KubaseRoma 9:30 - Siswati 1996 Bible

³⁰ Pho, siyawutsini-ke? Betive labangazange bakufune kulungelana naNkulunkulu noko sebakunikwe ngekukholwa kwabo.

KubaseRoma 9:30 Referencias Cruzadas

Taga 15:9

Simakadze uyayitondza indlela yekutiphatsa kwalomubi; kodvwa uyamtsandza lowo lohlose kwenta lokulungile.

Taga 21:21

Umuntfu lowetama kutiphatsa ngekulunga nangekwetsembeka, uyawuphila imphilo lehloniphekile.

Isaya 51:1

“Lalelani kimi, nine lenifunisisa kulunga, nalenifuna Simakadze: Bukani kulelo dvwala lenacetulwa kulo nakuleyo nkwali lenacotwa kuyo,

KubaseRoma 10:10

Ngobe umuntfu uyakholwa ngenhlitiyo entiwe emukeleke kuNkulunkulu kutsi ulungile, avume ngemlomo wakhe kube kusindziswa kwakhe.

KubaseRoma 10:20

Na-Isaya waba nesibindzi nakamemetela livi laNkulunkulu atsi: “Ngatfolwa ngulabo lababengakangifuni, ngatibonakalisa kulabo lababengakangiceli.”

KubaseRoma 10:6

Kodvwa ngekulunga kwekukholwa utsi: “Ungasho enhlitiyweni yakho utsi: ‘Ngubani-ke lotakwenyukela ezulwini?’ ” Loko kusho kwehlisa Khristu.

KubaseRoma 3:5

Kodvwa kunjani nangabe kwenta kwetfu lokungakalungi kusita ekubonakaliseni ngalokukhanyako kwenta kwaNkulunkulu lokulungile? Singatsini? Singatsi Nkulunkulu akenti kahle ngekusijezisa? Ngikhuluma njengemuntfu.

KubaseRoma 4:11

Wasoka muva, lokusoka kwaba luphawu lwekucinisa kutsi ngenca yekukholwa kwa-Abrahama Nkulunkulu abesamemukele ngekutsi ulungile, ngaphambi kwekutsi asoke. Ngako-ke Abrahama waba nguyise wabo bonkhe labakholwa nguNkulunkulu bese bemukelwa nguye kutsi balungile, nome bangakasoki.

KubaseRoma 4:13

Setsembiso sekutsi uyawuba yindlalifa yemhlaba asinikwanga Abrahama nome situkulwane sakhe ngobe agcine umtsetfo, kodvwa ngobe wakholwa wase wemukelwa nguNkulunkulu kutsi ulungile.

KubaseRoma 4:22

Ngiko nje ngekukholwa kwakhe: “Nkulunkulu wamemukela ngekutsi ulungile.”

KubaseRoma 4:9

Kambe ngabe lokubusiseka kwalabasokile bodvwana yini? Cha, kwabo nalabangakasoki. Ngobe sitsatsa ngekutsi: “Abrahama wakholwa nguNkulunkulu, ngenca yekukholwa kwakhe Nkulunkulu wamemukela kutsi ulungile.”

KubaseRoma 5:1

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu.

KubaseRoma 9:14

Pho, siyawutsini-ke? Sitsi kukhona yini lokungakalungi kuNkulunkulu? Cha, kute.

KubaseRoma 9:31

Kepha baka-Israyeli lababetihlupha bafuna kulunga ngekwenta lokufunwa ngumtsetfo, noko abazange bakhone kuwugcina umtsetfo.

KubaseGalathiya 2:16

Siyati kutsi imisebenti yemtsetfo layentako umuntfu ingeke imente emukeleke kuNkulunkulu kutsi ulungile, kepha umuntfu wemukeleka kuNkulunkulu kutsi ulungile ngekukholwa kwakhe nguKhristu Jesu. Natsi-ke sakholwa nguKhristu Jesu, sentiwa semukeleka kuNkulunkulu kutsi silungile ngaloko kukholwa kwetfu nguKhristu, hhayi ngekwenta loko lokufunwa ngumtsetfo. Empeleni kute umuntfu lowemukeleka kuNkulunkulu kutsi ulungile ngobe ente imisebenti yemtsetfo.

KubaseGalathiya 3:24

Ngako-ke umtsetfo wasebenta njengemcondzisi wetfu wekusiyisa kuKhristu, kuze sibe ngulabemukeleka kuNkulunkulu kutsi silungile ngekukholwa kwetfu.

KubaseGalathiya 3:8

UmBhalo wakubona kucala kutsi Nkulunkulu nebetive uyawubalungisisa ngekukholwa; ngiwo lowashumayela liVangeli kucala ku-Abrahama watsi: “Tive tonkhe tiyawubusiswa ngawe.”

KubaseGalathiya 5:5

Tsine-ke sinelitsemba kutsi sitakwemukeleka kuNkulunkulu kutsi silungile, loko sikulindzele ngemandla aMoya Longcwele losebenta ngekukholwa.

Kubase-Efesu 2:12

Nikhumbule nekutsi ngaleto tikhatsi benehlukanisiwe naKhristu, ningephandle kwembuso waka-Israyeli, nitihambi letite sabelo etivumelwaneni tesetsembiso, nite litsemba, nite naNkulunkulu emhlabeni.

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

KumaHebheru 11:7

Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

1 yaPhetro 4:3

Ngobe lesikhatsi lesendlulile besenele kutsi nente lokutsandvwa ngemahedeni ngekuphila ngemanyala, nangetinkhanuko, nangekudzakwa, nangekumita, nangemsindvo, nangekukhonta tithico lokungakavumeleki.