Kubase-Efesu 4:31 - Siswati 1996 Bible

³¹ Konkhe lokubabako, nelulaka, nekutfukutsela, nemsindvo, nekuhlambalata akususwe kini, kanye nako konkhe lokubi.

Kubase-Efesu 4:31 Referencias Cruzadas

Genesisi 27:41

Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 37:21

Rubeni watsi nakuva lokuvumelana kwabo, wetama kumsindzisa ngekutsi atsi: “Cha, asisumbulala.

Genesisi 37:4

Batsi kube bomnakabo babone kutsi uyise umtsandza kakhulu kunabo bonkhe, base bayamtondza loJosefa, kangangekutsi babengasamkhulumisi kahle.

Genesisi 4:8

Khayini wase utsi ku-Abela, umnakabo: “Asambe, siye etsafeni.” Batsi kube befike etsafeni, Khayini wesukela umnakabo, wambulala.

2 Samuweli 13:22

Absalomu akazange akhulume ngisho nalelilodvwa livi lelihle nome lelibi ku-Amnoni. Watondza Amnoni, ngobe abehlazise dzadzewabo longuThamari.

2 Samuweli 19:27

Safike sangicalela emanga enkhosini yami, kodvwa wena ufanana nengilosi yaNkulunkulu, ngako yenta loko lokubonakala kukuhle kuwe.

2 Samuweli 19:43

Emadvodza aka-Israyeli aphendvula lawa akaJuda atsi: “Tsine phela, tabelo tetfu telive tilishumi, ngako emalungelo etfu ekubanga inkhosi angetulu kwewenu. Manje-ke nisedzelelelani? Ningakhohlwa kutsi ngitsi lesaba bekucala kukhuluma ngekubuyiselwa kwenkhosi yetfu Davide.” Kodvwa emadvodza akaJuda aphendvula ngesikhahlo lesikhulu kakhulu kunalamadvodza aka-Israyeli.

Tihlabelelo 101:5

Lowo lohleba makhelwane wakhe emasitseleni mine ngiyawumcitsa. Lowo lonemehlo lachoshile nenhlitiyo letigcabhako angihambisani naye.

Tihlabelelo 140:11

Shangatsi labo labacambela labanye emanga, bangete baphumelela. Shangatsi bubi bungahlasela tidlova.

Tihlabelelo 15:3

Akahlebi ngelulwimi lwakhe. Akabanyembenyi labanye bantfu, akamhlazisi namakhelwane wakhe.

Tihlabelelo 37:8

Tibambe ungatfukutseli, uluyekele lulaka, ungacansuki, ngobe loko kubanga kona.

Tihlabelelo 50:20

Uhlala ngekuhleba umnakenu, unyembenye indvodzana yenyoko.

Tihlabelelo 64:3

labalola lulwimi lwabo lolukhaliphisa kwenkemba, bajijimete ngemavi abo langimicibisholo,

Taga 10:12

Inzondo ibanga kucabana; kodvwa lutsandvo lusibekela tonkhe tono.

Taga 10:18

Umuntfu lofihla inzondo yakhe unemanga, nalowo lowandzisa emanga usilima.

Taga 14:17

Umuntfu lonenhlitiyo lencane wenta tintfo letibulima; kodvwa lonesineke uyabeketela.

Taga 18:8

Emavi enhlebo afanana nemtsamo wekudla lokumnandzi; ehla kamnandzi afinyelele ngekhatsi etibilinini temuntfu.

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Taga 25:23

Njengobe umoya wasenyakatfo uletsa imvula, kanjalo nenhlebo iletsa kutfukutsela.

Taga 26:20

Ngaphandle kwetinkhuni umlilo uyacima; yebo, nangaphandle kwenhlebo incabano iyaphela.

Taga 29:22

Umuntfu losheshe atfuketsele ususa lutfutfuva; yebo, umuntfu lonenhlitiyo lencane ubanga tono letinyenti.

Taga 29:9

Nangabe umuntfu lohlakaniphile amangalela silima, lesilima sisuke sihleke setfuke ngenhlamba.

Taga 6:19

nafakazi lotfulula emanga, nemuntfu locabanisa bazalwane.

Umshumayeli 7:9

Ungasheshi ucansuke emoyeni wakho, ngobe intfukutselo ihlala esifubeni sesilima.

Jeremiya 6:28

Bonkhe babonhloko ayivutfwa, nebahlubuki, bahambe bahlambalata. Balukhuni balitfusi nensimbi, bonakele bonkhe ngetento tabo letimbi.

Jeremiya 9:4

“Caphelani bangani benu; ningabetsembi banakenu. Ngobe bonkhe bomnakenu banemanga, nabo bonkhe bangani bayayengana.

Imisebenti yebaPhostoli 21:30

Kwaba nesiphitsiphitsi kulo lonkhe lelidolobha, bantfu bagijimela ndzawonye babamba Pawula bamhudvulela ngephandle kwelithempeli, masinyane iminyango yavalwa.

KubaseRoma 3:14

Imilomo yabo igcwele ticalekiso nebutsi.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

1 kubaseKorinthe 5:8

Ngako-ke asigubhe umkhosi wetfu, hhayi ngembiliso lendzala yekushinga nebubi, kodvwa ngesinkhwa lesite imbiliso, lesinebucotfo neliciniso.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

KubaseGalathiya 5:20

nekukhonta tithico, nekutsakatsa, nebutsa, nenkhani, nemona, nelulaka, nekubanga, nekwehlukana, nekuhlubuka,

Kubase-Efesu 4:22

Khumulani umuntfu lomdzala wesimilo sakucala, lose onakala ngetinkhanuko tenkhohliso,

Kubase-Efesu 4:25

Ngako-ke lahlani emanga, akube ngulowo nalowo akhulume liciniso kumzalwane wakhe, ngobe sonkhe singemalunga lomunye kulomunye emtimbeni munye.

Kubase-Efesu 4:26

Tfukutselani, kodvwa ningoni; lilanga lingashoni solomane nitfukutsele.

KubaseKholose 3:19

Madvodza, tsandzani bafati benu, ningabacansukeli.

KubaseKholose 3:8

Kepha manje kulahleni konkhe: kutfukutsela, nelulaka, nenzondo, nekuhlambalata, nekukhuluma emahlazo.

1 kuThimothi 3:11

Kanjalo futsi nalabasikati bafanele kuzitsa, bangahlebi, batitsibe, betsembeke kuko konkhe.

1 kuThimothi 3:3

lengesiso sidzakwa, lengatitsatseli etulu tintfo, kodvwa lemnene, lengenalo luchweba, lengayitsandzi imali.

1 kuThimothi 5:13

Ngetulu kwaloko bafundza buvila ngekutfunga imiti, bangagcini ngebuvila kuphela, kodvwa babuye bahlebe, bangene kulokungesiko kwabo, bakhulume nalokungakafaneli.

2 kuThimothi 2:23

Kodvwa ungakunaki kuphikisana kwebulima lokungenasisekelo, ngobe uyati nawe kutsi kubanga kucabana.

2 kuThimothi 3:3

babete lutsandvo, bangatsetselelani. Bayawuba tinyoka, bangatitsibi, babe nebulwane, batondze lokuhle,

kuThithusi 1:7

Umholi, njengobe asisebenti saNkulunkulu, kufanele angasoleki, angatigcabhi, abete lulaka, angabi sidzakwa, abete luchweba, futsi angahaleli inzuzo ngebubi.

kuThithusi 2:3

Kanjalo nabomake labadzala ubayale kutsi bahlonipheke ngesimilo, bangabi tinhlebi nome tigcili tekudzakwa, kufanele babe bafundzisi balokulungile.

YaJakobe 1:19

Bazalwane bami labatsandzekako, khumbulani naku: Ngulowo nalowo muntfu akasheshe kuva, ephute kukhuluma, ephute nekutfukutsela;

YaJakobe 3:14

Kepha naninemona lobabako, nembango etinhlitiyweni tenu, ningatigabatisi; ngobe ngaloko liciniso nilenta emanga.

YaJakobe 4:11

Bazalwane, ningahlebani. Lowo lohleba umzalwane nome ehlulele umzalwane wakhe, uhleba umtsetfo ehlulele umtsetfo. Nangabe wehlulela umtsetfo, awusiye umenti wemtsetfo, kodvwa ungumehluleli wawo.

1 yaPhetro 2:1

Ngako lahlani bonkhe bubi, nebucili bonkhe, nekutentisa, nemona, nako konkhe kuhleba.

1 yaJohane 3:12

Singabi njengaKhayini labe waLomubi, wabulala umnakabo. Wambulalelani-ke? Wambulala, ngobe imisebenti yakhe yayimibi, kantsi lena ya-Abela, umnakabo, yayilungile.

1 yaJohane 3:15

Umuntfu lotondza umzalwane ungumbulali, nani-ke niyati kutsi kute umuntfu longumbulali lonekuphila lokuphakadze.

Sembulo 12:10

Ngeva livi lelikhulu ezulwini litsi: “Nyalo insindziso, nemandla, nebukhosi sekwaNkulunkulu wetfu, neligunya selaKhristu wakhe; ngobe sewulahlelwe phansi ummangaleli lomangalela bazalwane betfu kuNkulunkulu, imini nebusuku.