KubaseRoma 4:17 - Siswati 1996 Bible

¹⁷ njengobe kubhaliwe kutsi: “Ngikukhetsele kutsi ube nguyise wetive letinyenti.” Lesetsembiso wasemukela kuNkulunkulu labemetsemba; lowo-ke nguNkulunkulu lovusa labagfile baphile. Nguye lokhuluma bese kuba khona lokungazange sekube khona.

KubaseRoma 4:17 Referencias Cruzadas

Genesisi 17:16

Ngiyawumbusisa, ngikunike indvodzana ngaye. Ngiyawumbusisa, abe ngunina wetive. Kuyawuvela kuye emakhosi etive.”

Genesisi 17:20

Ngisivile sicelo sakho nga-Ishmayeli. Naye ngitambusisa ngimente achume andze kakhulu. Utawuba nguyise wetikhulu letili-12, ngimente abe sive lesikhulu.

Genesisi 28:3

Shangatsi Nkulunkulu Somandla angakubusisa akuchumise, akwandzise, udzimate ube tive letinyenti.

Isaya 43:6

Ngiyawukhuluma nenyakatfo ngitsi: ‘Bakhulule,’ neningizimu ngikhulume kuyo ngitsi: ‘Ungabagodli.’ Buyisani emadvodzana ami kusukela khashane, nemadvodzakati ami kusukela emikhawulweni yemhlaba,

Isaya 44:7

Ngubani-ke lofanana nami? Lowo akakumemetele. Akakumemetele, akubeke embikwami, loko lokwentekile kusukela ngasungula sive sami sakadzenidzeni, naloko lokuseta, yebo, akasho kucala phela kutsi kutakwentekani.

Isaya 48:13

Tandla tami tatibeka tisekelo temhlaba. Sandla sami sangesekudla sawendlala emazulu; nangikubita, kuyavela konkhe kanyekanye.

Isaya 49:12

Buka la: Bayawuchamuka khashane, labanye enyakatfo, labanye enshonalanga, labanye etigodzini taseSinimu.”

Isaya 51:2

bukani ku-Abrahama, uyihlo, nibuke nakuSara lowanitala. Ngesikhatsi nangimbita abesemunye kuphela, ngambusisa, ngamenta waba mnyenti.

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Matewu 3:9

Ningatiyengi nje nitsi: ‘Sinaye Abrahama longubabe wetfu,’ ngobe ngiyanitjela ngitsi: Nkulunkulu angamvusela Abrahama bantfwana kulamatje.

Johane 5:21

Njengobe uYise avusa labafile baphile, nayo-ke iNdvodzana iyabaphilisa labo letsandza kutsi baphile.

Johane 5:25

Ngicinisile, ngicinisile, ngitsi kini: Sikhatsi siyeta, nanyalo sesifikile lapho labafile bayawuliva livi leNdvodzana yaNkulunkulu, nalabo labalivako bayawuphila.

Johane 6:63

Lokunika imphilo nguMoya; inyama ayinamsebenti; emavi lengiwakhuluma kini anguMoya, futsi akuphila.

Imisebenti yebaPhostoli 15:18

kwateke kusukela emandvulweni.’ ”

KubaseRoma 3:29

Empeleni Nkulunkulu ngabe unguNkulunkulu wemaJuda kuphela yini? Akasiye yini futsi Nkulunkulu webetive? Vele, unguNkulunkulu newebetive,

KubaseRoma 4:18

Abrahama wakholwa, wetsemba, kungekho tsemba, ngako wase uba “nguyise wetive letinyenti”, njengobe umBhalo utsi: “Titukulwane takho tiyawuba ngaka.”

KubaseRoma 4:2

Nangabe Abrahama emukelwa nguNkulunkulu kutsi ulungile ngenca yemisebenti yakhe, angaba nako kutigabatisa. Kodvwa ngeke atigabatise embikwaNkulunkulu.

KubaseRoma 8:11

Kodvwa nangabe Moya waNkulunkulu lowavusa Jesu kulabafile, ahlala kini, lowo lowavusa Khristu Jesu kulabafile uyawuphindze aninike kuphila emitimbeni yenu lebhubhako niphile ngebukhona baMoya wakhe lohlala kini.

KubaseRoma 9:11

Injongo yaNkulunkulu yekukhetsanchanti ayigucuki. Kwatsi lamaphahla angakatalwa, asengakenti lutfo lokulungile nalokungakalungi,

KubaseRoma 9:26

Nakuleyo ndzawo, lapho batjelwa khona kutsi: ‘Anisibo bantfu bami,’ bayawubitwa ngekutsi: ‘Ngemadvodzana aNkulunkulu lophilako.’ ”

1 kubaseKorinthe 1:28

Nkulunkulu wakhetsa lokubukeleka phansi nalokwedzelelekile emhlabeni; wakhetsa netintfo letingekho, khona atewucitsa letikhona,

1 kubaseKorinthe 15:45

Kanjalo futsi kubhaliwe kutsi: “Umuntfu wekucala Adamu waba ngumuntfu lophilako;” Adamu wekugcina waba nguMoya lonika kuphila.

1 kuThimothi 6:13

Ngikuyala embikwaNkulunkulu lophilisa konkhe, nasembikwaKhristu Jesu lowavuma sivumo lesihle embikwaPhontiyuse Philatu,

KumaHebheru 11:12

Nome Abrahama bese kufanana nekutsi ufile ngebudzala, noko kuye yedvwa nje kwatalwa titukulwane letinyenti letingangetinkhanyeti tesibhakabhaka, nangangesihlabatsi saselugwini lwelwandle lesingenawubalwa.

KumaHebheru 11:3

Ngekukholwa sicondza kutsi Nkulunkulu wadala indalo yonkhe ngelivi lakhe, kwaze kwatsi loko lokubonakalako kwavela kulokungabonakali.

KumaHebheru 11:7

Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

1 yaPhetro 2:10

Nine naningesiso sive, kodvwa nyalo senisive saNkulunkulu. Nake naba ngaphandle kwemusa, kepha nyalo seniwemukele.

2 yaPhetro 3:8

Kepha, batsandzekako, ningakhohlwa kutsi lilanga lilinye eNkhosini lingangeminyaka leyinkhulungwane, nekutsi iminyaka leyinkhulungwane ingangelilanga linye.