Kubase-Efesu 4:26 - Siswati 1996 Bible

²⁶ Tfukutselani, kodvwa ningoni; lilanga lingashoni solomane nitfukutsele.

Kubase-Efesu 4:26 Referencias Cruzadas

Tihlabelelo 37:8

Tibambe ungatfukutseli, uluyekele lulaka, ungacansuki, ngobe loko kubanga kona.

Tihlabelelo 4:4

Nanitfukutsele ningoni, cabangisisani nisathulile etinhlitiyweni tenu, nisacambalele emacansini enu. Cabanga.

Eksodusi 11:8

Mosi wephetsa inkhulumo yakhe ngekutsi: “Tonkhe tiphatsimandla takho tiyawukuta tikhotsame embikwami, tingincenge titsi: ‘Wena, nalabantfu labakulandzelako, hambani la.’ Emvakwaloko-ke ngiyawuvele ngihambe.” Mosi waphuma atfukutsele abila, washiya Faro.

Taga 14:29

Umuntfu lowephuta kutfukutsela unekucondza lokukhulu; kodvwa umuntfu lonenhlitiyo lencane utibonakalisa kutsi usilima.

Taga 19:11

Umuntfu lonekucondza uyakubamba kutfukutsela kwakhe; nangabe umuntfu amkhuba, kuba ludvumo kuye kumtsetselela.

Taga 25:23

Njengobe umoya wasenyakatfo uletsa imvula, kanjalo nenhlebo iletsa kutfukutsela.

Umshumayeli 7:9

Ungasheshi ucansuke emoyeni wakho, ngobe intfukutselo ihlala esifubeni sesilima.

Numeri 20:24

“Aroni sewutakuya kulabafile bakubo, ngako akasoze angene eveni lengilinike ema-Israyeli, ngobe nine nobabili aningihloniphanga ngasemantini aseMeribha.

Matewu 5:22

Kepha mine ngitsi kini: Lowo lotfukutselela umnakabo, uyawulahlwa licala; nalowo lowetfuka umnakabo, uyakuba nelicala emtsetfweni; nalowo lotsi kumnakabo: ‘Silima,’ uyawufanelwa ngumlilo wesihogo.

Makho 10:14

Kodvwa watsi kube akubone loko Jesu, watfukutsela watsi kubo: “Vumelani bantfwana bete kimi, ningabavimbeli, ngobe umbuso waNkulunkulu walabanjalo.

Makho 3:5

Wabatsi cala cala, acansukile, wadzabuka ngobe tinhlitiyo tabo tatilukhuni, tinenkhani, wase utsi kulomuntfu: “Yelula sandla sakho!” Waselula, saphila.

Dutheronomi 24:15

Uyakumkhokhela wonkhe umholo wakhe onkhe emalanga lingakashoni lilanga, ngobe phela weswele, naye wetsembe kusebentisa wona. Ngaphandle kwaloko uyawukhala ngawe kuSimakadze, bese uba nelicala lesono.

YaJakobe 1:19

Bazalwane bami labatsandzekako, khumbulani naku: Ngulowo nalowo muntfu akasheshe kuva, ephute kukhuluma, ephute nekutfukutsela;

YaJakobe 1:20

ngobe lulaka lwemuntfu alukwenti kulunga lokungukona kwemukeleka kuNkulunkulu.

1 Samuweli 20:34

Jonathani wasukuma lapho ekudleni asatfukutsele abila; ngalelo langa lesibili kuleyo nyanga akazange adle, ngobe abekhutjwe nguyise ngekuphatsa kabi Davide.