KumaHebheru 1:11 - Siswati 1996 Bible

¹¹ Wona ayawubhubha, kodvwa wena ungeke; wona ayawuguga onkhe, avitsike njengengubo.

KumaHebheru 1:11 Referencias Cruzadas

Tihlabelelo 10:16

Simakadze uyiNkhosi, phakadze naphakadze, impela emahedeni ayakunyamalala eveni lakhe.

Tihlabelelo 102:26

Kuyakwendlula konkhe, wena uhlale unjalo nje, konkhe kuyawuguga njengengubo. Yebo, njengengubo uyawukugucula kusakateke.

Tihlabelelo 29:10

Simakadze usesihlalweni sebukhosi, ubusa zamcolo. Simakadze usesihlalweni sebukhosi, kuze kube phakadze naphakadze.

Tihlabelelo 90:2

Ngaphambi kwekudalwa kwetintsaba, yebo, ungakawudali nemhlaba, kusukela phakadze kuze kube phakadze, wena Nkulunkulu ukhona.

Isaya 34:4

Tonkhe tinkhanyeti tasemazulwini tiyawuncibilika, nesibhakabhaka sigocotwe njengencwadzi legocotwako; tonkhe letinkhanyeti tasesibhakabhakeni tiyakuwa njengemacembe lomile lahhohloka esihlahleni semvini, nanjengemakhiwa lasabunile nakahhohloka esihlahleni semkhiwa.

Isaya 41:4

Ngubani lowente loku wadzimate wakuphumelelisa, wabita titukulwane kusukela ekucaleni? Mine, Simakadze, lengangikhona ekucaleni nalengiyawube ngikhona nasekugcineni, solo nginguye.”

Isaya 44:6

“Naku-ke lokushiwo nguSimakadze, iNkhosi neMkhululi wema-Israyeli, Simakadze longuSomandla, utsi: Mine ngiwekucala newekugcina; ngaphandle kwami kute Nkulunkulu.

Isaya 50:9

YiNkhosi Simakadze lengisitako. Ngubani-ke lowo longangilahla ngelicala? Bayawuguga bonkhe njengengubo, bayawucedvwa ngimivunya.

Isaya 51:6

Phakamiselani emehlo enu emazulwini, niwubuke nemhlaba phansi; emazulu ayawunyamalala njengentfutfu, nemhlaba uguge njengengubo, nalabahlala kuwo bafe njengetimphungane. Kodvwa insindziso yami iyawukhonsa phakadze naphakadze, kulunga kwami ngeke kuphele.

Isaya 51:8

Ngobe umvunya uyawubadla njengengubo, imphetfu iyawubamita njengensontfo. Kodvwa kulunga kwami kuyawukhonsa phakadze naphakadze, nensindziso yami iyakuma titukulwane ngetitukulwane.”

Isaya 65:17

“Buka la, ngiyawudala emazulu lamasha nemhlaba lomusha. Tintfo takadzeni tingeke tikhunjulwe, futsi tingeke tisabuya nasengcondvweni.

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Makho 13:31

Kuyakwendlula lizulu nemhlaba, kodvwa emavi ami wona angeke endlule.”

Lukha 21:33

Lizulu nemhlaba kuyawushabalala, kodvwa emavi ami ngeke endlule.”

KumaHebheru 12:27

Lamavi latsi: “Ngitawuphindze” akhombisa ngalokukhanyako kutsi konkhe lokudaliwe kutawunyakatiswa kususwe, kuze kutsi lokungeke kunyakatiswe kusale kunjalo.

KumaHebheru 8:13

Nakakhuluma ngesivumelwane “lesisha”, Nkulunkulu usho kutsi lesi sekucala sesidzala. Loko lese kukudzala kusuke sekugugile, sekutawunyamalala masinyane.

Sembulo 1:11

litsi: “Bhala encwadzini loko lokubonako, bese uyitfumela emabandleni lasikhombisa: lase-Efesu, nelaseSmuna, nelasePhegamu, nelaseThiyathira, nelaseSadesi, nelaseFiladelfiya, nelaseLawodisiya.”

Sembulo 2:8

“Bhalela ingilosi yelibandla laseSmuna utsi: “ ‘Nali livi leliphuma kuye lokucala nekugcina, lowafa wabuye waphila, utsi:

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 21:1

Ngase ngibona lizulu lelisha nemhlaba lomusha; ngobe lizulu lekucala nemhlaba wekucala bese kwendlulile, nelwandle lungasekho.