KubaseRoma 3:4 - Siswati 1996 Bible

⁴ Cha, akusho loko. Nkulunkulu wetsembekile, nome bonkhe bantfu bangaba nemanga, njengobe kubhaliwe kutsi: “Kukhuluma kwakho kuyabonakalisa kutsi uneliciniso; nawubekwa licala, utfolakala umsulwa.”

KubaseRoma 3:4 Referencias Cruzadas

Jobe 36:3

Lwati lwami ngilulomba khashane kabi, ngitawubonakalisa kutsi Nkulunkulu, uMdali wami, ulungile.

Jobe 40:8

“Ungakukhombisa yini kungalungi kwami? Ungangilahla yini ngelicala mine, khona utetitfola ungenacala wena?

Tihlabelelo 100:5

Ngobe Simakadze muhle, umusa wakhe uhlala umile kuze kube nguphakadze naphakadze; nekwetsembeka kwakhe kuhlala kumile titukulwane ngetitukulwane.

Tihlabelelo 116:11

Ngajabha, ngadzimate ngatsi: “Bonkhe bantfu banemanga!”

Tihlabelelo 119:160

Umgomo welivi lakho liciniso sibili; tonkhe timiso takho letilungile tiyawuma kuze kube phakadze.

Tihlabelelo 138:2

Ngiyawukhuleka embikwelithempeli lakho lelingcwele, ngibonge libito lakho ngenca yemusa wakho nekwetsembeka kwakho. Ngobe libito lakho nelivi lakho uliphakamisele ngetulu kwako konkhe.

Tihlabelelo 51:4

Ngonile kuwe, wena wedvwa, ngente lokunengekako emehlweni akho; ngako kwehlulela kwakho kumsulwa, nekungilahla kwakho ngelicala kulungile.

Tihlabelelo 62:9

Bantfukatana bafanana nemoya nje, tikhulu nato tilite lelite. Nome bafakwa esikalini kanyekanye, balula kunemoya.

Mikha 7:20

Kwetsembeka nemusa wakho utakukhombisa sive sakho lekutitukulwane ta-Abrahama naJakobe, njengobe wetsembisa ngekufunga kubokhokho betfu endvulo.

Matewu 11:19

INdvodzana yeMuntfu yona yefika, yadla yanatsa, base batsi: ‘Ase nibheke, nansi indvodza! Simiti nemnatsi weliwayini, kantsi futsi ungumngani webatselisi netoni!’ Noko, kuhlakanipha kwaNkulunkulu kubonakala kuliciniso ngemiphumela yako.”

Lukha 20:16

Wachubeka watsi: “Uyawubuya atibulale leticashi ayinike labanye lensimi.” Nabakuva loko bantfu, base batsi: “Cha, empeleni akungabi njalo!”

Johane 3:33

Lowemukela bufakazi bakhe ulubekile luphawu lwekutsi: Nkulunkulu ucinisile.

KubaseRoma 11:1

Sengiyabuta-ke, ngitsi: Nkulunkulu wasilahla yini sive sakhe? Cha, akazange! Nami matfupha ngingum-Israyeli, situkulwane sa-Abrahama, ngiwesive saBhenjamini.

KubaseRoma 11:11

Sengiyabuta-ke ngitsi: EmaJuda, nakakhutjwa, awa aphela yini? Cha, akazange. Kodvwa ngekona kwawo insindziso yase ifika nakubetive, kuze nemaJuda avukelwe sikhwele ngayo.

KubaseRoma 3:31

Pho, siyawulahla yini umtsetfo ngalokukholwa? Cha, asiwulahli, esikhundleni saloko siyawusekela umtsetfo.

KubaseRoma 6:15

Pho-ke, sitakona yini, ngobe singekho ngaphansi kwemtsetfo, singaphansi kwemusa? Cha, ngeke.

KubaseRoma 6:2

Cha, akungabi njalo. Tsine lesesafa sehlukana nesono, pho, singachubeka kanjani siphile kuso?

KubaseRoma 7:13

Pho, loko lokuhle kwaletsa kufa yini kimi? Cha, akuzange. Loko kwentiwa sono, ngobe ngekusebentisa lokuhle sangiletsela kufa, khona kutekwembuleka sono kutsi sisono. Ngobe ngemyalo sono sibonakaliswa sisono kakhulu.

KubaseRoma 7:7

Pho, siyawutsini-ke? Sitakutsi umtsetfo usono? Cha, awusiso. Kodvwa-ke sono ngabe angizange ngisati kutsi siyini kube akufikanga umtsetfo. Ngabe angizange sengati nekutsi kuyini kona kufisa kube umtsetfo awuzange usho kutsi: “Ungafisi.”

KubaseRoma 9:14

Pho, siyawutsini-ke? Sitsi kukhona yini lokungakalungi kuNkulunkulu? Cha, kute.

1 kubaseKorinthe 6:15

Anati yini kutsi imitimba yenu ititfo taKhristu? Pho, ngingatsatsa titfo taKhristu ngitente titfo tengwadla nome tesiphingi? Cha, ngeke!

2 kubaseKorinthe 1:18

Njengobe Nkulunkulu etsembekile, nemavi etfu kini akasiye “Yebo” na “Cha.”

KubaseGalathiya 2:17

Nangabe tsine sifuna kwemukeleka kuNkulunkulu kutsi silungile ngaKhristu tsine ngekwetfu sibe sitfolakala sitoni, ngabe kambe naKhristu usikhonti sesono yini? Cha, akasiso.

KubaseGalathiya 2:21

Angiwenti lite umusa waNkulunkulu; ngobe nangabe kulunga kutfolakala ngekwenta lokufunwa ngumtsetfo, kusho kutsi Khristu wafela lite.

KubaseGalathiya 6:14

Kodvwa akube khashane nami kutigabatisa ngaphandle kwesiphambano seNkhosi yetfu Jesu Khristu; ngesiphambano sakhe live lifile kimi, nami ngifile kulo.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

kuThithusi 1:2

Futsi ngitfunyelwe nekubaholela etsembeni lekuphila lokuphakadze, lekwatsi umhlaba ungakasekelwa kwetsenjiswa nguNkulunkulu longawacali emanga.

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.

1 yaJohane 5:10

Nome ngubani lokholwa yiNdvodzana yaNkulunkulu, unebufakazi kuye; kodvwa umuntfu longakholwa kuNkulunkulu, umente localemanga, ngobe angakholwa ebufakazini lobubekwe nguNkulunkulu ngeNdvodzana yakhe.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi: