KumaHebheru 10:38 - Siswati 1996 Bible

³⁸ Kodvwa lolungile wami ngekukholwa uyawuphila; kodvwa nangabe ahlehla nyova, ngingeke ngimjabulele.”

KumaHebheru 10:38 Referencias Cruzadas

2 Samuweli 22:22

ngobe imiyalo yaSimakadze ngiyigcinile. Angikenti lutfo lolubi, angikamfulatseli Nkulunkulu wami.

Tihlabelelo 147:11

Simakadze ujatjuliswa ngulabamesabako nalabetsemba umusa wakhe.

Tihlabelelo 149:4

Simakadze uyasijabulela sive sakhe, labatitfobako ubapha umchele wekuncoba.

Tihlabelelo 5:4

Ngobe wena, Simakadze, unguNkulunkulu longakutsandzi lokubi, lomubi angeke akhone kuhlala nawe.

Tihlabelelo 85:8

Ase ngilalele loko lokutawukhulunywa nguNkulunkulu Simakadze, ngobe ukhuluma kuthula esiveni sakhe nakulabangcwele bakhe, nabangancandzeki babuyele ebubini.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Hezekeli 18:24

“Kodvwa nangabe lolungile agucuka ekulungeni kwakhe ente sono, ente tintfo letifananako netalomubi letisinengiso, utsi kambe lonjalo angaphila? Cha, kute nakunye kwetintfo letinhle latentile lokuyawukhunjulwa. Ngenca yekungetsembeki lasanelicala lako, nangenca yetono layawube asatentile, uyawukufa.

Hezekeli 3:20

“Kantsi futsi, nangabe umuntfu lolungile ajika ekulungeni kwakhe ente lokubi, bese ngibeka intfo letamgila embikwakhe, yena uyakufa. Njengobe wena ungakamecwayisi, yena uyakufa ngenca yesono sakhe. Konkhe lokulungile lakwentile kungeke kukhunjulwe; mine-ke ingati yakhe ngiyakuyibita esandleni sakho.

Hezekeli 33:13

Nangabe ngitjela lolungile kutsi ngempela utawuphila, kodvwa yena bese wetsembela kuloko kulunga kwakhe, ente lokubi, kute nome sinye kuletento takhe letinhle latente kucala lesiyawukhunjulwa; uyakufa ngenca yaloko lokubi lakwentile.

Habakhuki 2:4

“Nasi sembulo: Lotiphakamisako angeke aphephe, kodvwa lolungile uyawuphila ngekukholwa kwakhe.”

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Matewu 12:18

“Nansi inceku yami lengiyikhetsile, lotsandzekako wami, lotfokota ngaye umphefumulo wami. Ngiyawubeka Moya wami etikwakhe, amemetele kwehlulela kubetive.

Matewu 13:21

Kepha ngekubate timphandze letijulile etinhlitiyweni tabo, bahlala sikhashana nje. Kutsi kungavela tinhlupheko nome kutingelwa ngenca yelivi, bese bahlubuka masinyane.

KubaseRoma 1:17

Ngobe liVangeli lembula kutsi Nkulunkulu wenta kanjani kutsi bantfu balungelane naye: Kungekukholwa, kusuka ekucaleni kuye ekugcineni, njengobe umBhalo utsi: “Lolungile ngekukholwa utawuphila.”

KubaseGalathiya 3:11

Ngako-ke kuyakhanya kutsi kute umuntfu lowemukeleka kuNkulunkulu kutsi ulungile ngekwenta lokufunwa ngumsetfo, ngobe umBhalo utsi: “Umuntfu lowemukeleka kuNkulunkulu kutsi ulungile ngekukholwa kwakhe uyawuphila.”

1 kubaseThesalonika 2:15

LamaJuda ngiwo kanye lawo labulala iNkhosi Jesu kanye nebaphrofethi, natsi asicitsa, ayekela kwenta intsandvo yaNkulunkulu, aphambana nebantfu bonkhe.

KumaHebheru 10:39

Kepha tsine asikho kulabo labahlehla nyova badzimate babhubhe; kodvwa sikulabo labanekukholwa, aze Nkulunkulu asindzise imiphefumulo yabo.

YaJakobe 5:6

Nimlahlile nambulala umuntfu lolungile; kantsi akamelani nani.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.