KumaHebheru 1:10 - Siswati 1996 Bible

¹⁰ Uphindze atsi: “Wena, Nkhosi, ekucaleni wabeka sisekelo semhlaba, emazulu angumsebenti wetandla takho.

KumaHebheru 1:10 Referencias Cruzadas

Genesisi 1:1

Ekucaleni Nkulunkulu wadala lizulu nemhlaba.

Tihlabelelo 19:1

Emazulu ababata bukhosi baNkulunkulu, nemkhatsi wembula likhono lakhe.

Taga 8:29

mhlazana asika imincele yetilwandle, kuze emanti angalengci livi lakhe, mhlazana abeka tisekelo temhlaba,

Isaya 40:12

Ngubani lolinganise emanti ngentsendze yesandla sakhe, nome lowatsi ngebubanti besandla sakhe wemisa imikhawulo yemazulu? Ngubani lolinganisa lutfuli lwemhlaba ngembita, nome lowake wakala tintsaba ngesikali, wakala nemagcuma ngesilinganiso?

Isaya 42:5

Naku lokushiwo nguNkulunkulu longuSimakadze, yena lowo lowadala emazulu, waweneka, wendlala nemhlaba nako konkhe lokumila kuwo, lonika kuphefumula kubantfu labakuwo, nekuphila kulabo labahamba etikwawo, utsi:

Isaya 48:13

Tandla tami tatibeka tisekelo temhlaba. Sandla sami sangesekudla sawendlala emazulu; nangikubita, kuyavela konkhe kanyekanye.

Isaya 51:13

kutsi ningakhohlwa Simakadze, uMenti wenu, loweneka emazulu, wabeka tisekelo temhlaba, kutsi seningahlala ngekutfutfumela onkhe emalanga ngenca yelulaka lwemcindzeteli, lotilungiselela kunibhubhisa? Ngobe lukuphi nje lulaka lwemcindzeteli?

Isaya 51:6

Phakamiselani emehlo enu emazulwini, niwubuke nemhlaba phansi; emazulu ayawunyamalala njengentfutfu, nemhlaba uguge njengengubo, nalabahlala kuwo bafe njengetimphungane. Kodvwa insindziso yami iyawukhonsa phakadze naphakadze, kulunga kwami ngeke kuphele.

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Jeremiya 32:17

“Awu, Nkhosi Simakadze, wena wenta emazulu nemhlaba ngemandla akho lamakhulu nangengalo yakho leyelulekile. Kute lokulukhuni kakhulu kuwe.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.

KumaHebheru 12:27

Lamavi latsi: “Ngitawuphindze” akhombisa ngalokukhanyako kutsi konkhe lokudaliwe kutawunyakatiswa kususwe, kuze kutsi lokungeke kunyakatiswe kusale kunjalo.

Sembulo 3:14

“ ‘Bhalela ingilosi yelibandla laseLawodisiya utsi: “ ‘Nali livi leliphuma kuye longu-Amen; nguye longufakazi lowetsembekile nalocinisile, ungumtfombo wendalo yaNkulunkulu utsi: