Kubase-Efesu 1:6 - Siswati 1996 Bible

⁶ Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.

Kubase-Efesu 1:6 Referencias Cruzadas

Tihlabelelo 22:20

Sindzisa umphefumulo wami enkembeni, nekuphila kwami lokuligugu ukwephule emlonyeni wetinja.

Tihlabelelo 60:5

Sisindzise ngesandla sakho sekudla, usiphendvule, kuze labatsandzekako bakho bakhululwe.

Taga 16:4

Konkhe Simakadze lakwentile kunesiphetfo sako, ngisho nalomubi umentele lilanga lakhe lekubhujiswa.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 43:21

sive lengatibumbela sona, kuze sitewumemetela ludvumo lwami.”

Isaya 61:11

Ngobe njengaloku nemhlaba uhlumisa emahlumela, nengadze ihlumisa inhlanyelo ikhule, kanjalo-ke neNkhosi Simakadze iyawuhlumisa kulunga neludvumo, kuhlume embikwato tonkhe tive.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Levithikusi 15:15

Umphristi kufanele anikele lelinye libe ngumnikelo wesono, leli lelinye libe ngumhlatjelo wekushiswa. Ngaleyo ndlela umphristi uyakwentela leyo ndvodza inhlawulo yekubuyisana kuSimakadze ngekuvutisa kwayo.

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Matewu 20:9

Kutsite natifika leti teli-awa lesihlanu entsambama, watiholela denariyo munye sisinye.

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Johane 10:17

“Ngaloko-ke Babe uyangitsandza, ngobe ngidzela kuphila kwami khona ngitawubuya ngikutsatse futsi.

Johane 3:35

UYise uyayitsandza iNdvodzana, waniketa konkhe etandleni tayo.

KubaseRoma 8:1

Sekute kulahlwa kulabo labakuKhristu Jesu.

2 kubaseKorinthe 4:15

Ngobe konkhe loko kwentelwa nine, kuze kutsi umusa usenabela kubantfu labanyenti, kwandziswe kubonga kwabo, kube ludvumo kuNkulunkulu.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

Kubase-Efesu 1:12

Tsine lesetsemba kuKhristu kucala sakhetselwa kutsi siphilele kudvumisa bukhosi baNkulunkulu.

Kubase-Efesu 1:14

Yena usibambiso selifa leliyawuba letfu ngesikhatsi Nkulunkulu ahlenga lokukwakhe, kube ludvumo lwebukhosi bakhe.

Kubase-Efesu 1:18

Akakhanyise emehlo etinhlitiyo tenu, kuze nati lokulitsemba lanibitela kulo, nekutsi buhle kanganani bukhosi belifa lakhe kubo labangcwele,

Kubase-Efesu 2:7

kuze kutsi etikhatsini letitako abonakalise kitsi ingcebo lenkhulu yemusa wakhe ngekusiphatsa ngebubele ngaKhristu Jesu.

KubaseFiliphi 1:11

Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

KubaseFiliphi 4:19

Nkulunkulu wami utawuhlangabetana nako konkhe kweswela kwenu, kuye ngemcebo webukhosi bakhe lobukuKhristu Jesu.

KubaseKholose 1:13

Wasikhulula emandleni ebumnyama, wasibeka embusweni weNdvodzana yakhe letsandzekako.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

1 yaPhetro 4:11

Nangabe umuntfu akhuluma, akakhulume ngekwemavi aNkulunkulu; nangabe umuntfu akhonta, akakhonte ngemandla lawanikwa nguNkulunkulu, kuze kutsi kuko konkhe kudvunyiswe Nkulunkulu ngaJesu Khristu, lekukuye bukhosi nemandla phakadze naphakadze. Amen.