Kubase-Efesu 1:3 - Siswati 1996 Bible

³ Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

Kubase-Efesu 1:3 Referencias Cruzadas

Genesisi 14:20

Akabongwe Nkulunkulu Losetikwako Konkhe lonikete letitsa takho entsendzeni yesandla sakho.” Abrama wanika Melkhisedeki kwelishumi kwako konkhe.

Genesisi 22:18

Tive tonkhe temhlaba tiyawubusiswa ngetitukulwane takho, ngobe ulalele livi lami.’ ”

1 Tikhronike 29:20

Davide wachubeka wakhuluma kulesive, watsi: “Dvumisani Simakadze Nkulunkulu wenu.” Ngako sonkhe sive sadvumisa Simakadze, Nkulunkulu waboyisemkhulu; baguca bakhotsamisa tinhloko tabo embikwaSimakadze nenkhosi.

1 Tikhronike 4:10

Jabesi wakhala kuNkulunkulu wema-Israyeli, watsi: “Ngicela ungibusise ungandzisele live lami! Shangatsi sandla sakho singaba nami, ungiphephise engotini, khona ngitewukhululeka ebuhlungwini.” Nkulunkulu wamupha loko labekucelile.

2 Tikhronike 31:8

BoHezekiya netiphatsimandla takhe batsi nabefika bakhandza letindvundvuma, babonga Simakadze, base babusisa nesive sakhe ema-Israyeli.

Nehemiya 9:5

LamaLevi lekwakuboJeshuwa, naKhadmiyeli, naBani, naHashabneya, naSherebiya, naHodiya, naShebaniya kanye naPhethahiya bakhuluma batsi: “Sukumani nidvumise Simakadze Nkulunkulu wenu kusukela phakadze kuze kube nguphakadze. Alidvunyiswe Libito lakhe lelikhatimulako, Libito lelaphakanyiswa laba ngetulu kwato tonkhe tindvumiso netibongo.”

Tihlabelelo 134:3

Shangatsi Simakadze anganibusisa aseSiyoni, yena lowadala lizulu nemhlaba.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Tihlabelelo 72:19

Alibongwe libito lakhe lenkhatimulo, libongwe kuze kube phakadze, shangatsi umhlaba wonkhe ungagcwala inkhatimulo yakhe. Amen! Yebo, Amen!

Isaya 61:9

Titukulwane tabo tiyakwatiwa emkhatsini wetive, nentalelwane yabo emkhatsini wetive. Bonkhe labababonako bayawuvuma kutsi basive lesibusiswe nguSimakadze.”

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.

Lukha 2:28

Simeyoni wamtsatsa wamgona lomntfwana, wase ubonga Nkulunkulu utsi:

Johane 14:20

Ngalelo langa nine niyakwati kutsi ngikuBabe nekutsi nine nikimi, njengobe nami ngikini.

Johane 17:21

Ngithandazela kutsi babe munye bonkhe, njengaloku wena, Babe, ukimi, nami ngikuwe, kuze kutsi nabo babe kitsi, khona live litawukholwa kutsi ngitfunywe nguwe.

Johane 20:17

Jesu watsi: “Ungangitsintsi, ngobe ngisengakenyukeli kuBabe, kodvwa hamba uye kubazalwane bami ubatjele kutsi sengiyenyuka ngibuyela kuye longuBabe wami neYihlo, Nkulunkulu wami naNkulunkulu wenu.”

KubaseRoma 12:5

kanjalo-ke, natsi sibanyenti nje singumtimba munye kuKhristu, sititfo letehlukene lesinye kulesinye.

KubaseRoma 15:6

kuze kutsi nonkhe ngalivi linye nidvumise Nkulunkulu longuYise weNkhosi yetfu Jesu Khristu.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

1 kubaseKorinthe 12:12

Njengobe nemtimba umunye, kepha unetitfo letinyenti, naloku titinyenti nje, kodvwa tingumtimba munye, unjalo-ke naKhristu.

2 kubaseKorinthe 1:3

Akabongwe Nkulunkulu uYise weNkhosi yetfu Jesu Khristu, longuYise wemusa. Yebo, akabongwe Nkulunkulu longumtfombo wayo yonkhe indvudvuto.

2 kubaseKorinthe 11:31

Nkulunkulu neYise weNkhosi Jesu, yena lofanele kudvunyiswa phakadze naphakadze, uyati kutsi angicali wona emanga.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KubaseGalathiya 3:9

Ngako-ke labakholwako babusiswe kanye na-Abrahama lowakholwa.

Kubase-Efesu 1:10

Wakubona kufanele kutsi lelisu alifeze ngesikhatsi lesingiso ngekutsi indalo yonkhe yalokusemhlabeni nalokusezulwini ayihlanganisele ndzawonye ngaJesu Khristu loyinhloko yako konkhe.

Kubase-Efesu 1:17

Nkulunkulu weNkhosi yetfu Jesu Khristu, uYise lonebukhosi, aniphe umoya wekuhlakanipha nekwembulelwa ekumatini Yena.

Kubase-Efesu 1:20

Lamandla lamakhulu wawasebentisa nakavusa Khristu kulabafile, amhlalisa ngesekudla sakhe ezulwini,

Kubase-Efesu 2:6

Wasivusa kanye naKhristu Jesu, wabuye wasihlalisa kanye naye sikuye, embusweni welizulu,

Kubase-Efesu 3:10

kuze babusi nalabanemandla emazulwini batiswe nyalo ngelibandla kuhlakanipha lokukhulu kwaNkulunkulu.

Kubase-Efesu 6:12

Ngobe asilwi nebantfu, kodvwa silwa netikhulu temimoya, nemandla, nebabusi bendalo yalobumnyama, nemabutfo abomoya lababi labasemkhatsini.

KubaseFiliphi 2:11

netilimi tonkhe tivume kutsi Jesu Khristu uyiNkhosi, kube ludvumo kuNkulunkulu longuYise.

KumaHebheru 8:5

Bona bakhontela kuloko lokungumfanekiso nesitfunti saloko lokunguko sibili kwasezulwini, ngobe ngesikhatsi Mosi asatakwakha lithende lekuhlangana, Nkulunkulu wamyala watsi: “Ucaphele kutsi konkhe ukwente ngaleyo ndlela lowakhonjiswa yona entsabeni.”

KumaHebheru 9:23

Kuyakhanya-ke kutsi nguleto tintfo kuphela letatingumfutiselo wetasezulwini letatingahlanjululwa ngaleyo ndlela. Kodvwa tintfo tasezulwini tidzinga imihlatjelo lencono kunalena.

1 yaPhetro 1:3

Akabongwe Nkulunkulu, longuYise weNkhosi yetfu Jesu Khristu, lowasitala kabusha ngemusa wakhe lomkhulu, kuze sibe nelitsemba leliphilako ngekuvuswa kwaJesu Khristu kulabafile.