Kubase-Efesu 4:13 - Siswati 1996 Bible

¹³ size sifinyelele sonkhe ebunyeni bekukholwa, nasekuyatini iNdvodzana yaNkulunkulu, ebudvodzeni lobuphelele kuKhristu.

Kubase-Efesu 4:13 Referencias Cruzadas

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Zefaniya 3:9

“Tindzebe tetive ngiyawube sengiyatihlambulula-ke, kuze kutsi bonkhe lababite libito laSimakadze, bacela lusito kuye, bamkhonte bahlangene lihlombe ngelihlombe.

Zakhariya 14:9

Simakadze uyawuba yinkhosi emhlabeni wonkhe. Ngalelo langa kuyawuba naSimakadze munye, Libito lakhe kube Libito lakhe kuphela.

Matewu 11:27

“Konkhe ngikuphiwa nguBabe, kute loyatiko iNdvodzana ngaphandle kweYise, kantsi futsi kute lomatiko uYise ngaphandle kweNdvodzana nalowo iNdvodzana letsandza kumembulela yena.

Johane 1:16

Ngobe ekupheleleni kwakhe sonkhe saphiwa umusa etikwemusa.

Johane 16:3

Bayawukwenta konkhe loku, ngobe bangamati Babe, nami bangangati.

Johane 17:21

Ngithandazela kutsi babe munye bonkhe, njengaloku wena, Babe, ukimi, nami ngikuwe, kuze kutsi nabo babe kitsi, khona live litawukholwa kutsi ngitfunywe nguwe.

Johane 17:3

Kuphila lokuphakadze nguloku: kutsi bakwati wena, Nkulunkulu longuye yedvwa weliciniso, bamati naJesu Khristu lomtfumile.

Johane 6:69

Nyalo sesiyati, futsi siyakholwa, kutsi wena unguLongcwele waNkulunkulu.”

Imisebenti yebaPhostoli 4:32

Lesicumbi semakholwa sasimcondvo munye nanhlitiyo yinye. Akekho labetsi kwakhe ngekwakhe yedvwa, kodvwa bonkhe benetisana ngako konkhe labebanako.

1 kubaseKorinthe 1:10

Bazalwane bami labatsandzekako, ngiyanincenga ngelibito leNkhosi yetfu Jesu Khristu kutsi nivumelane ngantfo yinye nonkhe; kubete kwehlukana emkhatsini wenu, kodvwa nipheleliswe emcondvweni munye nasembonweni munye.

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

1 kubaseKorinthe 2:6

Kodvwa sikhuluma inhlakanipho kubantfu lasebakhulile eNkhosini. Kepha lenhlakanipho akusiyo yalesikhatsi nome yebabusi lababhubhako balesikhatsi.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

KubaseGalathiya 4:19

Bantfwabami, nginemhelo ngani, kuyawudzimate kwakheke Khristu kini.

Kubase-Efesu 1:17

Nkulunkulu weNkhosi yetfu Jesu Khristu, uYise lonebukhosi, aniphe umoya wekuhlakanipha nekwembulelwa ekumatini Yena.

Kubase-Efesu 1:23

Libandla lingumtimba waKhristu, lokuphelela kwakhe kuphelelisa konkhe kuko konkhe.

Kubase-Efesu 2:15

Umtsetfo, nemiyalo, nemisimeto wakucitsa khona atewudala kabusha labo lababili: umJuda newetive, babe ngumuntfu munye kuye, kube kuthula.

Kubase-Efesu 4:12

Loko wakwentela kutsi labangcwele bahlonyiselwe umsebenti wabo wekukhonta, kuze kwakheke umtimba waKhristu,

Kubase-Efesu 4:3

Nibokukhutsalela kugcina bunye baMoya ngesibopho sekuthula.

Kubase-Efesu 4:5

Yinye iNkhosi, kunye kukholwa, munye umbhabhatiso;

KubaseFiliphi 3:10

Lengikufunako kutsi ngimati yena, nemandla ekuvuka kwakhe, nekuhlanganyela etinhluphekweni takhe, ngimfute ngekufa kwakhe,

KubaseFiliphi 3:8

Yebo, konkhe ngikushaya lite ngebukhulu bekumati Khristu Jesu iNkhosi yami, lengilahlekelwe ngiko konkhe ngenca yakhe. Ngikushaya tibi, kuze ngizuze Khristu,

KubaseKholose 1:28

Nguye lesimshumayelako, seluleka bonkhe bantfu, sifundzisa bonkhe bantfu ngekuhlakanipha konkhe, kuze sikwati kumisa bonkhe bantfu baphelele kuKhristu Jesu.

KubaseKholose 2:2

Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.

KumaHebheru 5:14

Kudla lokucinile kwebantfu lasebakhulile, lasebanemicondvo lehlutekile, leseyikwati kwehlukanisa lokuhle nalokubi.

2 yaPhetro 1:4

Ngaleyo ndlela siphiwe tetsembiso letiligugu naletikhulukati, kuze kutsi ngato nibe nenhlanganyelo nesimo sebuNkulunkulu, niphunyule ekubhujisweni kwelive lese lokheleke etinkhanukweni.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.