KubaseRoma 6:4 - Siswati 1996 Bible

⁴ Ngako-ke ngekubhajatiswa kwetfu sangcwatjwa kanye naye, kuze kutsi njengobe Khristu avuswa kulabafile ngemandla ebukhosi baBabe, kanjalo-ke natsi singayiphila imphilo lensha.

KubaseRoma 6:4 Referencias Cruzadas

Johane 11:40

Jesu watsi kuye: “Angikakutjeli yini kutsi nawukholwa utawubona inkhatimulo yaNkulunkulu?”

Johane 2:11

Jesu wenta lesibonakaliso sakhe sekucala eKhana laseGalile, wabonakalisa bukhosi bakhe, bafundzi bakhe bakholwa nguye.

Imisebenti yebaPhostoli 2:24

Kodvwa Nkulunkulu wamvusa kulabafile; wamkhulula etinhlungwini tekufa, ngobe kwakungeke kwenteke kutsi kufa kumbambe.

Imisebenti yebaPhostoli 2:32

“Yena loJesu, Nkulunkulu wamvusa ekufeni, sonkhe sibofakazi balendzaba.

KubaseRoma 6:19

Ase ngikhulumise kwemuntfu ngenca yebutsakatsaka bebuntfu benu, ngitsi: Njengaloku nake natinikela ngalokuphelele kutsi nibe tigcili temanyala nekukhohlakala lokukhulu, kanjalo-ke namanje tinikeleni kutsi nibe tigcili tekulunga kube kungcweliswa kwenu.

KubaseRoma 6:3

Kantsi anati yini kutsi tsine sonkhe lesabhajatiselwa kuKhristu Jesu, sabhajatiselwa ekufeni kwakhe?

KubaseRoma 6:8

Siyakholwa kutsi nasife naKhristu siyawuphila kanye naye.

KubaseRoma 6:9

Siyati nekutsi Khristu wavuswa kulabafile, angeke aphindze afe; nekufa sekute emandla etikwakhe.

KubaseRoma 7:6

Noko, nyalo, sesikhululekile ekubeni ngaphansi kwemtsetfo, ngobe safa sehlukana naloko kwakusente tiboshwa, asisakhonti ngendlela lendzala yekwenta lokufunwa ngumtsetfo lobhaliwe, kodvwa sikhonta ngendlela lensha yaMoya.

KubaseRoma 8:11

Kodvwa nangabe Moya waNkulunkulu lowavusa Jesu kulabafile, ahlala kini, lowo lowavusa Khristu Jesu kulabafile uyawuphindze aninike kuphila emitimbeni yenu lebhubhako niphile ngebukhona baMoya wakhe lohlala kini.

1 kubaseKorinthe 6:14

Nkulunkulu wayivusa iNkhosi, natsi uyawusivusa ngemandla akhe.

2 kubaseKorinthe 13:4

Ngobe wabetselwa ebutsakatsakeni, kodvwa sewuphila ngemandla aNkulunkulu. Sibutsakatsaka kuye, kodvwa sitawuphila kanye naye ngemandla aNkulunkulu, kuze sikwati kunisita.

2 kubaseKorinthe 5:17

Ngako-ke nangabe umuntfu akuKhristu, usidalwa lesisha; tintfo letindzala setendlulile, konkhe sekwentiwe kwaba kusha.

Kubase-Efesu 4:17

Ngako-ke ngiyasho, ngifakaza eNkhosini ngitsi, ningabe nisahamba njengalabanye betive labanemicondvo lengacabangi.

Kubase-Efesu 5:8

Ngobe kucala nanibumnyama, kepha nyalo senikukhanya eNkhosini. Hambani njengebantfwana bekukhanya.

KubaseKholose 3:10

Manje senembetse umuntfu lomusha, kuze nihlale nakhiwa kabusha, nifute Nkulunkulu, nimati ngalokuphelele.

KubaseKholose 4:1

Makhosi, tiphatseni kahle nangalokulungile tisebenti tenu, nikhumbule kutsi nani nineNkhosi lesezulwini.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

1 yaJohane 2:6

Wonkhe umuntfu lotsi uhlala kuye, kufanele ahambe ngaleyo ndlela Khristu lahamba ngayo.