KubaseRoma 8:37 - Siswati 1996 Bible

³⁷ Kepha kuko konkhe loku siyancoba nekuncoba ngaye lowasitsandza.

KubaseRoma 8:37 Referencias Cruzadas

Isaya 25:8

amite kufa phakadze naphakadze. Somandla longuSimakadze uyawukwesula tinyembeti kubo bonkhe buso; uyawususa lihlazo lesive sakhe emhlabeni wonkhe. Simakadze sewukhulumile.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

KubaseRoma 8:35

Pho, ngubani-ke longasehlukanisa nelutsandvo lwaKhristu: kuhlupheka nome bulukhuni, nome kutingelwa, nome yindlala, nome kuhlubula, nome yingoti, nome kufa?

1 kubaseKorinthe 15:54

Nangabe loko lokubolako sekwembetse kungaboli, naloku lokufako sekwembetse kungafi, kutawube sekugcwaliseke livi lelibhaliwe lelitsi: “Kufa kumitwe kuncoba.”

1 kubaseKorinthe 15:57

Kodvwa akabongwe Nkulunkulu losinika kuncoba ngeNkhosi yetfu Jesu Khristu.

2 kubaseKorinthe 12:19

Beningacabangi yini kutsi sonkhe lesikhatsi besitivikela kini? Batsandzekako, konkhe loku besikukhuluma kuKhristu embikwaNkulunkulu, kuze nitekwakheka.

2 kubaseKorinthe 12:9

Kodvwa iNkhosi yatsi kimi: “Umusa wami ukwanele wena, ngobe emandla ami abonakaliswa aphelele ebutsakatsakeni.” Ngako-ke ngitawutigabatisa kakhulu ngebutsakatsaka bami, kuze phela emandla aKhristu atewuhlala kimi.

2 kubaseKorinthe 2:14

Kodvwa akabongwe Nkulunkulu losihola njalo eludvwendvweni lwekuncoba ngaKhristu. Nkulunkulu usebentisa tsine kutsi etindzaweni tonkhe avakalise liphunga lelimnandzi lekumati Khristu.

KubaseGalathiya 2:20

ngako-ke mine angisaphili, kodvwa nguKhristu lophila kimi. Nalemphilo lengiyiphilako kulomtimba, ngiyiphila ngekukholwa yiNdvodzana yaNkulunkulu leyangitsandza yatinikela yona matfupha esikhundleni sami.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

2 kubaseThesalonika 2:16

Shangatsi Jesu Khristu iNkhosi yetfu matfupha, naNkulunkulu, longuBabe lowasitsandza, kwatsi ngemusa wakhe wasikhutsata ngendvudvuto yaphakadze, wasipha nelitsemba lelihle,

1 yaJohane 4:10

Ngulolo-ke lutsandvo, hhayi kutsi ngitsi lesatsandza Nkulunkulu, kepha kutsi nguye lowasitsandza, wadzimate watfumela iNdvodzana yakhe kutsi ibe yinhlawulo yetono tetfu.

1 yaJohane 4:19

Tsine sitsandza, ngobe kwacala yena wasitsandza.

1 yaJohane 4:4

Bantfwabami, nine nibaNkulunkulu, senibehlulile baphrofethi bemanga, ngobe lowo lokini mkhulu kunalowo losemhlabeni.

YaJuda 1:24

Kuye lonemandla ekunigcina, ningete nakhubeka, kuze aniletse ebukhosini bakhe, nite licala, nitfokota kakhulu,

Sembulo 1:5

nakuJesu Khristu, fakazi lowetsembekile, litubulo lalabafile nembusi wemakhosi onkhe emhlaba. Kuye, lositsandzako nalowasikhulula etonweni tetfu ngengati yakhe,

Sembulo 12:11

Bamehlule ngengati yeliWundlu nangelivi lebufakazi babo, ngobe abakutsandzanga kuphila kwabo kwaze kwabasekufeni.

Sembulo 17:14

Ayawulwa neliWundlu; kodvwa liyakuwehlula, ngobe liyiNkhosi yemakhosi neMbusi webabusi. Liyawuwancoba likanye nalababitiwe balo, labakhetsiwe nalabetsembekile.”

Sembulo 21:7

Lowo loncobako uyawudla lifa lato tonkhe letintfo: Mine ngiyawuba nguNkulunkulu wakhe, yena abe yindvodzana yami.

Sembulo 3:9

Lalela la, labo labalisinagoge laSathane, labatsi bangemaJuda babe bangesiwo, bacala emanga, ngitawubenta bete bakhotsame etinyaweni takho, baze babone kutsi wena ngikutsandzile.