Kubase-Efesu 6:5 - Siswati 1996 Bible

⁵ Tisebenti, labangemakhosi enu ngekwelive, bahlonipheni ngekwesaba nangekutfutfumela; loko nikwente ngebucotfo benhlitiyo yenu, kungatsi nentela Khristu.

Kubase-Efesu 6:5 Referencias Cruzadas

Genesisi 16:9

Ingilosi yaSimakadze yatsi kuye: “Ncandzeka, buyela kuSarayi, umphatsi wakho, ufike utitfobe ngaphansi kwakhe.”

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

Tihlabelelo 123:2

Yebo, njengobe inceku yencike enkhosini yayo, nanjengobe umzanyana encike kumphatsi wakhe, natsi-ke sincike kuSimakadze, longuNkulunkulu wetfu, aze abe nesihawu kitsi.

Tihlabelelo 86:11

Ngifundzise indlela yakho, Simakadze, ngiyawuhamba ecinisweni lakho; yenta inhlitiyo yami ihlose intfo yinye: kutsi ilesabe libito lakho.

Malakhi 1:6

Simakadze Somandla utsi: “Indvodzana ihlonipha uyise, kantsi nesisebenti sihlonipha inkhosi yaso. Nangabe nginguyihlo, aningihloniphi leni? Nangabe ngiyinkhosi, aningihloniphi ngani? Ngini nine baphristi, lenedzelela Libito lami. “Kodvwa niyabuta nitsi: ‘Siledzelele kanjani Libito lakho?’

Matewu 6:22

“Sibane semtimba liso. Ngako-ke nangabe liso lakho liphilile, nemtimba wakho wonkhe uyakubasekukhanyeni.

Matewu 6:24

“Kute umuntfu longakhonta emakhosi lamabili; ngobe uyakutondza lenye, atsandze lenye; uyakwetsembeka kulenye ayedzelele lenye. Ungeke ukhonte Nkulunkulu nemcebo.

Matewu 8:9

Nami nginetiphatsimandla letingetulu kwami, nginemasotja langaphansi kwami; ngitsi kulelinye: ‘Hamba,’ lihambe; ngitsi kulelinye: ‘Wota la,’ lite; nencekwini yami ngitsi: ‘Yenta loku,’ ikwente.”

Imisebenti yebaPhostoli 2:46

Onkhe emalanga babecinisela njalo ekuhlanganeni ethempelini, banhlitiyonye, babevakashelana emakhaya, badle ndzawonye ngetinhlitiyo letijabulako naletitfobekile,

KubaseRoma 9:3

ngebazalwane bami labayingati yami ngekwebuve. Bengingafisa kutsi lokungenani ngibe ngulocalekisiwe nome ngisuswe kuKhristu kube loko bekungaba lusito kubo.

1 kubaseKorinthe 2:3

Ngangihleti nani nginebutsakatsaka nekwesaba nekutfutfumela lokukhulu.

1 kubaseKorinthe 7:22

Ngobe lowabitwa yiNkhosi asigcili, ungulokhululekile weNkhosi. Ngalokufananako, nalowo lowabitwa akhululekile, usigcili saKhristu.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

2 kubaseKorinthe 7:15

Inhlitiyo yakhe seyinamatsele kini, ngobe phela ukhumbula inhlonipho yenu, nekutsi namemukela ngekwesaba nangekutfutfumela.

Kubase-Efesu 5:22

Bafati, tfobelani emadvodza enu kungatsi kuseNkhosini.

Kubase-Efesu 6:24

Umusa awube nabo bonkhe labatsandza iNkhosi yetfu Jesu Khristu ngelutsandvo lolungapheli.

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

kuFilemoni 1:16

Manje akasabuyi njengesigcili, kodvwa sengumzalwane lotsandzekako. Njengobe angulotsandzeka kangaka kimi, kangakanani-ke kuwe! Phela sewuligugu kuwe, hhayi njengobe asigcili sakho kuphela, kodvwa njengemzalwane wakho eNkhosini.

Joshuwa 24:14

“Ngako yesabani Simakadze nimkhonte ngekwetsembeka konkhe. Balahleni bonkulunkulu bebakhontwa bokhokho benu ngesheya kweMfula, naseGibhithe, nikhonte Simakadze.

1 yaPhetro 3:2

nakabona similo senu lesimsulwa lesinekwesaba Nkulunkulu.