Kubase-Efesu 5:19 - Siswati 1996 Bible

¹⁹ Niphendvulane ngemahubo, nangemaculo, nangetingoma takaMoya; nihlabele nidvumise iNkhosi ngenhlitiyo yenu yonkhe.

Kubase-Efesu 5:19 Referencias Cruzadas

Tihlabelelo 147:7

Hlabelani kuSimakadze ngekubonga; dvumisani Nkulunkulu wetfu ngekushaya ihabhu.

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Tihlabelelo 86:12

Ngiyawukubonga, Simakadze, Nkulunkulu wami, ngikudvumise ngenhlitiyo yami yonkhe, ngidvumise libito lakho kuze kube phakadze.

Tihlabelelo 95:2

Asiye kuye ngekuhlabela, simbonge ngetibongo nangetingoma.

Isaya 65:14

Tinceku tami tiyawuhlabela ngenca yekujabula lokuphuma etinhlitiyweni tato; kodvwa nine niyawukhala ngenca yekudzabuka kwetinhlitiyo, nilile ngenca yekudzabuka kwemoya.

Matewu 15:8

“ ‘Lesive singidvumisa ngetindzebe temlomo, kepha inhlitiyo yaso ikhashane nami,’ kusho iNkhosi.

Matewu 26:30

Batsi sebacedze kuhlabela liculo lekubonga, baphuma baya eNtsabeni Yemincumo.

Imisebenti yebaPhostoli 16:25

Kwatsi ekhatsi nebusuku boPawula naSilasi bathandaza bahlabela tingoma tekudvumisa Nkulunkulu, tiboshwa letinye tatibalalele.

1 kubaseKorinthe 14:15

Pho, ngitakwenta njani? Ngitawukhuleka ngemoya nangengcondvo, ngihlabele ngekudvumisa ngemoya nangengcondvo.

1 kubaseKorinthe 14:26

Ngako-ke, bazalwane, nanibutsanele kukhonta, nibonikana ematfuba: Lomunye akacale liculo, lomunye afundzise, lomunye etfule sembulo, lomunye akhulume ngetilimi, lomunye atihumushe. Konkhe kwenteleni kutsi kwakheke libandla.

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

YaJakobe 5:13

Ukhona yini lohluphekako emkhatsini wenu? Akathandaze. Ukhona yini lojabulile? Akadvumise ngekuhlabela.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.