KubaseRoma 8:11 - Siswati 1996 Bible

¹¹ Kodvwa nangabe Moya waNkulunkulu lowavusa Jesu kulabafile, ahlala kini, lowo lowavusa Khristu Jesu kulabafile uyawuphindze aninike kuphila emitimbeni yenu lebhubhako niphile ngebukhona baMoya wakhe lohlala kini.

KubaseRoma 8:11 Referencias Cruzadas

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Hezekeli 37:14

Ngiyawufaka Moya wami kini, bese niyaphila, ngiyawunihlalisa eveni lenu. Lapho-ke niyawube seniyati kutsi mine Simakadze sengikhulumile, futsi sengikwentile, kusho Simakadze.’ ”

Johane 14:17

yena unguMoya weliciniso, live lelingeke limemukele, ngobe lingamboni futsi lingamati. Kodvwa nine niyamati, ngobe uhlala nani, futsi uyawuhlala kini.

Johane 5:21

Njengobe uYise avusa labafile baphile, nayo-ke iNdvodzana iyabaphilisa labo letsandza kutsi baphile.

Imisebenti yebaPhostoli 2:24

Kodvwa Nkulunkulu wamvusa kulabafile; wamkhulula etinhlungwini tekufa, ngobe kwakungeke kwenteke kutsi kufa kumbambe.

KubaseRoma 16:10

Hambisani Apelesi lotsembekile kuKhristu. Nihambise nalabo lababendlu ya-Aristobulusi.

KubaseRoma 16:3

Hambisani boPhrisila na-Akhwila, labasebentela Khristu Jesu kanye nami,

KubaseRoma 16:7

Hambisani Andronikhusi naJuniyasi, tihlobo tami letatisejele kanye nami. Bona babalulekile kubaphostoli, baba ngemaKhristu kucala kunami.

KubaseRoma 16:9

Hambisani Ubhanusi, losebentela Khristu Jesu kanye nami; hambisani nalotsandzekako wami Stakhusi.

KubaseRoma 6:12

Ngako-ke ningasivumeli sono kutsi siphindze siyibuse lemitimba yenu lebhubhako. Ningabobe nisatilandzela ngisho netinkhanuko temitimba yenu.

KubaseRoma 8:1

Sekute kulahlwa kulabo labakuKhristu Jesu.

KubaseRoma 8:12

Ngako-ke, bazalwane, asisekho sidzingo sekutsi siphile ngekwemvelo yenyama yetfu leyonakele.

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

KubaseRoma 8:9

Kepha nine anibuswa yinyama, kodvwa nibuswa nguMoya, nangabe phela Moya waNkulunkulu ahlala kini. Umuntfu longenaye Moya waKhristu, akasiye waKhristu.

1 kubaseKorinthe 15:16

Ngobe nangabe labafile abavuswa, kusho kutsi naKhristu akavuswanga-ke.

1 kubaseKorinthe 6:14

Nkulunkulu wayivusa iNkhosi, natsi uyawusivusa ngemandla akhe.

2 kubaseKorinthe 4:11

Ngobe tsine, nome sisaphila, sinikelwa mihla le ekufeni, ngenca yaJesu, kuze kutsi nekuphila kwakhe kubonakaliswe emitimbeni yetfu lefako.

2 kubaseKorinthe 4:14

sati kutsi yena lowo Nkulunkulu lowavusa iNkhosi Jesu, natsi uyawusivusa kanye naJesu asetfule kanye nani kuye.

2 kubaseKorinthe 5:4

Ngobe nasisekulo lelidlangala lelingumtimba wetfu, siyabubula sikhale ngaphansi kwemtfwalo. Asifuni kuwushiya lomtimba lomdzala, kodvwa sifuna kwemukela kuphephela kulomusha, kuze kutsi loko lokubhubhako kumitwe kuphila.

KubaseGalathiya 6:8

Ngobe lowo lohlanyela enyameni yakhe, uyawuvuna kubola kuyo; kodvwa lohlanyela kuMoya waNkulunkulu, uyawuvuna kuphila lokuphakadze kulowo Moya.

Kubase-Efesu 2:5

nome sase sifile ngetiphambuko tetfu, wasiphilisa kanye naKhristu. Nisindziswe ngemusa waNkulunkulu.

KubaseFiliphi 3:21

Nguye loyawugucula simo sebuphansi bemtimba wetfu, ufane nemtimba wakhe wenkhatimulo, ngemandla akhe langahlela ngawo konkhe ngephansi kwakhe.

KumaHebheru 13:20

Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,

1 yaPhetro 1:21

Ngaye loKhristu nakholwa kuNkulunkulu, lowamvusa kulabafile, wamnika bukhosi, kuze kutsi nibheke kuNkulunkulu ngelitsemba nangekukholwa.

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.

Sembulo 1:18

nalophilako. Ngafa, kodvwa ase ubheke nyalo, sengiyaphila, kuze kube phakadze, futsi nginetikhiya tekufa neteHayidesi.

Sembulo 11:11

Kodvwa emvakwemalanga lamatsatfu nesigamu umoya wekuphila lophuma kuNkulunkulu wangena kubo, basukuma, bema ngetinyawo; bonkhe labakubona loku befikelwa kwesaba lokukhulu.