KubaseRoma 9:20 - Siswati 1996 Bible

²⁰ Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”

KubaseRoma 9:20 Referencias Cruzadas

2 Samuweli 16:10

Inkhosi yaphendvula yatsi: “Ningenelana ngani nami, nine madvodzana aSeruya? Nangabe acalekisa, ngobe kushito Simakadze kutsi akangicalekise, ngubani lonelilungelo lekumbuta atsi: ‘Ukwentelani loku?’ ”

Jobe 16:3

Kantsi akasanawuphela yini lamavi enu langumoya? Nine nihlushwa yini kangako, kutsi seningalibala kuphikisana nje ngelite?

Jobe 33:13

Manje-ke, ukhononelani kuye, ube utsi akawaphendvuli emavi emuntfu?

Jobe 36:23

Ukhona yini lowake watjela Nkulunkulu kutsi kufanele enteni, nome-ke atsi: ‘Wonile’?

Jobe 40:2

“Lona lophikisana naSomandla angamkhombisa yini indlela? Lowo lobeka Nkulunkulu licala akamphendvule!”

Jobe 40:5

Ngakhuluma kanye, kodvwa angisenamphendvulo, kabili, kodvwa angisenakusho lutfo.”

Jobe 40:8

“Ungakukhombisa yini kungalungi kwami? Ungangilahla yini ngelicala mine, khona utetitfola ungenacala wena?

Jobe 9:32

“Nkulunkulu akasiye umuntfu njengami kutsi bengingaze ngiphendvulane naye, nekutsi bengingabukana naye buso nebuso enkhundleni.

Isaya 10:15

Lizembe liyatiphakamisa yini lona, libe ngetulu kwalowo lolijikitisako? Lona lisaha liyamhhongela yini lolisebentisako? Kube shangatsi umzaca bewungamjikitisa lowo lowuphetse nome sagila singamjikitisa lowo longesiso sigodvo!

Isaya 29:16

Niguculela tintfo, liphansi libheke etulu, nente shangatsi ngumbumbi longuyena afanana nelibumba! Loko lokwentiwe, kungasho yini kulomenti wako kutsi: “Akazange asangente mine”? Ludziwo lungasho yini kumbumbi walo kutsi: “Akati lutfo loyo”?

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Jeremiya 18:6

“Awu, wenandlu yaka-Israyeli, ngingete ngenta yini kini njengaloku kwenta lombumbi?” kusho Simakadze. “Njengelibumba etandleni tembumbi, ninjalo nani esandleni sami, ninendlu yaka-Israyeli.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Matewu 20:15

Kantsi angikavumeleki yini kwenta lengikutsandzako ngalokukwami? Nome unemona ngekutsi ngiyephana?’

Lukha 12:14

Kodvwa wamphendvula watsi: “Ndvodza, ngubani losangente umehluleli nemenetisi kini?”

KubaseRoma 14:4

Ungubani wena kutsi ungehlulela sisebenti salomunye? Kuma nekuwa kwaso kwenkhosi yaso; kodvwa siyakuma ngobe iNkhosi inemandla ekusimisa.

KubaseRoma 2:1

Ngako-ke ngeke utilandvulele, wena muntfu-ndzini, nome ngabe ungubani wena lowehlulelako; ngobe ngekwehlulela lomunye utilahla wena, ngobe nawe lowehlulelako uyakwenta kona loko.

KubaseRoma 2:3

Kodvwa wena muntfu-ndzini, wenta loko nawe lowehlulela ngako labanye bantfu! Ucabanga kutsi uyawuphepha yini ekwahlulelweni kwaNkulunkulu?

KubaseRoma 9:21

Empeleni, umbumbi ute yini lilungelo lekusebentisa libumba ngekutsandza kwakhe, nekutsi ente titja letimbili ngasinye sigadla selibumba, lesinye setikhatsi letitsite, lesinye sekusetjentiswa nje nome kunini?

KubaseRoma 9:22

Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

1 kubaseKorinthe 1:20

Siphi sihlakaniphi? Siphi sati semtsetfo? Uphi umphikisi walesikhatsi? Nkulunkulu akakwenti bulima yini kuhlakanipha kwalelive?

1 kubaseKorinthe 7:16

Wena mfati, wati ngani kutsi utayisindzisa indvodza yakho? Wena ndvodza, wati ngani kutsi utamsindzisa umkakho?

1 kuThimothi 6:5

nemsindvo wembango longapheli webantfu labanengcondvo leyonakele, futsi labemukwe neliciniso, bacabange kutsi kwesaba Nkulunkulu yindlela yenzuzo.

2 kuThimothi 2:20

Endlini lenkhulu akuhlali titja tegolide netesiliva kuphela, kodvwa kukhona netelugodvo, netelibumba. Letinye tihloniphekile, letinye tekusetjentiswa nje nome kunini.

kuThithusi 2:9

Uyale netisebenti kutsi titfobele baphatsi bato kuko konkhe, tibenelise, tingaphikisani nabo inkhani.

YaJakobe 2:20

Wena silima-ndzini, uyafuna yini kukhonjiswa kutsi kukholwa lokungenamisebenti kulite?