KubaseRoma 3:31 - Siswati 1996 Bible

³¹ Pho, siyawulahla yini umtsetfo ngalokukholwa? Cha, asiwulahli, esikhundleni saloko siyawusekela umtsetfo.

KubaseRoma 3:31 Referencias Cruzadas

Tihlabelelo 119:126

Simakadze, sesikhatsi sakho sekutsi utsatse tinyatselo, ngobe umtsetfo wakho uyephulwa.

Tihlabelelo 40:8

Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”

Isaya 42:21

Kwamjabulisa Simakadze ngenca yekulunga kwakhe kutsi ente umtsetfo wakhe ube mkhulu, futsi ube neludvumo.

Matewu 15:6

akusadzingeki kumhlonipha uyise nome unina.’ Kanjalo nilente laba lite livi laNkulunkulu, nase nilandzela emasiko enu.

Matewu 3:15

Kodvwa Jesu wamphendvula watsi: “Vuma nyalo, ngobe kufanele sigcwalise kanjalo intsandvo yaNkulunkulu.” Ngako wase uyamvumela.

Matewu 5:17

“Ningacabangi kutsi ngitele kutewucitsa umtsetfo netimfundziso tebaphrofethi. Angiketeli kutewucitsa, kodvwa ngitele kutewugcwalisa.

Matewu 5:20

Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”

Lukha 20:16

Wachubeka watsi: “Uyawubuya atibulale leticashi ayinike labanye lensimi.” Nabakuva loko bantfu, base batsi: “Cha, empeleni akungabi njalo!”

KubaseRoma 10:4

Ngobe Khristu usiphetfo semtsetfo, kuze kutsi wonkhe lokholwako entiwe emukeleke kuNkulunkulu kutsi ulungile.

KubaseRoma 2:20

Nguwe umceceshi walabangati nemfundzisi walabangakafundzi, wati kahle kutsi emtsetfweni kunelwati loluphelele ngeliciniso.

KubaseRoma 3:4

Cha, akusho loko. Nkulunkulu wetsembekile, nome bonkhe bantfu bangaba nemanga, njengobe kubhaliwe kutsi: “Kukhuluma kwakho kuyabonakalisa kutsi uneliciniso; nawubekwa licala, utfolakala umsulwa.”

KubaseRoma 3:6

Cha, akunjalo. Pho, nangakalungi Nkulunkulu, angawehlulela kanjani umhlaba?

KubaseRoma 4:14

Ngobe nangabe tindlalifa kungulabo labalalela umtsetfo, kukholwa kucitsekile, nesetsembiso sibhidlikile.

KubaseRoma 7:22

Ngobe ngekwemuntfu longekhatsi ngitfokotela umtsetfo waNkulunkulu.

KubaseRoma 7:25

Akabongwe Nkulunkulu ngeNkhosi yetfu Jesu Khristu! Ngako-ke mine ngekwami ngikhonta umtsetfo waNkulunkulu ngengcondvo yami, kodvwa ngekwemvelo yami ngikhonta umtsetfo wesono.

KubaseRoma 8:4

kuze sente loko lokufunwa ngumtsetfo tsine lesingahambi ngekwenyama, kepha sihamba ngaMoya.

1 kubaseKorinthe 9:21

Kubetive labate umtsetfo waMosi nami ngaba njengaye lote umtsetfo; noko angisiye lote umtsetfo waNkulunkulu, kepha nami ngingaphansi kwemtsetfo waKhristu, kuze ngizuze labate umtsetfo waMosi.

KubaseGalathiya 2:19

Ngobe mine ngekwami ngafa ngemtsetfo emtsetfweni, kuze ngiphilele Nkulunkulu. Ngibetselwe kanye naKhristu;

KubaseGalathiya 2:21

Angiwenti lite umusa waNkulunkulu; ngobe nangabe kulunga kutfolakala ngekwenta lokufunwa ngumtsetfo, kusho kutsi Khristu wafela lite.