Kubase-Efesu 2:3 - Siswati 1996 Bible

³ Empeleni sonkhe sasinjengabo, sasiphila ngetinkhanuko tenyama yetfu, senta intsandvo yenyama neyengcondvo yetfu. Ngekwemvelo yetfu sasifanelwe lulaka lwaNkulunkulu njengabo bonkhe bantfu.

Kubase-Efesu 2:3 Referencias Cruzadas

Genesisi 5:3

Kwatsi Adamu asaneminyaka leli-130, watala indvodzana leyamfuta, yafanana naye; wayetsa libito watsi nguSethi.

Genesisi 6:5

Simakadze wabona kutsi kukhulu kona kwemuntfu emhlabeni, nekutsi yonkhe imizindlo nemicabango yenhlitiyo yakhe mibi ngaso sonkhe sikhatsi.

Genesisi 8:21

Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

Jobe 14:4

Ngubani longakhipha lokuhlantekile kulokungakahlanteki? Kute!

Jobe 25:4

Pho, umuntfu angaba ngulolungile kanjani kuNkulunkulu? Umuntfu lotelwe ngumfati angaba ngulohlantekile kanjani?

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Makho 4:19

kepha kunaka tintfo tasemhlabeni nekujabulela umcebo, nekukhangwa nguletinye tintfo letinyenti kubangene, kuliminyetele livi, bangabe basatsela titselo.

Johane 1:13

Abazange batalwe ngengati, nangenyama, nangentsandvo yendvodza, kodvwa batalwa nguNkulunkulu.

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

Imisebenti yebaPhostoli 14:16

Ngesikhatsi lesendlulile watiyekela tonkhe tive tatihambela ngetindlela tato.

KubaseRoma 1:24

Ngako-ke Nkulunkulu ubayekelele etinkhanukweni tetinhlitiyo tabo, emanyaleni nasekungcolisaneni imitimba yabo.

KubaseRoma 11:30

Empeleni nine animlalelanga Nkulunkulu, kodvwa nyalo senemukeliswe sihawu ngenca yekungamlaleli kwebaka-Israyeli.

KubaseRoma 13:14

kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.

KubaseRoma 2:14

Ngekwemvelo betive bate umtsetfo, kodvwa nabatentela loko lokufunwa ngumtsetfo, kungumtsetfo kubo, nome bate umtsetfo.

KubaseRoma 5:10

Ngobe nangabe kwatsi sisetitsa satfola kubuyisana naNkulunkulu ngekufa kweNdvodzana yakhe, kakhulu kanganani-ke nase sibuyisene naye siyawusindziswa ngekuphila kwayo.

KubaseRoma 5:9

Sesentiwe ngengati yaJesu semukeleka kuNkulunkulu kutsi silungile, ngetulu kwaloko siyawusindziswa ngaye elulakeni lwaNkulunkulu.

KubaseRoma 6:12

Ngako-ke ningasivumeli sono kutsi siphindze siyibuse lemitimba yenu lebhubhako. Ningabobe nisatilandzela ngisho netinkhanuko temitimba yenu.

KubaseRoma 7:18

Ngobe ngiyati kutsi kute lokulungile lokuhlala kimi, ngisho emtimbeni wami; nome sifiso sikhona kimi sekwenta lokulungile, kodvwa ngite emandla ekukwenta.

KubaseRoma 9:22

Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

1 kubaseKorinthe 4:7

Vele kambe ngubani lokwenta ube ncono kunalabanye? Yini lonayo longazange uyiphiwe? Nangabe-ke waphiwa, utigabatiselani wente shangatsi awuzange uphiwe?

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

KubaseGalathiya 3:22

Kodvwa umBhalo utsi bonkhe bantfu bangephansi kwemandla esono, kuze kutsi loko lokwetsenjiswa ekukholweni nguKhristu Jesu kuniketwe labakholwako.

Kubase-Efesu 2:2

lebenikadze nihamba kuto ngekwendlela yalomhlaba, ngekwembusi wemandla emkhatsi, umoya losasebenta kubantfu labangalaleli Nkulunkulu.

Kubase-Efesu 4:22

Khumulani umuntfu lomdzala wesimilo sakucala, lose onakala ngetinkhanuko tenkhohliso,

KubaseKholose 1:21

Nani-ke benikadze nikhashane naNkulunkulu nititsa takhe ngemicabango nangemisebenti yenu lemibi.

1 kubaseThesalonika 4:13

Asitsandzi, bazalwane, kutsi ningete nati ngalabo labafile, kuze ningadzabuki njengalabo labate litsemba.

1 kubaseThesalonika 5:6

Ngako-ke, asingalali njengalabanye; kufanele silindze sizitse.

1 kuThimothi 6:9

Kodvwa labo labafisa bunjinga bawela ekulingweni, naselugibeni, nasetinkhanukweni letinyenti tebulima, naletiyingoti letigcumukisela bantfu ekufeni nasekubhujisweni.

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.

1 yaPhetro 1:14

Lalelani Nkulunkulu njengebantfwana bakhe, ningabuswa tinkhanuko tenu letatinibusa nisengakati lutfo ngekukholwa nguJesu Khristu.

2 yaPhetro 2:14

Emehlo abo agcwele buphingi, anamatsele esonweni; baholela labo lababutsakatsaka elugibeni; tinhlitiyo tabo tetayele bukhali. Bangaphansi kwesicalekiso.

2 yaPhetro 2:18

Bakhuluma emagama lalite, bayenge ngetinkhanuko nangemanyala labo labasandza kuphunyula kulabedukako.

1 yaJohane 2:16

Ngobe konkhe lokuseveni, kuyinkhanuko yenyama, nenkhanuko yemehlo, nekutigabatisa lokulite ngetintfo takulomhlaba. Konkhe loku akuveli kuBabe, kodvwa kwelive.

1 yaJohane 2:8

Noko nginibhalela umyalo lomusha, buciniso bawo lobubonakala kuJesu nakini, ngobe bumnyama buyendlula nekukhanya lokunguko sibili sekuvele kuyakhanya.