KubaseRoma 2:8 - Siswati 1996 Bible

⁸ Labanye bantfu baticabanga bona, bangakwemukeli loko lokuliciniso, bese balandzela loko lokungesiko; kulabo Nkulunkulu uyawutfululela lulaka nentfukutselo yakhe.

KubaseRoma 2:8 Referencias Cruzadas

2 Tikhronike 6:23

ubova usetulu ezulwini, bese uyenta. Yehlulela emkhatsini wetinceku takho, ulahle leyonile ngelicala, wehlisele etikwayo loko lekwentile, usho kulengenacala kutsi ite licala, ububeke ebaleni bumsulwa bayo.

Jobe 24:13

“Bakhona labo labamelene nekukhanya, labangatati tindlela tako, nalabangahlali etindleleni tako.

Tihlabelelo 90:11

Ngubani lowati emandla entfukutselo yakho, yebo, nelulaka lwakho, kuze akwesabe ngalokufanele?

Taga 11:23

Tifiso talabalungile tigcina ebuhleni; kodvwa ematsemba alababi agcina ebubini.

Taga 13:10

Ligcabho lichamusela incabano; kodvwa kuhlakanipha kutfolakala kulabo labemukela teluleko.

Isaya 50:10

Ngubani emkhatsini wenu lowesaba Simakadze nalolalela livi lenceku yakhe? Lowo lohamba ebumnyameni, longenako kukhanya, aketsembele kulo Libito laSimakadze, asime kuNkulunkulu wakhe.

Jeremiya 34:18

Lamadvodza lephule sivumelwane sami angete atigcwalisa timiso tesivumelwane lasente embikwami, ngiyakuwaphatsa njengalelinkhonyane lalihlahlela ekhatsi laba tincetu letimbili ase ahamba emkhatsini waletincetu acinisa lesivumelwane.

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Nahume 1:6

Ngubani nje longamelana nentfukutselo yakhe? Ngubani longabhekana nelulaka lwakhe lolwesabeka kangaka? Nakacitsa intfukutselo yakhe lenjengemlilo, emadvwala agayeka phansi abe tincetu embikwakhe.

KubaseRoma 1:18

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

KubaseRoma 10:16

Kodvwa liVangeli abalemukelanga bonkhe, ngobe Isaya utsi: “Nkhosi, ngubani lokholwe loko lakuve kitsi?”

KubaseRoma 15:18

Ngobe ngiyawubate sibindzi sekukhuluma lutfo lolunye ngaphandle kwaleto tintfo Khristu latente ngami. Khristu wasebenta ngemavi ami nangetento tami, kuze betive bamlalele;

KubaseRoma 6:17

Akabongwe Nkulunkulu, ngobe benitigcili tesono kodvwa seniwatfobele ngenhlitiyo yenu yonkhe emaciniso emfundziso leseniyemukele.

KubaseRoma 9:22

Loku akusiko yini Nkulunkulu labefuna kukwenta? Nome abefuna kubonakalisa lulaka lwakhe nekwatisa emandla akhe, noko watimela ngekubeketela lokukhulu titja telulaka lwakhe letatimiselwe kubhujiswa.

1 kubaseKorinthe 11:16

Kodvwa-ke nangabe umuntfu afuna kuphika inkhani, tsine site lelinye lisiko enkonzweni, nemabandla aNkulunkulu ate lelinye.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

KubaseGalathiya 5:20

nekukhonta tithico, nekutsakatsa, nebutsa, nenkhani, nemona, nelulaka, nekubanga, nekwehlukana, nekuhlubuka,

KubaseFiliphi 1:17

kepha labo labashumayela Khristu ngembango, kungesiko ngenhlitiyo lemhlophe, bacabanga kutsi batangivusela kukhatsateka ekuboshweni kwami.

KubaseFiliphi 2:3

Ningenti lutfo ngembango nangeludvumo lwelive, kepha ngekutfobeka nishaye kungatsi labanye bakhulu kunani.

2 kubaseThesalonika 1:8

INkhosi iyawuvela emalangabini emlilo, ijezise labo labangamati Nkulunkulu, nalabo labangalilaleli liVangeli leNkhosi yetfu Jesu.

kuThithusi 3:9

Kodvwa uboyikhweshela imibuzo yebulima, nemilandvo yekutalana, nemibango, nekuphikisana ngemitsetfo, ngobe konkhe loko akusiti lutfo, futsi kulite.

KumaHebheru 10:27

kodvwa sekusele kutsi ngekwesaba lokukhulu silindzele kwehlulelwa nemlilo loshisa ngelulaka loyawucedza emaphikankhani.

KumaHebheru 11:8

Ngekukholwa Abrahama walalela, nakabitwa nguNkulunkulu kutsi aye endzaweni labetawunikwa yona ibe lifa lakhe; waphuma, wahamba, angati lapho aya khona.

KumaHebheru 5:9

kwase kutsi ngekupheleliswa kwakhe waba ngumtfombo wensindziso yaphakadze yabo bonkhe labo labamlalelako,

YaJakobe 3:14

Kepha naninemona lobabako, nembango etinhlitiyweni tenu, ningatigabatisi; ngobe ngaloko liciniso nilenta emanga.

YaJakobe 3:16

ngobe lapho kunemona nembango khona, kunesiphitsiphitsi nayo yonkhe imisebenti lemibi.

1 yaPhetro 3:1

Ngalokufananako-ke, nani bafati, tfobelani emadvodza enu, kuze kutsi nakukhona emadvodza langalikholwa livi, nawo azuzeke ngaphandle kwenkhulumo, azuzwe yintfobeko yebafati bawo,

1 yaPhetro 4:17

Ngobe sesifikile sikhatsi sekwehlulela kutsi kucale kubendlu yaNkulunkulu; kepha nakucala kitsi, pho, siyawuba njani siphetfo salabo labangalaleli liVangeli laNkulunkulu?

Sembulo 14:10

uyawunatsa liwayini lentfukutselo yaNkulunkulu lelinekuphelela kwemandla alo latselwa endzebeni yelulaka lwakhe. Uyawuhlushwa aviswe buhlungu ngemlilo nangesibabule, embikwetingilosi letingcwele nasembikweliWundlu.

Sembulo 16:19

Lidolobha lelikhulu lajubeka laba tincamu letintsatfu, nemadolobha etive abhidlika. Nkulunkulu wayikhumbula iBhabhulona lenkhulu, wayinatsisa endzebeni yentfukutselo yakhe.