simakadze sewukuvile kukhala kwami.

Tihlabelelo 66:12

Wenta kutsi bantfu bagibele etikwetinhloko tetfu, sangena emlilweni nasemantini, wabuye wasikhuphulela enaleni.

Eksodusi 18:4

Lenye wayetsa libito watsi ngu-Eliyezeri atsi: “Nkulunkulu wabobabe ube lusito lwami wangiphephisa kutsi Faro angangibulali.”

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Jeremiya 26:24

Kodvwa Ahikamu, umsa waShafani, wema ngakuJeremiya, ngako wangabe asaniketelwa kubantfu kutsi abulawe.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

1 yaPhetro 4:12

Batsandzekako, ningamangaliswa ngulokuvivinywa lokubuhlungu kakhulu lokunikhantingako, kube shangatsi nehlelwa yintfo lengakavami.

Tikhulu 15:8

Wabahlasela ngelulaka lolumatima, wagwaza labanyenti babo. Wase uyehla wayawuhlala emgedzeni welidvwala lelalise-Etamu.

1 Samuweli 18:11

Wajijimeta Davide ngaso atsi: “Ngifuna kumbhanca nelubondza,” kwaze kwaba kabili solo amgeja, ngobe Davide abesivika lesikhali.

1 Samuweli 19:10

Sawula wetama kumgwaza amhlanganise nelubondza ngalesikhali sakhe, kodvwa Davide wavika, sikhali saSawula sagwaza lubondza. Davide wabaleka kulobo busuku.

1 Samuweli 20:1

Davide wesuka wabaleka eNayothi, eRama, waya kuJonathani, wafike wabuta watsi: “Sengenteni? Yini licala lami? Siyini sono sami kuyihlo kutsi angaze afune kungibulala?”