kuFilemoni 1:14 - Siswati 1996 Bible

¹⁴ Noko angikatsandzi kwenta lutfo wena ungakavumi, kuze umusa ungayi ngekucindzetelwa, kodvwa usebente ngesihle.

kuFilemoni 1:14 Referencias Cruzadas

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

1 kubaseKorinthe 9:17

Ngobe nangabe loko ngikwenta ngekutsandza kwami, bengingabheka kubongwa; kepha nangabe kuphambene nentsandvo yami, kutawube kusho kutsi ngiphatsiswe nguNkulunkulu lomsebenti.

1 kubaseKorinthe 9:7

Likhona yini lisotja lelake laya emphini ngetalo tindleko? Ngubani lohlanyela sivini angabe asatidla titselo taso? Ngubani lowelusa umhlambi wetinkhomo kodvwa angete aludla lubisi lwato?

2 kubaseKorinthe 1:24

Asisho kutsi tsine sitikhulu etikwekukholwa kwenu, kodvwa sibambisene nani ekusebenteleni kujabula kwenu, ngobe nisimile ekukholweni.

2 kubaseKorinthe 8:12

Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.

2 kubaseKorinthe 9:5

Ngiko nje ngibone kufanele kutsi ngicele labazalwane bahambe embili bete lapho kini, batewulungisa lesipho lenisetsembisile, kuze kutsi sihlale sesilungile, hhayi ngekuphocelelwa, kodvwa ngesihle.

2 kubaseKorinthe 9:7

Lowo nalowo akatincumele yena enhlitiyweni yakhe kutsi utawunikela kangakanani, bese unikela ngekukhululeka, hhayi ngekusola nangekucindzetelwa. Nkulunkulu utsandza umuntfu lonikela ngenhlitiyo lemhlophe.