KubaseRoma 9:32 - Siswati 1996 Bible

³² Ngani-ke? Ngobe kulunga abazange bakufune ngekukholwa, kodvwa benta sengatsi kutfolakala ngekutsi bakusebentele. Bakhubeka, bakhutjwa litje lesikhubekiso,

KubaseRoma 9:32 Referencias Cruzadas

Isaya 8:14

Nguye loyawuba siphephelo senu; kodvwa kuto totimbili tindlu tema-Israyeli uyawuba litje leliyawukhuba bantfu nelidvwala leliyawubenta bawe. Kubantfu baseJerusalema uyawuba lugibe nasochaka.

Isaya 8:15

“Labanyenti babo bayawukhubatela; bayakuwa bephuke nekwephuka, bayakwetsiywa baze babanjwe.”

Matewu 13:57

Bakhubeka ngaye. Kepha Jesu watsi: “Umprofethi uhlonishwa nome kukuphi, ngaphandle kwasendzaweni yakubo, nakubantfu bakubo.”

Lukha 2:34

Simeyoni wababusisa, wase utsi kuMariya, unina: “Lalela, lomntfwana ukhetfwe nguNkulunkulu kutsi abe kuwa nekuvuka kwalabanyenti esiveni sema-Israyeli, uyawuba luphawu loluphikiswa ngulabanyenti,

Lukha 7:23

Maye, ubusisiwe lowo longangabati ngami!”

KubaseRoma 10:3

Ngobe ngekungakwati kahle kulunga lokuvela kuNkulunkulu, bafuna kutimisela lokungekwabo kulunga, abazange batinikele ngekutfobeka ekulungeni kwaNkulunkulu.

KubaseRoma 11:11

Sengiyabuta-ke ngitsi: EmaJuda, nakakhutjwa, awa aphela yini? Cha, akazange. Kodvwa ngekona kwawo insindziso yase ifika nakubetive, kuze nemaJuda avukelwe sikhwele ngayo.

KubaseRoma 4:16

Ngako-ke setsembiso semukelwa ngekukholwa, khona konkhe kuyawuba ngemusa waNkulunkulu, ngaleyo ndlela-ke setsembiso siphiwe wonkhe umuntfu loyintalo ya-Abrahama. Lentalo ya-Abrahama-ke akusibo labo labagcina umtsetfo nje kuphela, kodvwa ngibo nalabo labakholwa njengaye. Abrahama ungubabe wetfu sonkhe,

1 kubaseKorinthe 1:23

Kodvwa tsine sishumayela Khristu abetselwe esiphambanweni, losikhubekiso kumaJuda nebulima kubetive.

1 yaPhetro 2:6

Ngobe umBhalo utsi: “Ase nibuke, ngibeka eSiyoni litje lekusimisa indlu, lelikhetsiwe, naleliligugu. Lowo lokholwa kulo, angeke ajabhiswe.”

1 yaPhetro 2:8

Kulenye indzawo utsi: “Leli litje leliyawukhuba bantfu, lidvwala lekubawisa.” Nembala bayakhutjwa labo labangalilaleli livi; vele bamiselwe kona loko.