KubaseRoma 3:22 - Siswati 1996 Bible

²² Nkulunkulu wenta kutsi bonkhe labakholwako balungelane naye ngekukholwa kwabo nguJesu Khristu, bonkhe ngalokufananako.

KubaseRoma 3:22 Referencias Cruzadas

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Lukha 15:22

Kepha uyise wabita tisebenti watsi: ‘Phangisani niletse ingubo lenhle niyembatsise, niyifake nendandatho emnweni wayo, neticatfulo etinyaweni.

Imisebenti yebaPhostoli 11:12

Moya Longcwele wangitjela kutsi angihambe nabo ngingangatsiti. Labazalwane labasitfupha labangiphekeletela sahamba nabo saya eKhesariya, sonkhe sangena endlini yaKhoneliyuse.

Imisebenti yebaPhostoli 15:9

Akentanga umehluko emkhatsini wetfu nabo; ngekukholwa wabahlanta tinhlitiyo.

Imisebenti yebaPhostoli 3:16

Ligama laJesu nekukholwa egameni lakhe lokucinise lendvodza leniyibonako naleniyatiko; nekukholwa lokungaJesu kunike imphilo lephelele kulomuntfu, njengobe nani nibona nje.

KubaseRoma 1:17

Ngobe liVangeli lembula kutsi Nkulunkulu wenta kanjani kutsi bantfu balungelane naye: Kungekukholwa, kusuka ekucaleni kuye ekugcineni, njengobe umBhalo utsi: “Lolungile ngekukholwa utawuphila.”

KubaseRoma 10:12

Kute umehluko emkhatsini wemJuda nemGriki ngobe yona leyo Nkhosi yiNkhosi yabo bonkhe, bonkhe labatibika ngekubita libito layo ibenetisa ngetibusiso ngalokuphuphumako.

KubaseRoma 10:4

Ngobe Khristu usiphetfo semtsetfo, kuze kutsi wonkhe lokholwako entiwe emukeleke kuNkulunkulu kutsi ulungile.

KubaseRoma 2:1

Ngako-ke ngeke utilandvulele, wena muntfu-ndzini, nome ngabe ungubani wena lowehlulelako; ngobe ngekwehlulela lomunye utilahla wena, ngobe nawe lowehlulelako uyakwenta kona loko.

KubaseRoma 3:30

ngobe phela Nkulunkulu munye. Bekusoka bayakwemukelwa nguNkulunkulu kutsi balungile ngekukholwa; kanjalo nebekungasoki balungisiswa ngekukholwa.

KubaseRoma 4:16

Ngako-ke setsembiso semukelwa ngekukholwa, khona konkhe kuyawuba ngemusa waNkulunkulu, ngaleyo ndlela-ke setsembiso siphiwe wonkhe umuntfu loyintalo ya-Abrahama. Lentalo ya-Abrahama-ke akusibo labo labagcina umtsetfo nje kuphela, kodvwa ngibo nalabo labakholwa njengaye. Abrahama ungubabe wetfu sonkhe,

KubaseRoma 8:1

Sekute kulahlwa kulabo labakuKhristu Jesu.

KubaseRoma 9:30

Pho, siyawutsini-ke? Betive labangazange bakufune kulungelana naNkulunkulu noko sebakunikwe ngekukholwa kwabo.

1 kubaseKorinthe 12:13

Ngobe ngaMoya munye tsine sonkhe sabhajatiswa kutsi sibe ngumtimba munye, nome singemaJuda nome singemaGriki, nome sitigcili, nome singulabakhululekile, tsine sonkhe sanatsiswa Moya munye.

1 kubaseKorinthe 4:7

Vele kambe ngubani lokwenta ube ncono kunalabanye? Yini lonayo longazange uyiphiwe? Nangabe-ke waphiwa, utigabatiselani wente shangatsi awuzange uphiwe?

KubaseGalathiya 2:16

Siyati kutsi imisebenti yemtsetfo layentako umuntfu ingeke imente emukeleke kuNkulunkulu kutsi ulungile, kepha umuntfu wemukeleka kuNkulunkulu kutsi ulungile ngekukholwa kwakhe nguKhristu Jesu. Natsi-ke sakholwa nguKhristu Jesu, sentiwa semukeleka kuNkulunkulu kutsi silungile ngaloko kukholwa kwetfu nguKhristu, hhayi ngekwenta loko lokufunwa ngumtsetfo. Empeleni kute umuntfu lowemukeleka kuNkulunkulu kutsi ulungile ngobe ente imisebenti yemtsetfo.

KubaseGalathiya 2:20

ngako-ke mine angisaphili, kodvwa nguKhristu lophila kimi. Nalemphilo lengiyiphilako kulomtimba, ngiyiphila ngekukholwa yiNdvodzana yaNkulunkulu leyangitsandza yatinikela yona matfupha esikhundleni sami.

KubaseGalathiya 3:22

Kodvwa umBhalo utsi bonkhe bantfu bangephansi kwemandla esono, kuze kutsi loko lokwetsenjiswa ekukholweni nguKhristu Jesu kuniketwe labakholwako.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

Kubase-Efesu 3:12

Ngaye sinekuciniseka nesibindzi sekusondzela kuNkulunkulu ngekukholwa kwetfu.

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

KubaseKholose 3:11

Kulabanjalo kute umehluko emkhatsini wemGriki nemJuda, walosokile nalongakasoki, wetive nemSikithi, sigcili nalokhululekile, kodvwa Khristu ungiko konkhe, futsi ukubo bonkhe.

YaJakobe 2:23

Ngako kwagcwaliseka umBhalo lotsi: “Abrahama wakholwa Nkulunkulu; ngenca yekukholwa kwakhe Nkulunkulu wamemukela njengemuntfu lolungile,” wase ubitwa ngekutsi: “Ungumngani waNkulunkulu.”