KubaseRoma 7:9 - Siswati 1996 Bible

⁹ Nami matfupha ngase ngaphila ngaphandle kwemtsetfo; kodvwa kwatsi kube kufike umyalo, sono savuka indlwabane,

KubaseRoma 7:9 Referencias Cruzadas

Tihlabelelo 40:12

Ngitungeletwe tinhlupheko letinyenti, licala lekona lingigabhe kangangekutsi angisaboni nekubona. Letinhlupheko tinyenti tendlula tinwele tenhloko yami, sengilahlekelwe litsemba.

Matewu 19:20

Lelijaha laphendvula latsi: “Konkhe loku ngikugcinile, manje yini lesasele?”

Lukha 15:29

yamphendvula yatsi: ‘Kodvwa, babe, mine yonkhe leminyaka bengihleti nawe ngikusebentela. Angizange sengephule namunye umyalo wakho, kodvwa awuzange sewunginike nangalinye lilanga ngisho nelizinyane nje, kutsi nami ngitijabulise kanye nebangani bami.

Lukha 18:21

Lendvodza yaphendvula yatsi: “Yonkhe lemiyalo ngayenta kusukela ebuncaneni bami.”

KubaseRoma 10:5

Macondzana nekulunga lokutfolakala ngekugcina umtsetfo Mosi wabhala watsi: “Umuntfu lowenta lokufunwa ngumtsetfo uyawuphila ngako.”

KubaseRoma 7:10

ngase ngiyafa, lomyalo lowawufanele kuba kuphila wagucuka waba kufa kimi.

KubaseRoma 7:11

Ngobe sono senelela kutfola litfuba ngekusebenta ngemyalo sangikhohlisa sangibulala ngawo.

KubaseRoma 7:4

Kunjalo-ke nakini, bazalwane bami; nani-ke senifile kuwo umtsetfo, ngobe niyincenye yemtimba waKhristu; nyalo senibakhe lowo lowavuswa ekufeni kuze tsine sitewutselela Nkulunkulu titselo.

KubaseRoma 7:6

Noko, nyalo, sesikhululekile ekubeni ngaphansi kwemtsetfo, ngobe safa sehlukana naloko kwakusente tiboshwa, asisakhonti ngendlela lendzala yekwenta lokufunwa ngumtsetfo lobhaliwe, kodvwa sikhonta ngendlela lensha yaMoya.

KubaseRoma 7:8

Kodvwa sono satfola litfuba ngemyalo, kwavuka kufisa konkhe kimi. Ngobe ngaphandle kwemtsetfo sono sifile.

KubaseRoma 8:7

Ngako-ke labanaka kwenyama batitsa kuNkulunkulu, ngobe abawutfobeli umtsetfo waNkulunkulu; empeleni bate emandla ekuwutfobela.

KubaseGalathiya 2:19

Ngobe mine ngekwami ngafa ngemtsetfo emtsetfweni, kuze ngiphilele Nkulunkulu. Ngibetselwe kanye naKhristu;

KubaseGalathiya 3:10

Bonkhe labetsembele ekwenteni lokufunwa ngumtsetfo bangephansi kwesicalekiso, ngobe kubhaliwe kutsi: “Bacalekisiwe bonkhe labangagcini konkhe lokubhaliwe emculwini wemtsetfo, kutsi bakwente.”